Friday, October 22, 2021
HomeBreaking Newsଜିଲ୍ଲାପାଳ ଶ୍ରୀ ସରୋଜ କୁମାର ସେଠୀଙ୍କ ତପୋବନ ଆଶ୍ରମ ପରିଦର୍ଶନ

ଜିଲ୍ଲାପାଳ ଶ୍ରୀ ସରୋଜ କୁମାର ସେଠୀଙ୍କ ତପୋବନ ଆଶ୍ରମ ପରିଦର୍ଶନ

ରିପୋର୍ଟ : ରଂଜିତ ବେହେରା //
ଢେଙ୍କାନାଳ,(୦୭/୧୦) : ଆଜି ଅପରାହ୍ନରେ ଜିଲ୍ଲାପାଳ ଶ୍ରୀ ସରୋଜ କୁମାର ସେଠୀ ସଦର ବ୍ଲକ ଅନ୍ତର୍ଗତ କାଦୁଆ ଗ୍ରାମ ନିକଟସ୍ଥ ତପୋବନ ଆଶ୍ରମ ପରିଦର୍ଶନ କରି ଆଶ୍ରମର ବାବାମାନଙ୍କ ସହିତ ଆଶ୍ରମର ଅଭାବ ଅସୁବିଧା ସମ୍ପର୍କରେ ଆଲୋଚନା କରିଛନ୍ତି ।

ବାବା ରଘୁନାଥ ଦାସ , ବାବା ସୁଶାନ୍ତ ଦାସ , ବାବା ଅଭୟ ଦାସ , ବାବା କରୁଣାକର ଦାସ ଏବଂ ମହିମା ଜ୍ୟୋତିଯାତ୍ରାର ସଂଯୋଜକ ଶ୍ରୀ ପ୍ରଦ୍ୟୁମ୍ନ ରଥ , ମହିମା ପରିଷଦର ସମ୍ପାଦକ ଶ୍ରୀ ମହେନ୍ଦ୍ର କୁମାର ସାହୁ ପ୍ରମୁଖ ଆଶ୍ରମକୁ ସବୁଦିନିଆ ରାସ୍ତା ନିର୍ମାଣ, ଜଳ ସଂରକ୍ଷଣ ନିମନ୍ତେ ଚେକ ଡ୍ୟାମର ନିର୍ମାଣ, ସୌର ଆଲୋକ ବ୍ୟବସ୍ଥା, ପାନୀୟ ଜଳ ବ୍ୟବସ୍ଥା, ପଶୁପକ୍ଷୀ – ଜୀବଜନ୍ତୁ ଆଦିଙ୍କ ସୁରକ୍ଷା, ଭିକ୍ଷା ମଣ୍ଡପ ନିର୍ମାଣ ନିମନ୍ତେ ଜିଲ୍ଲାପାଳଙ୍କ ଦୃଷ୍ଟି ଆକର୍ଷଣ କରିଥିଲେ । ଆଶ୍ରମର ଉନ୍ନତି ବିଧାନ ଓ ସୁରକ୍ଷା ପ୍ରଦାନ ନିମନ୍ତେ ଆରକ୍ଷୀ ଅଧୀକ୍ଷକ ଶ୍ରୀ କେ.ଶିବା ସୁବ୍ରମଣି, ବନଖଣ୍ଡ ଅଧିକାରୀ ଶ୍ରୀ ପ୍ରକାଶ ଚାନ୍ଦ ଗୋଗିନେନୀଙ୍କ ସହିତ ଜିଲ୍ଲାପାଳ ଶ୍ରୀ ସରୋଜ କୁମାର ସେଠୀ ଆଲୋଚନା କରିଛନ୍ତି ।

ଏହି ଗ୍ରସ୍ତ ସମୟରେ ସଦର ଉପଜିଲ୍ଲାପାଳ , ସଦର ତହସିଲଦାର , ଆଶ୍ରମବାସୀ ଓ ଅନ୍ୟାନ୍ୟ ଭକ୍ତଗଣ ଉପସ୍ଥିତ ଥିଲେ । ଏହି ଅବସରରେ କାଦୁଆ ଗ୍ରାମବାସୀମାନେ ଜିଲ୍ଲାପାଳଙ୍କୁ ସ୍ବାଗତ ଜଣାଇଥିଲେ । ଗ୍ରାମର ଅଙ୍ଗନବାଡି କେନ୍ଦ୍ର ଓ ରାସ୍ତାର ଉନ୍ନତି ବିଧାନ ନିମନ୍ତେ ଗ୍ରାମବାସୀମାନେ ଜିଲ୍ଲାପାଳଙ୍କ ଦୃଷ୍ଟି ଆକର୍ଷଣ କରିଥିଲେ ।

RELATED ARTICLES

LEAVE A REPLY

Please enter your comment!
Please enter your name here

- Advertisment -

Most Popular

Recent Comments