ରିପୋର୍ଟ : ଧ୍ରୁବରାଜ ମିଶ୍ର //
ବିନିକା, (୨୩/୧୨) : ବିନିକା ସରସ୍ୱତୀ ଶିଶୁ ବିଦ୍ୟା ମନ୍ଦିର ଠାରେ ଗତକାଲି ସଂକୁଳ ସ୍ତରୀୟ (NEP-2020) ନୂତନ ଜାତୀୟ ଶିକ୍ଷାନୀତି ଏକ କର୍ମଶାଳା ଅନୁଷ୍ଠିତ ହୋଇ ଯାଇଛି । ଏହି ଉତ୍ସବରେ ବାଉଁଶୁଣୀ ମହାବିଦ୍ୟାଳୟ ର ଅଧ୍ୟାପକ ରାଜେଶ କୁମାର ପଟ୍ଟନାୟକ ମୁଖ୍ୟ ଅତିଥି ତଥା ସ୍ଥାନୀୟ ବିଦ୍ୟାଳୟ ର ଯୁଗ୍ମ ସଂପାଦକ ବିଭୁତି ଓତା ସମ୍ମାନିତ ଅତିଥି ଭାବେ ଯୋଗଦାନ କରିଥିଲେ ।
ସୁବର୍ଣ୍ଣପୁର ସଂକୁଳର ସଂକୁଳ ସଂଯୋଜକ ଶ୍ରୀମାନ ଦୟାନିଧି କରଣ ଏହି କାର୍ଯ୍ୟକ୍ରମର ମୁଖ୍ୟ ପୁରୋଧା । ସ୍ଥାନୀୟ ବିଦ୍ୟାଳୟ ର ପ୍ରଧାନ ଆଚାର୍ଯ୍ୟ ସନ୍ତୋଷ କୁମାର ସା ଅତିଥି ପରିଚୟ ପ୍ରଦାନ କରିଥିଲେ । ଦ୍ବିତୀୟ ଦିନ ପ୍ରାତଃ ସମୟର ବନ୍ଦନା କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଶିକ୍ଷକ ଅନନ୍ତ ପଣ୍ଡା ଯୋଗଦନ କରିଥିଲେ । ବିଦ୍ୟାଳୟ ପ୍ରଧାନ ଆଚାର୍ଯ୍ୟ ଅତିଥିଙ୍କ ପରିଚୟ ପ୍ରଦାନ କରିଥିଲେ । ଦ୍ଵିତୀୟ ଦିନର ତୃତୀୟ, ଚତୁର୍ଥ ଓ ପଞ୍ଚମ କାଳାଂଶକୁ ସରସ୍ବତୀ ଶିଶୁ ବିଦ୍ୟା ମନ୍ଦିର, କଲେଜ ଛକ ବଲାଙ୍ଗୀର ର ପ୍ରଧାନ ଆଚାର୍ଯ୍ୟ ସୁବାଷ ଚନ୍ଦ୍ର ମିଶ୍ର ଆଗେଇ ନେଇଥିଲେ ।
ସନ୍ଧ୍ୟା ବନ୍ଦନା ସମୟରେ ବିନିକା ବ୍ଲକ ଶିକ୍ଷା ଅଧିକାରୀଙ୍କ ସିଆରସି ସି କୃଷ୍ଣଚନ୍ଦ୍ର ସାହୁ ମୁଖ୍ୟ ଅତିଥି ତଥା ବିଦ୍ୟାଳୟ ପରିଚାଳନା ସମିତି ର ସଂପାଦକ ଆଦିତ୍ୟ ପ୍ରସାଦ ପଣ୍ଡା, ଯୁଗ୍ମ ସଂପାଦକ ବିଭୁତି ଓତା ଏବଂ ସଦସ୍ୟ ଜୟଗୋପଲ ସେଟ ସମ୍ମାନୀତ ଅତିଥି ଭାବେ ଯୋଗଦାନ କରିଥିଲେ । ଏହି ଉତ୍ସବରେ ସୋନପୁର, ବିନିକା, ଲଛିପୁର ଓ ଖାଲିଆପଲି ଶିଶୁ ବିଦ୍ୟା ମନ୍ଦିରର ମୋଟ ୭୨ ଜଣ ଆଚାର୍ଯ୍ୟ/ଆଚାର୍ଯ୍ୟା ଯୋଗଦାନ କରିଥିଲେ ।