Sunday, November 28, 2021
HomeUpdate Newsଦୁର୍ନୀତି ବିରୋଧୀ ସଂଗ୍ରାମ ପାଇଁ ପୂର୍ବ ସରକାରଙ୍କର ଇଚ୍ଛାଶକ୍ତି ନ ଥିଲା : ପ୍ରଧାନମନ୍ତ୍ରୀ

ଦୁର୍ନୀତି ବିରୋଧୀ ସଂଗ୍ରାମ ପାଇଁ ପୂର୍ବ ସରକାରଙ୍କର ଇଚ୍ଛାଶକ୍ତି ନ ଥିଲା : ପ୍ରଧାନମନ୍ତ୍ରୀ

ରିପୋର୍ଟ : ସୁଭାସିସ ନାୟକ
ନୂଆଦିଲ୍ଲୀ,(୨୧/୧୦) : ଯିଏ ଯେତେ ଶକ୍ତିଶାଳୀ ହୋଇ ଥାଆନ୍ତୁ, ଦେଶକୁ ଲୁଟ୍ କରୁଥିବା ବ୍ୟକ୍ତିଙ୍କୁ ସରକାର ଛାଡୁ ନାହାନ୍ତି । କିନ୍ତୁ ଦୁର୍ନୀତି ବିରୋଧୀ ସଂଗ୍ରାମ କରିବା ପାଇଁ ପୂର୍ବ ସରକାର ର ଇଚ୍ଛାଶକ୍ତି ନ ଥିଲା ବୋଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଛନ୍ତିି ।

ଆଜି ଗୁଜରାଟରେ ଆୟୋଜିତ ‘ସେଣ୍ଟ୍ରାଲ୍ ଭିଜିଲାନ୍ସ କମିସନ୍’ (ସିଭିସି) ଏବଂ ‘ସେଣ୍ଟ୍ରାଲ୍ ବ୍ୟୁରୋ ଅଫ୍ ଇନ୍ଭେଷ୍ଟିଗେସନ୍’ର (ସିବିଆଇ) ମିଳିତ ଅଧିବେଶନରେ ‘ଭର୍ଚ୍ୟୁଆଲ୍’ ଅଭିଭାଷଣ ଦେଇ ପ୍ରଧାନମନ୍ତ୍ରୀ ମୋଦୀ ଏହା କହିଛନ୍ତି । ପ୍ରଧାନମନ୍ତ୍ରୀ କହିଛନ୍ତି, ପୂର୍ବେ ସରକାର ଯେମିତି ଚାଲୁଥିଲା, ଯେଉଁ ଭଳି ଶାସନ ବ୍ୟବସ୍ଥା କାର୍ଯ୍ୟ କରୁଥିଲା, ସେଥିରେ ଉଭୟ ରାଜନୈତିକ ଏବଂ ପ୍ରଶାସନିକ ଅଧିକାରୀଙ୍କ ଦୁର୍ନୀତି ବିରୋଧୀ ସଂଗ୍ରାମ ପାଇଁ ଇଚ୍ଛାଶକ୍ତି ନ ଥିଲା । ଦୁର୍ନୀତି ଉପରେ ଜୋରଦାର ଚଢ଼ାଉ ପାଇଁ ଏବେ ରାଜନୈତିକ ଇଚ୍ଛାଶକ୍ତି ଅଛି । ପ୍ରଶାସନିକ ସ୍ତରରେ ମଧ୍ୟ ନିରନ୍ତର ଉନ୍ନତିକରଣ କରାଯାଉଛି ।

ଦେଶକୁ ଠକି ଜନତାଙ୍କୁ ଲୁଟୁଥିବା ଲୋକେ ଯେତେ ଶକ୍ତିଶାଳୀ ହୁଅନ୍ତୁ, ଯେଉଁଠି ଥାଆନ୍ତୁ ପଛକେ, ସେମାନଙ୍କ ପ୍ରତି ଦୟାମାୟା ପ୍ରଦର୍ଶନ ହେଉନାହିଁ । ସରକାର ସେମାନଙ୍କୁ ଛାଡୁ ନାହାନ୍ତି ବୋଲି ପ୍ରଧାନମନ୍ତ୍ରୀ କହିଛନ୍ତି । ଦୁର୍ନୀତିକୁ ପ୍ରତିହତ କରିବା ସମ୍ଭବ ବୋଲି ଗତ ୬/୭ ବର୍ଷର ଉଦ୍ୟମ କରି ଆମେ ଦେଶବାସୀଙ୍କ ମନରେ ଆତ୍ମବିଶ୍ୱାସ ସୃଷ୍ଟି କରାଇ ପାରିଛୁ ।

ବିନା ମଧ୍ୟସ୍ଥରେ ସରକାରୀ ଯୋଜନାରୁ ଉପକୃତ ହେବା ସମ୍ଭବ ବୋଲି ଆଜି ଦେଶବାସୀ ବିଶ୍ୱାସ କଲେଣି । ସମସ୍ତ କ୍ଷେତ୍ରରୁ ଦୁର୍ନୀତିର ମୂଳୋତ୍ପାଟନ ନିମନ୍ତେ ଆପଣଙ୍କୁ ପୁନଃ ଉତ୍ସର୍ଗ କରିବା ନିମନ୍ତେ ପ୍ରଧାନମନ୍ତ୍ରୀ ମୋଦୀ ‘ସିବିଆଇ’ ଏବଂ ‘ସିଭିସି’ ଅଫିର୍ସମାନଙ୍କୁ ଆହ୍ୱାନ ଦେଇଛନ୍ତି |

RELATED ARTICLES

LEAVE A REPLY

Please enter your comment!
Please enter your name here

- Advertisment -

Most Popular

Recent Comments