ରିପୋର୍ଟ : ସୁଶାନ୍ତ ବେହେରା //
ହରଭଙ୍ଗା,(୦୨/୧୧) : ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ପୁରୁଣା କଟକ ମା ଭୈରବୀ କନିଷ୍ଠ ମହାବିଦ୍ୟାଳୟରେ ଅନୁଷ୍ଠିତ ତିନି ଦିନିଆ ଯୁବ ରେଡ଼କ୍ରସ ଶିବିର ଆଜି ଉଦଯାପିତ ହୋଇଯାଇଛି |
ଅଧ୍ୟକ୍ଷ ମନୋଜ କୁମାର ପାଠୀ ଙ୍କ ସଭାପତିତ୍ୱ ରେ ଅନୁଷ୍ଠିତ ଉଦଯାପନୀ ଉତ୍ସବରେ ପୁରୁଣା କଟକ ଭୈରବୀ ଡିଗ୍ରୀ ମହାବିଦ୍ୟାଳୟର ଅଧ୍ୟକ୍ଷ ଡଃ. ପୂର୍ଣ୍ଣ ଚନ୍ଦ୍ର ତ୍ରିପାଠୀ ମୁଖ୍ୟଅତିଥି ଭାବେ ଯୋଗଦେଇ ଛାତ୍ରଛାତ୍ରୀଙ୍କୁ ସେବବ୍ରତୀ ହେବା ପାଇଁ ଆହ୍ୱାନ ଜଣାଇଥିଲେ | ଏହି ତିନି ଦିନିଆ ଯୁବ ରେଡ଼କ୍ରସ ଶିବିର କାର୍ଯ୍ୟକ୍ରମରେ ୨୦ଜଣ ଛାତ୍ର ଛାତ୍ରୀ ଓ ୫ଜଣ କାଉଁସିଲର ବୌଦ୍ଧ ପଂଚାୟତ କଲେଜ,ବୌଦ୍ଧ ମହିଳା ମହାବିଦ୍ୟାଳୟ, ପୁରୁଣାକଟକ ଡିଗ୍ରୀ ମହାବିଦ୍ୟାଳୟ, ପୁରୁଣା କଟକ କନିଷ୍ଠ ମହାବିଦ୍ୟାଳୟ, ହରଭଙ୍ଗା ଆଞ୍ଚଳିକ ପଂଚାୟତ କଲେଜ ରୁ ଆସି ଯୋଗ ଦେଇଥିଲେ |
ଉକ୍ତ ଉଦଯାପନୀ କାର୍ଯ୍ୟକ୍ରମ ରେ ଭୈରବୀ ଡିଗ୍ରୀ ମହାବିଦ୍ୟାଳୟ ର ଅଧ୍ୟାପକ ରମେଶ ଚନ୍ଦ୍ର ତାରିଣିଆ, ଅଧ୍ୟାପକ ସୁରେଶ୍ୱର ଯୋଶୀ, ଲୋକ କଳା ବିକାଶ ସରସରା ର ଦୁଇଜଣ ସ୍ବେଛାସେବୀ ସୁପ୍ରିୟା ଦେହୁରୀ, ପ୍ରତାପ ମେହେର ସମ୍ମାନିତ ଅତିଥି ଭାବେ ଯୋଗ ଦେଇଥିଲେ | ପୁରୁଣା କଟକ ଭୈରବୀ କନିଷ୍ଠ ମହାବିଦ୍ୟାଳୟ ର ଅଧ୍ୟକ୍ଷ ତଥା କାଉଁସିଲର ସଦାଶିବ ଜେନା ଧନ୍ୟବାଦ ଅର୍ପଣ କରିଥିଲେ |
କାର୍ଯ୍ୟକ୍ରମ ଶେଷରେ ଶିବିରାର୍ଥୀଙ୍କୁ ପ୍ରଶଂସା ପତ୍ର ଦିଆଯିବା ସହ ବିଭିନ୍ନ ଦିନରେ ଅନୁଷ୍ଠିତ ବକ୍ତୃତା, ପ୍ରବନ୍ଧ, ସାଧାରଣ ଜ୍ଞାନ, ପ୍ରତିଯୋଗିତା ର କୃତି ପ୍ରତିଯୋଗୀ ମାନଙ୍କୁ ପୁରସ୍କୃତ କରାଯାଇଥିବାର ସୂଚନା ଦେଇଛନ୍ତି ଅଧ୍ୟକ୍ଷ ମନୋଜ ପାଠୀ, ମହାବିଦ୍ୟାଳୟ ର ସମସ୍ତ କର୍ମ କର୍ତ୍ତା ଶିବିର ପରିଚାଳନା ରେ ପୂର୍ଣ୍ଣ ସହଯୋଗ କରିଥିଲେ ଏବଂ ଚାରିଛକ ର ଅଗ୍ନିଶମ କର୍ମ କର୍ତ୍ତା ମାନେ ସକ୍ରିୟ ସହଯୋଗ କରିଥିଲେ |