ରିପୋର୍ଟ : ବିରଞ୍ଚି ପ୍ରସାଦ ଶତପଥୀ
ଗୁଣୁପୁର, (୨୮/୫) : ଆଜି ଆଦିବାସୀ ସଂଘର୍ଷମୋର୍ଚ୍ଚା (ASM) ତରଫରୁ ଦେଶ ବ୍ୟାପୀ କଳା ଦିବସ ପାଳନ ଅବସରରେ ଗୁଣପୁର ନୁଆଁ ବସଷ୍ଟାଣ୍ଡ ଠାରୁ ଏକ ଶୋଭାଯାତ୍ରା ବାହାରି ଗୁଣପୁର ପୁରୁଣା ବସଷ୍ଟାଣ୍ଡ ଠାରେ ଏକ ପ୍ରତିବାଦ ସଭା ଅନୁଷ୍ଠିତ ହୋଇଥିଲା l
ନୂତନ ପାର୍ଲାମେଣ୍ଟ କୁ ଉଦଘାଟନ ଦିବସ ରେ ମହାମହିମ ରାଷ୍ଟ୍ରପତି ଦ୍ରୈପଦୀ ମୁର୍ମୁଜୀଙ୍କୁ ଆମନ୍ତ୍ରିତ ନ କରି ପ୍ରଧାନମନ୍ତ୍ରୀ ଉଦ୍ଘାଟନ କରିବା ନେଇ ତିବ୍ର ସମାଲୋଚନା କରାଯାଇଛି । ଦେଶର ରାଷ୍ଟ୍ରପତି ମୁର୍ମୁଙ୍କୁ ନ ଡାକି ମେ ୨୮ ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନୂତନ ସଂସଦ ଭବନର ଉଦଘାଟନୀ ଉତ୍ସବ କରୁଛନ୍ତି l ରାଷ୍ଟ୍ରପତି ହେଉଛନ୍ତି ଭାରତର ମୁଖ୍ୟ ଓ ଦେଶର ପ୍ରଥମ ନାଗରିକ ଯାହାଙ୍କ ବିନା ସଂସଦ କାର୍ଯ୍ୟ କରିପାରିବ ନାହିଁ । ମହାଶୟ, ରାଷ୍ଟ୍ରପତି ପଦ ଗ୍ରହଣ କରିଥିବା ଦ୍ରୋପଦୀ ମୁର୍ମୁଜୀ ହେଉଛନ୍ତି ପ୍ରଥମ ମହିଳା , ତାଙ୍କ ପଦ ମର୍ଯ୍ୟାଦାକୁ ଅଣଦେଖା କରିବା ଦେଶର ସମସ୍ତ ଲୋକଙ୍କ ପାଇଁ ଅପମାନ ଅଟେ । ଏହାର ପ୍ରତିବାଦରେ ଆଜିର ଦିନକୁ ଦେଶବ୍ୟାପୀ କଳା ଦିବସ ରୂପେ ଆଦିବାସୀ ସଂଘର୍ଷମୋର୍ଚ୍ଚା ପାଳନ କରୁଛି ।
ଆଦିବାସୀ ସଂଘର୍ଷ ମୋର୍ଚ୍ଚାର କେନ୍ଦ୍ର କମିଟି ସଭ୍ୟ ତ୍ରିପତି ଗମାଙ୍ଗ ରାଷ୍ଟ୍ରପତିଙ୍କ ପ୍ରତି ଏଭଳି ଅପମାନ ଜନିତ କାର୍ଯ୍ୟକୁ ଘୋର ନିନ୍ଦା କରିବା ସହ ଏଭଳି କାର୍ଯ୍ୟ ପାଇଁ ପ୍ରଧାନମନ୍ତ୍ରୀ ଦେଶବାସୀଙ୍କ ସମ୍ମୁଖରେ କ୍ଷମା ପ୍ରାର୍ଥନା କରନ୍ତୁ ବୋଲି କହିଛନ୍ତି । ଏଥିରୁ ଜଣାଯାଏ ଯେ ଆଦିବାସୀ ଓ ଦଳିତଙ୍କ ପ୍ରତି କେନ୍ଦ୍ର ସରକାରଙ୍କ ଆଭିମୁଖ୍ୟ କଣ ରହିଛି । ଆଜିର ଏହି ପ୍ରତିବାଦ ସଭାରେ ସଂଜୀବ ଶବର, ରାଜେନ୍ଦ୍ର ମାଝୀ , କୈଳାଶ ଶବର, ମିନ ଶବର, ଭିମ ମାଝୀ, ମୁନି ଶବର, ସାଇମା ଶବର, ଦାନିଏଲ ଶବର, ସଞ୍ଜୟ ଦଳବେହରା ପ୍ରମୁଖ ପୂର୍ଣ୍ଣ ସହଯୋଗ କରିଥିଲେ ।