ରିପୋର୍ଟ : ବିରଞ୍ଚି ପ୍ରସାଦ ଶତପଥୀ
ଗୁଣୁପୁର, (୨୩/୧) : ଆଜି ସରସ୍ୱତୀ ଶିଶୁବିଦ୍ୟା ମନ୍ଦିର ଗୁଣପୁରରେ ପବିତ୍ର ନେତାଜୀ ଓ ବୀର ସୁରେନ୍ଦ୍ର ସାଏ ଜୟନ୍ତୀ ଯଥାରୀତି ପାଳନ ହୋଇଯାଇଛି ।
ସରସ୍ୱତୀ ଶିଶୁବିଦ୍ୟା ମନ୍ଦିରରେ ନେତାଜୀ ଓ ବୀର ସୁରେନ୍ଦ୍ର ସାଏ ଜୟନ୍ତୀ ଅବସରରେ ପୂର୍ବତନ ଗୁଣପୁର ସଙ୍କୁଳ ପ୍ରମୁଖ ଶ୍ରୀ ମନୋରଂଜନ ରଥ ମୁଖ୍ୟ ଅତିଥି ଭାବେ ଯୋଗଦେଇ ଥିବାବେଳେ ସଂକୁଳ ପ୍ରମୁଖ ଶ୍ରୀ ଜଗନ୍ନାଥ ପଟ୍ଟନାୟକ ସମ୍ମାନୀତ ଅତିଥିଭାବେ ଯୋଗଦେଇଥିଲେ । ଅନୁଷ୍ଠାନର ସଭାପତି ଶ୍ରୀ ବି ଗଜପତି ରାଓ ଓ ସଂପାଦକ ଶ୍ରୀ ସୋମନାଥ ଗୌଡ ଉପସ୍ଥିତ ରହି କାର୍ଯ୍ୟକ୍ରମ ତଦାରଖ କରିଥିଲେ । ଅନୁଷ୍ଠାନର ପ୍ରଧାନ ଆଚାର୍ଯ୍ୟ ଶ୍ରୀ ପ୍ରଫୁଲ୍ଲ କୁମାର ଶତପଥୀ ଉଦ୍ଦେଶ୍ୟ ପ୍ରତିପାଦନ କରିଥିଲେ । ବିଦ୍ୟା ମନ୍ଦିର ଇଂରାଜୀ ଶିକ୍ଷକ ଶ୍ରୀ ଗୋପୀନାଥ ଶତପଥୀ ଉପସ୍ଥିତ ରହି ଶିଶୁମାନଙ୍କୁ ମାର୍ଗ ଦର୍ଶନ କରିଥିଲେ ଆଚାର୍ଯ୍ୟ ଶ୍ରୀ କରନ କଂସବେହେରା ନେତାଜୀଙ୍କ ବିଷୟରେ ବକ୍ତବ୍ୟ ପ୍ରଦାନ କରିଥିଲେ ।
ଆଚାର୍ଯ୍ୟ ହେମଲତା ପ୍ରଧାନ ସଂଯୋଜନା କରିଥିଲେ । ଉକ୍ତ ଦିନ ଅପରାହ୍ନ ଘ .୪ .୩୦ ମି ସମୟରେ ପୂର୍ବତନ ଛାତ୍ର ଛାତ୍ରୀଙ୍କ ବୈଠକ ଅନୁଷ୍ଠିତ ହୋଇଥିଲା । ଉକ୍ତ ବୈଠକରେ ସଭାପତି ଶ୍ରୀ ବି ଗଜପତି ରାଓ, ସମ୍ପାଦକ ଶ୍ରୀ ସୋମନାଥ ଗୌଡ, ଯୁଗ୍ମ ସମ୍ପାଦକ ଶ୍ରୀ ମୋହନ ଚନ୍ଦ୍ର ସାହୁ ଉପସ୍ଥିତ ରହି କାର୍ଯ୍ୟକ୍ରମ ତଦାରଖ କରିଥିଲେ ଓ ମାର୍ଗ ଦର୍ଶନ କରିଥିଲେ । ପୂର୍ବତନ ଛାତ୍ର ଛାତ୍ରୀ ମାନେ ନିଜ ନିଜର ଅନୁଭୂତି କଥନ ଓ ଉଜ୍ଜ୍ୱଳ ଭବିଷ୍ୟତ ପାଇଁ ପରାମର୍ଶ ଦେଇଥିଲେ ।