ରିପୋର୍ଟ : ସନ୍ତୋଷ ନାୟକ //
ବଲାଙ୍ଗୀର,(୨୦/୧୦) : ଅଦ୍ୟ ତା : ୨୦/୧୦/୨୦୧୧ ଦିନ ଷ୍ଟେଟ ବ୍ୟାଙ୍କ ଆର.ସେଟି ଆନୁକୂଲ୍ୟରେ ବଲାଙ୍ଗୀର ଜିଲ୍ଲା ପୁଇଁତଳା ବ୍ଲକ ଅନ୍ତର୍ଗତ ଡାହିମାଳ ଗ୍ରାମରେ ଏକ ଛତୁ ଚାଷ ତାଲିମ କାର୍ଯ୍ୟକ୍ରମ ଉଦଘାଟିତ ହୋଇଯାଇଛି |
ଉକ୍ତ କାର୍ଯ୍ୟକ୍ରମରେ ଶ୍ରୀ ସଂଗ୍ରାମ ସାବତ, ଷ୍ଟେଟ ବ୍ୟାଙ୍କ ଆର.ସେଟି ଶାଖା ପରିଚାଳକ ଆଇ.ସି.ଆଇ.ସି.ଆଇ ବ୍ୟାଙ୍କ ବଲାଙ୍ଗୀର ମୁଖ୍ୟ ଅତିଥି ରୂପେ ଆସି ତାଲିମ ଗ୍ରହୀତା ମାନଙ୍କୁ ଆର୍ଥିକ ସହଯୋଗର ହାତ ବଢାଇଥିଲେ | ଅନୁଷ୍ଠାନର ନିର୍ଦ୍ଦେଶକ ଶ୍ରୀ ଚନ୍ଦ୍ର ମୋହନ ମୁର୍ମୁ ସ୍ୱରୋଜଗାରୀ ହେବା ପାଇଁ ତାଲିମ ଗ୍ରହୀତା ମାନଙ୍କୁ ଉତ୍ସାହିତ କରିଥିଲେ | ପ୍ରଶିକ୍ଷକ ଶ୍ରୀ ସୂର୍ଯ୍ୟମଣି ପଧାନ ସେମାନଙ୍କୁ ଅଭିପ୍ରେରିତ କରି ତାଲିମ କାର୍ଯ୍ୟକ୍ରମର ସଫଳତା କାମନା କରିଥିଲେ |
ଆମ ଜଙ୍ଗଲ ଯୋଜନାର ଶ୍ରୀ ଡାନିଏଲ ସୁନା ଓ ରମଣୀ ବରାଡ଼, ଆଇ.ସି.ଆଇ.ସି.ଆଇ ବ୍ୟାଙ୍କ ଆସିଷ୍ଟାଣ୍ଟ ମ୍ୟାନେଜର ଶ୍ରୀ ଅଶ୍ୱିନୀ କୁମାର ସାହୁ, କାର୍ଯ୍ୟାଳୟ ସହକାରୀ ଶ୍ରୀ ସୁଧୀର କୁମାର ବେହେରା ତଥା ସାମାଜିକ କର୍ମୀ ମୋହନ ସାହୁ କାର୍ଯ୍ୟକ୍ରମକୁ ସହଯୋଗ କରିଥିଲେ | ଏହି କାର୍ଯ୍ୟକ୍ରମରେ ଡାହିମାଳ ଓ ମହୀମୁଣ୍ଡା ଗ୍ରାମର ସ୍ୱୟଂ ସହାୟକ ଦଳର ସଦସ୍ୟା ମାନେ ଭାଗ ନେଇଥିଲେ |