ରିପୋର୍ଟ : ସୁଶାନ୍ତ ବେହେରା //
ବୌଦ୍ଧ,(୦୪/୧୦) : ବୌଦ୍ଧ ବ୍ଲକ ଲକ୍ଷ୍ମୀପ୍ରସାଦ ପଂଚାୟତ ଓଡିଶା ଷ୍ଟେଟ ବ୍ରିଗେଡ ସ୍କୁଲର ଦୁଇଜଣ ଛାତ୍ର ଗତ ଶିକ୍ଷା ବର୍ଷରେ ହୋଇଥିବା ନବୋଦୟ ପ୍ରବେଶିକା ପରୀକ୍ଷାରେ କୃତିତ୍ୱ ଅର୍ଜନ କରିଛନ୍ତି l ଏହି ଦୁଇ ଛାତ୍ର ହେଲେ ଜଗା ମେହେର ଓ ବାଦଲ ମେହେର l
ନବୋଦୟ ପ୍ରବେଶିକା ପରୀକ୍ଷାରେ କୃତିତ୍ୱ ଅର୍ଜନ କରିଥିବା ନେଇ ବିଦ୍ୟାଳୟ ପକ୍ଷରୁ ଏହି ଦୁଇ ଛାତ୍ରଙ୍କୁ ସୋମବାର ସମ୍ବର୍ଦ୍ଧନା ଦିଆଯାଇଥିଲା l ବିଦ୍ୟାଳୟର ପରିଚାଳକ ନବକିଶୋର ମେହେରଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମ ରେ ଉଭୟ ଛାତ୍ରଙ୍କ ସହ ତାଙ୍କ ପିତା ଓ ମାତାଙ୍କୁ ମଧ୍ୟ୍ୟ ସମ୍ବର୍ଦ୍ଧନା କରାଯାଇଥିଲା l ବିଦ୍ୟାଳୟର ଅଧ୍ୟକ୍ଷ ସଞ୍ଜୟ କୁମାର ବାଘ ସଭା ପରିଚାଳନା କରିଥିବା ବେଳେ ଶିକ୍ଷୟତ୍ରୀ ପ୍ରତିଭା ପ୍ରଧାନ, ସୌଦାମିନୀ ନେଗୀ, ସନ୍ତୋଷିନୀ ପ୍ରଧାନ, ସତ୍ୟବତୀ ଭୋକ୍ତା ଶିକ୍ଷା ଉପରେ ବକ୍ତ୍ୟବ୍ୟ ରଖିଥିଲେ l
ଶେଷରେ ଶିକ୍ଷୟତ୍ରୀ ପ୍ରତିଭା ପ୍ରଧାନ ଧନ୍ୟବାଦ ଅର୍ପଣ କରିଥିଲେ l ପ୍ରତେକ ବର୍ଷ ଏହି ବିଦ୍ୟାଳୟର ଛାତ୍ର ଛାତ୍ରୀ ନବୋଦୟ, ଆଦର୍ଶ ଓ ବୃତ୍ତି ପରୀକ୍ଷାରେ କୃତିତ୍ୱ ଅର୍ଜନ କରୁଥିବାରୁ ଏହି ଅଂଚଳରେ ବିଦ୍ୟାଳୟଟି ସୁନାମ ଅର୍ଜନ କରୁଥିବା ବିଦ୍ୟାଳୟର ପରିଚାଳକ ସୂଚନା ଦେଇଥିବା ଜଣାପଡିଛି l