ରିପୋର୍ଟ : ସନ୍ତୋଷ କୁମାର ନାୟକ
ଟିଟିଲାଗଡ଼, (୧୨/୦୯) : ସୋମବାର ସନ୍ଧ୍ୟାରେ ସର୍ଗିଗୁଡ଼ା ନିକଟସ୍ଥ ବଜାଜ ସୋରୁମ ପାଖରେ ଥିବା ଆଇସା ଔଷଧ ଦୋକାନରେ ଏଗଜିକ୍ୟୁଟିଭ ମାଜିଷ୍ଟ୍ରେଟଙ୍କ ଉପସ୍ଥିତରେ ଚଢ଼ାଉ କରାଯାଇଥିଲା ।
ସେହି ଦୋକାନରୁ ୭୪ ଟି ପ୍ରୋକ୍ସିମୋ ସ୍ପାସ, ୨୩୯ ଗୋଟି ସ୍ପାସମୋ ପ୍ରୋକ୍ସିଭୋନ ପ୍ଲସ,୨୪୭ ଟି ଏଲପ୍ରାକ୍ସ ୦.୫, ୧୦ ଟି ପି ନେଇଟ୍ରା, ୧୮ ଗୋଟି ଏସକଫ ଡି ଏକ୍ସ କଫ ସୀରଫ, ନଗଦ ୨୭୦୦ ଟଙ୍କା ଜବତ କରିଥିଲେ। ମଙ୍ଗଳବାର ଅପରାହ୍ନରେ ଟିଟିଲାଗଡ଼ ଥାନାରେ ଏ ନେଇ ଡିଏସପି ଶ୍ରୀମତି ଅଙ୍କିତା କୁମ୍ଭାର ଏବଂ ଥାନାଧିକାରୀ ଶ୍ରୀ ବିଶ୍ୱଜିତ ମନବୋଧ ଏକ ସାମ୍ୱାଦିକ ସମ୍ମିଳନୀରେ ବିସ୍ତୃତ ସୁଚନା ପ୍ରଦାନ କରିଥିଲେ ।
ଯାହାକି ସହର ଓ ଆଖପାଖ ଅଞ୍ଚଳର ନିଶା କରୁଥିବା ଯୁବକଙ୍କୁ ଏବଂ ପାଖ ଜିଲ୍ଲା ତଥା ପଡ଼ୋଶୀ ଛତିଶଗଡ଼ ରାଜ୍ୟକୁ ଚାଲାଣ ହେଉଥିବା କହିଛନ୍ତି । ଏହି ଚଢାଉରେ ଥାନାଧିକାରୀ ଶ୍ରୀ ବିଶ୍ୱଜିତ ମନବୋଧ, ଏସ ଆଇ ପି କେ ଦୁରିଆ, ଏସ ଆଇ ଦେବାଶିଷ ଶତପଥୀ, ଏ ଏସ ଆଇ ଏମ କେ ବିଶି, ଏସ କେ ପାଣିଗ୍ରାହୀ, ଏ ଏସ ଆଇ କାର୍ତ୍ତିକ ପ୍ରଧାନ ସାମିଲ ହୋଇଥିଲେ। ଦୋକାନ ମାଲିକଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି। ଟିଟିଲାଗଡ଼ରୁ ସନ୍ତୋଷ କୁମାର ନାୟକଙ୍କ ରିପୋର୍ଟ।
