ରିପୋର୍ଟ : ସନ୍ତୋଷ କୁମାର ନାୟକ
ବଲାଙ୍ଗୀର, ତା(୦୬/୧୦) : ବଲାଙ୍ଗୀର ଜିଲ୍ଲାର ଟିଟିଲାଗଡ଼ ସହର ସ୍ଥିତ ପ୍ରସିଦ୍ଧ ଦେବୀ ମାଁ ଘଣ୍ଟାଶୁଣି ପୀଠ ରେ ଚଳିତ ବର୍ଷ ପ୍ରତିବର୍ଷ ଭଳି ଯଥା ରୀତିନୀତି ଅନୁଯାୟୀ ଦଶହରା ପୂଜା ଆୟୋଜନ କରାଯିବ । ଟିଟିଲାଗଡ଼ ସହର ହାଟପଦା ପଡ଼ା ରେ ସ୍ଥିତ ଏହି ମନ୍ଦିର ରେ ନିଜ ମନସ୍କାମନା ପୂରଣ ପାଇଁ ଘଣ୍ଟ ବାନ୍ଧିବା ପରମ୍ପରା ରହିଛି ।
ଓଡ଼ିଶାର ଅନ୍ୟତମ ତନ୍ତ୍ର ପୀଠ ରାଣୀପୁର ଝରିଆଲ ସହ ଏହି ଟିଟିଲାଗଡ଼ ର ଧବଳେଶ୍ଵର ଶୈବ ପୀଠ ର ସମ୍ପର୍କ ରହିଥିବା ଐତିହାସିକ ତଥ୍ୟ ରହିଛି । ପ୍ରତିବର୍ଷ ଓଡିଶା ଓ ପଡ଼ୋଶୀ ରାଜ୍ୟ ରୁ ଅନେକ ସଂଖ୍ୟାରେ ଘଣ୍ଟ ବାନ୍ଧିବା ନିମନ୍ତେ ଭକ୍ତଙ୍କ ସମାଗମ ଘଟିଥାଏ । ଚଳିତ ବର୍ଷ ଯଥା ରୀତି କୋଭିଡ କଟକଣା ଅନୁଯାୟୀ ପରମ୍ପରା ଅନୁଯାୟୀ ପୂଜା କରିବା ମୁଖ୍ୟ ପୂଜକ ରାୟ ସିଂହ ପାତ୍ର ଙ୍କ ନିକଟ ରୁ ସୂଚନା ମିଳିଛି ।
ଏହି ଅବସରରେ ବହୁ ମାତ୍ରାରେ କୁକୁଡ଼ା,ଛେଳି, ମେଣ୍ଢା,ଆଦି ବଳି ଦିଆଯାଇ ଆସୁଅଛି । ସାମ୍ପ୍ରତିକ ସମୟରେ ବର୍ତ୍ତମାନ ସୁଦ୍ଧା ଏହି ବଳି ପ୍ରଥା ଚାଲିବା ନେଇ ଏ ପ୍ରଥା ବନ୍ଦ ପାଇଁ ବଳି ପ୍ରଥା ବନ୍ଦ ସମିତି ପକ୍ଷରୁ ପ୍ରଚାର ପ୍ରସାର ଚଲାଇ ଆସୁଛି । ଚଳିତ ସମୟରେ ପ୍ରଥା ବନ୍ଦ ନେଇ ସଚେତନତା କରିଥିବା ବେଳେ ଯଥେଷ୍ଟ ମାତ୍ରା ରେ ବଳି କମି ଆସୁଥିବା ଦେଖାଯାଉଛି ।
ସେହିପରି ଏ ମନ୍ଦିର ନିକଟସ୍ଥ ହାଟପଦା ରେ ଦୁର୍ଗା ପୂଜା ମନ୍ଦିର ରୁ ଯଥାରୀତି ମାଟି ନେଇ ଦୁର୍ଗାପୂଜା କମିଟି ତରଫରୁ ଯଥାରୀତି ପୂଜା ଆୟୋଜନ ହୋଇଥାଏ । ସ୍ୱତନ୍ତ୍ର ବୈଶିଷ୍ଟ୍ୟ ଥିବା ଏହି ଦୁର୍ଗାପୂଜା କମିଟି ଦ୍ୱାରା ଉକ୍ତ ପାର୍ବଣ ପାରମ୍ପରିକ ରୀତି ରେ ଆୟୋଜନ କରାଯିବା କମିଟି ତରଫରୁ ଏକ ବୈଠକ ଅନୁଷ୍ଠିତ କରି ସୂଚନା ଦିଆଯାଇଛି ।