ରିପୋର୍ଟ : ରବିଶଙ୍କର ମହାପାତ୍ର //
କୋଟପାଡ, କୋରାପୁଟ,(୩୦/୧୦) : ରାଜ୍ୟ କନିଷ୍ଠ ଶିକ୍ଷକ ସଂଘ ୨୦୧୬ ମସିହା ଠାରୁ ଆଜି ପର୍ଯ୍ୟନ୍ତ ଶିକ୍ଷକମାନଙ୍କ ର ବିଭିନ୍ନ ଦାବି ସରକାରଙ୍କ ପାଖରେ ଉପସ୍ଥାପନା କରି ଆସୁଛନ୍ତି l କୋଟପାଡ କନିଷ୍ଠ ଶିକ୍ଷକ ସଂଘ ପକ୍ଷରୁ ମୁଖ୍ୟ ମନ୍ତ୍ରୀଙ୍କ ଉଦ୍ଦେଶ୍ୟରେ ସ୍ମାରକପତ୍ର ପ୍ରଦାନ କରିଛି | ଦୁଃଖ ଓ ପରିତାପର ଵିଷୟ ଏହିକି ଯେ ଇତି ମଧ୍ୟରେ ଦୀର୍ଘ ୫ ବର୍ଷ ବିତିଯାଇଥିଲେ ମଧ୍ୟ ଏ ପର୍ଯ୍ୟନ୍ତ ସରକାର କନିଷ୍ଠ ଶିକ୍ଷକ ମାନଙ୍କ ଦରମା ବୃଦ୍ଧି କରି ନାହାଁନ୍ତି l
ରାଜ୍ୟରେ ଦରଦାମ ହୁ ହୁ ହୋଇ ବଢୁ ଥିବା ବେଳେ ମାସିକ ୬୫୧୨ ଟଙ୍କା ରେ ଜଣେ ଶିକ୍ଷକ କିପରି ବଂଚିତ ? ସରକlର ଜଣେ ଅଣ କୁଶଳୀ ଶ୍ରମିକ ର ପାରିଶ୍ରମିକ ୩୧୧ ଟଙ୍କା ଧାର୍ଯ୍ୟ କରୁଥିବା ବେଳେ ଜଣେ ଶିକ୍ଷକ କୁ ଦୈନିକ ପାରିଶ୍ରମିକ ୨୧୭ ଟଙ୍କା ଦେବା କେତେ ଯୁକ୍ତି ଯୁକ୍ତ ବୋଲି ସ୍ମାରକପତ୍ରରେ ଉଲ୍ଲେଖ କରାଯାଇଛି l ଦରମା ବୃଦ୍ଧି କୁ ନେଇ ମିଥ୍ୟା ପ୍ରତିଶୃତି ସରକାର ବାରମ୍ବାର ଦେଉଛନ୍ତି l ଶନିବାର ଦିନ କୋଟପାଡ କନିଷ୍ଠ ଶିକ୍ଷକ ସଂଘ ତରଫରୁ ବ୍ଲକ ଶିକ୍ଷା ଅଧିକାରୀ ଙ୍କ ମlଧ୍ୟମରେ ମାନ୍ୟବର ମୁଖ୍ୟମନ୍ତ୍ରୀ ଓଡିଶା ସରକାର ଶ୍ରୀଯୁକ୍ତ ନବୀନ ପଟନାୟକ ଙ୍କୁ ସ୍ମାରକପତ୍ର ପ୍ରଦାନ କରିଛନ୍ତି l
ପ୍ରକାଶ ଥାଉକି ଗତ ୧୧/୧୦/୨୧ ଦିନ କ୍ୟାବିନେଟ ବୈଠକରେ ରାଜ୍ୟରେ ଚୁକ୍ତି ଭିତିକ ନିଯୁକ୍ତି ଉଛେଦ କରି ଥିଲେ କିନ୍ତୁ ଓଡ଼ିଶା – ଗ (ଚୁକ୍ତିନାମା ନିୟମ) ଅନୁସାରେ ୧୬୦୦୦ ଚୁକ୍ତି ଭିତ୍ତିକ କନିଷ୍ଠ ଶିକ୍ଷକ ଏଥିରୁ ବାଦ ପଡ଼ୁଛନ୍ତି l ବର୍ଦ୍ଧିତ ଦରଦାମ ସାଙ୍ଗକୁ ସ୍ୱଳ୍ପ ଦରମା ଶିକ୍ଷକମାନଙ୍କୁ ମାନସିକ ଚାପ ଗ୍ରସ୍ତ କରୁଛି l
ତେଣୁ ପ୍ରଶାସନିକ ଅଧିକାରୀଙ୍କ ସହଯୋଗରେ ନିଜ ର ଦାବି ସରକାର ଙ୍କ ପାଖରେ ପହଞ୍ଚିବା ସହ ଦରମା ବୃଦ୍ଧି ଦିଗରେ ଖୁବଶୀଘ୍ର ପଦକ୍ଷେପ ଗ୍ରହଣ କରାନଗଲେ ଆନ୍ଦୋଳନ କରିବାକୁ ସଂଘ ତରଫରୁ ସରକାରଙ୍କୁ ଚେତାବନୀ ଦିଆଯାଇଛି।