ରିପୋର୍ଟ : ସନ୍ତୋଷ କୁମାର ନାୟକ
ସୁବର୍ଣ୍ଣପୁର, (୧୫/୦୬) : ମିଲର୍ସ୍ ଓ ସରକାରୀ ଅଧିକାରୀ ଙ୍କ ଅସାଧୁ ମେଣ୍ଟ ଯୋଗୁଁ ହିନସ୍ତା ରେ ଚାଷୀ । ଚାଷୀ ତା ନିଜର କଷ୍ଟ ଉପାର୍ଜୀତ ଧାନ କୁ ସରକାରୀ ଦରରେ ବିକ୍ରି କରିବାପାଇଁ ନିର୍ଦ୍ଦିଷ୍ଟ ପେକ୍ସ୍ ମାନଙ୍କୁ ନେଲେହେଁ ଭିତ୍ତିଭୂମି ର ଅଭାବ ସାଙ୍ଗକୁ ପେକ୍ସ୍ ସଂପାଦକ ଅବା ଧାନ କିଣାରେ ନିୟୋଜିତ ଥିବା ମହିଳା ସ୍ୱୟଂ ସହାୟକ ଗୋଷ୍ଠୀ ଠିକ୍ ଭାବରେ ତାଙ୍କ ଦାୟିତ୍ୱ ତୁଳାଉନଥିବାର ଅନେକ ଉଦାହରଣ ଏବେ ସୃଷ୍ଟି ହୋଇଛି ସୁବର୍ଣ୍ଣପୁର ଜିଲ୍ଲାରେ ।
ପ୍ରଥମେ ଟୋକନ ଝାମେଲା ଓ ପରେ ଧାନ ନେଇ ମଣ୍ଡିରେ ଚାଷୀମାନେ ଗଦା କରିବାପରେ ମିଲର୍ସ୍ ଗାଡ଼ି ପଠାଇବାରେ ଅହେତୁକ ବିଳମ୍ବ କରିବାଦ୍ୱ।ରା ବଡ଼ବଡ଼ଚାଷୀ ନିଜ ନିଜର ବ୍ୟବସ୍ଥା ରେ ମିଲକୁ ଧାନପଠାଇ ପେକ୍ସ୍ ରେ ଏଣ୍ଟ୍ରି କରିପାରୁଥିବା ବେଳେ କ୍ଷୁଦ୍ର ଚାଷୀ ଚାତକଭଳି ଖରାବର୍ଷାରେ ମିଲର୍ସ୍ ର ଗାଡ଼ି କୁ ଅପେକ୍ଷା କରି ଟାକି ରହୁଛି ଯାହାକି ଏକ ବିଚିତ୍ର ବ୍ୟବସ୍ଥା ସୃଷ୍ଟି ହୋଇଛି । ଆଜି ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ କେନ୍ଦ୍ରିଆପାଲି ପଞ୍ଚାୟତ ର ତିଳେଶ୍ୱର, ବାରଝୁଲା, ଅଚଣ୍ଡା ଗାଁ’ର ବହୁ ଚାଷୀ ଜିଲ୍ଲା ଯୋଗାଣ ଭିଭାଗ ଅଧିକାରୀ ଙ୍କ ଠାରେ ଫେରାଦ ହୋଇ ସ୍ଥାନୀୟ ସ୍ୱୟଂ ସହାୟକ ମହିଳା ଗୋଷ୍ଠୀ ଙ୍କ ଅପାରଗତା ଉପରେ ଅଭିଯୋଗ କରିଛନ୍ତି l
ମା ମଙ୍ଗଳା ଗ୍ରୁପ ମଣ୍ଡି ରେ ୮୦୦୦ ରୁ ଉର୍ଧ୍ଵ ପକେଟ ଧାନ ଖୋଲା ଆକାଶ ତଳେ ପଡି ରହିଥିବା ବିଷୟ ଏବଂ ନିକଟସ୍ଥ ବରଗାଁ ସମଲେଶ୍ୱରୀ ରାଇସ ମିଲର ଅଣଦେଖା ପାଇଁ ଗାଡି ପଠାଉ ନ ଥିବା କଥା ପ୍ରକାଶ କରିଛନ୍ତି l ଯା ଫଳରେ ଏହି ପଞ୍ଚାୟତ ର ଶହ ଶହ ଚାଷୀ ମାସ ମାସ ଧରି ଧାନ ବିକ୍ରି କରି ନ ପରି ଘୋର ହଇରାଣ ଓ ଅଭାବ ଅସୁବିଧା ରେ ଥିବା ଜଣା ଯାଇଛି l ରାଜ୍ୟ ସରକାର ସ୍ୱୟଂ ସହାୟକ ମହିଳା ଗୋଷ୍ଠୀ ଙ୍କୁ ସ୍ୱାବଲମ୍ବି କରିବାକୁ ମିଶନ ଶକ୍ତି ଜରିଆରେ ଧାନ ମଣ୍ଡି ଭଳି ଗୁରୁତ୍ୱ ପୁର୍ଣ ଦାୟିତ୍ୱ ଦେଇଛନ୍ତି ହେଲେ ଏ ମହିଳା ଗୋଷ୍ଠୀ, ମିଶନ ଶକ୍ତି, ଜିଲ୍ଲା ର ସମସ୍ତ ପେକ୍ସ ଓ ଯୋଗାଣ ବିଭାଗ ସମ୍ମନ୍ୱୟ ର ଅଭାବ ଯୋଗୁଁ ଆଜି ସବୁଠି ଏ ଘୋର ଅବ୍ୟବସ୍ଥା ଦେଖିବାକୁ ମିଳିଛି l
ଉପରିସ୍ଥ ଅଧିକାରୀ ମାନେ କ୍ଷେତ୍ର ପରିଦର୍ଶନ ନ କରି ଏସି ଚ୍ୟାମ୍ବର ରେ ଭୋଗ କରୁଥିବା ଯୋଗୁଁ ଏଭଳି ଘଟଣା ସବୁରୁ ଜଣା ପଡୁଛି ଏବଂ ଜିଲ୍ଲା ର ଗାଡି ମାଲିକ ମାନଙ୍କୁ ଅଣଦେଖା ସହ ରାଜ୍ୟ ବାହାରକୁ ଧାନ ଚାଲାଣ କରି ପ୍ରଶାସନ ମାଲେମାଲ ହେଇଥିବା ଚାଷୀ ଙ୍କ ଠୁଁ ସିଧାସଳଖ ଅଭିଯୋଗ ଆସୁଛି l ସୁବର୍ଣ୍ଣପୁର ଜିଲ୍ଲା ର ଅଧିକାଂଶ ମଣ୍ଡି ରେ ଅଚଳା ବସ୍ଥା ତଥ୍ୟ ଦେବାକୁ ଅମଙ୍ଗ ଡିଇଓ । କିଛି ଗୁଣ୍ଡା ଶ୍ରେଣୀ ର ଲୋକ ଓ ଦଲାଲ ମାନଙ୍କ ହାତରେ ଛାଡି ଦେଇ ପ୍ରାୟ ମଣ୍ଡି ରେ ଅନୁପସ୍ଥିତ ରହୁଛନ୍ତି ସମ୍ପାଦକ l ଅଧିକାଂଶ ମଣ୍ଡି ରେ ମିଲର୍ସ ରାଜ୍ ଚାଲିଛି l ବଡ଼ ଚାଷୀ ନିଜ ଗାଡି ରେ ଧାନ ମିଲ କୁ ଡାଇରେକ୍ଟ ନେଇ ଯାଉ ଥିବା ବେଳେ ଛୋଟ ଚାଷୀ ମିଲ ଗାଡି କୁ ଅପେକ୍ଷା କରି ଭୋକ ଅନିଦ୍ରା ରେ କଷ୍ଟ ଭୋଗୁଛି l
ଅଧିକାଂଶ ମଣ୍ଡି ରେ ମିଲର୍ସ ରାଜ ଚାଲିଥିବା ବେଳେ ପୁଆ ଭଳି କେତେ ମଣ୍ଡି ରେ ଜଣେ ଚୌକିଦାର ଟ୍ରକ ଟ୍ରକ ଧାନ କିଣୁଥିବା ଦେଖିବାକୁ ମିଳିଥିଲା l ସାମ୍ବାଦିକ ଙ୍କ ଉତ୍ତର ରେ ସେ କହିଲା ସାର ଆମେ ଏକା କାଫି l ସେକ୍ରେଟାରୀ ସାର ଖାଲି ସନ୍ଧ୍ୟାରେ ଆସି ଦସ୍ତଖତ କରିଯାଆନ୍ତି l ଏଠି ଜଣା ପଡୁଛି ଯେ ମିଲର୍ସ ଓ ଅଧିକାରୀ ଙ୍କ ଅସାଧୁ ମେଣ୍ଟ ଯୋଗୁଁ ସିଧାସଳଖ ଚାଷୀ ହୀନସ୍ଥl ହେଉଛନ୍ତିl ଏଥିରୁ ଜଣା ପଡୁଛି ଯେ ପେକ୍ସ ଡାଟା ରେ ଉଠୁଛି ଧାନ ବାସ୍ତବ ଚିତ୍ର କିନ୍ତୁ ଅଲଗା ଅଛି l ଗତ ୧୦ ତାରିଖ ରେ ଜିଲ୍ଲାର କିଛି ସାମ୍ବାଦିକ ସୋନପୁର ବ୍ଲକ ଓ ତରଭା ବ୍ଲକ ର କିଛି ପେକ୍ସ ପରିଦର୍ଶନ କରି ସେ ସବୁ ର ଭିତ୍ତିଭୂମି ଓ ସମସ୍ୟା ସବୁ କୁ ଅନୁଧ୍ୟାନ କରି ଦେଖିଲେ ଯେ, ଖାରି ପେକ୍ସ ରେ ଭିତ୍ତିଭୂମି ର ପୁରା ଅଭାବ l ମିନି ବ୍ୟାଙ୍କ ଅଚଳ l ଶିବତୁଲା ରେ ଜଳ ସଙ୍କଟ l ଛଅ ଛଅ ମାସ ଧରି ଚାଷୀ ଧାନ ବିକ୍ରି ଟଙ୍କା ପାଉନଥିବା ଜଣା ପଡିଛି l ଯାହାକି ନୂତନ ଜିଲ୍ଲାପାଳ ବିମଳେନ୍ଦୁ ରାୟଙ୍କ ଠାରେ ମଧ୍ୟ ଏ ବିଷୟ ରେ ସାମ୍ବାଦିକ ମାନେ ଆଲୋଚନା କରି ତାଙ୍କର ହସ୍ତକ୍ଷେପ ଲୋଡିଥିବା ଜଣା ଯାଇଛି l ପୁଆ ରେ ରାସ୍ତା ରେ ପଡିଛି ହଜାର ହଜାର ବସ୍ତl ଧାନ l ଦେଉଳପଦର, ମେଣ୍ଡା, ରେ ଧାନ ପଡିଛି ଗଦା ଗଦା l ହେଲେ ଦିନ ଦିନ ଧରି ତାଲା ଝୁଲୁଛି l ମରାଡୁଗୁଚ୍ଛା ପେକ୍ସ ରେ ଫୁଲ ମନମାନି ଚାଲିଛି l
ସେଠାରେ ଚାଷୀ ଙ୍କ ଅଭିଯୋଗ କୁ ସିଧାସଳଖ ସଭାପତି କଣ୍ଠରୋଧ କରୁଥିବା ଦୃଷ୍ଟି ଗୋଚର ହୋଇଛି l ସମ୍ପାଦକ ଙ୍କ ଫୋନ ସବୁବେଳେ ସ୍ବିଚ ଅଫ l ଜଣାଯାଏ ଯେ ଏଇ ସମ୍ପାଦକ ମହାଶୟ ପୂର୍ବ ରୁ ଶିବତୁଲା ସମ୍ପାଦକ ଦାୟିତ୍ୱ ରେ ଥିବା ବେଳେ ତାଙ୍କ ତଳିଆ ୨ ଜଣ କର୍ମଚାରି ଦୁର୍ନୀତି ରେ ଭିଜିଲାନ୍ସ ଜାଲ ରେ ଛନ୍ଦି ହୋଇ ଥିଲେ ହେଲେ କୌଶଳ କ୍ରମେ ଏ ମହାଶୟ ଖସି ଯାଇଥିବା ଏବଂ ସେ ଦୁର୍ନୀତି ର ମାଷ୍ଟର ମାଇଣ୍ଡ ବୋଲି ପୁରୁଣା ପେକ୍ସ ରେ କିଛି ରୋଚକ ତଥ୍ୟ ମିଳିଥିବା ଜଣାଯାଇଛି l ସେଟଲାଇଟ ସମସ୍ୟା ଯୋଗୁ ଅନେକ ପେକ୍ସ ରେ ଧାନ ବିକ୍ରି କରି ପାରୁନି ଚାଷୀ l ପେକ୍ସ ର ବାହାନା କେବଳ ଟାର୍ଗେଟ l ଚାଷୀ ମୁହଁ ଶୁଖାଇ ଘର କୁ ଗେଟ l ଏଣେ ମିଲର୍ସ ଆଉ ପେକ୍ସ ପୁରା ସେଟ ହୋଇଥିବା କଥା ସବୁ ଅନୁଧ୍ୟାନ କଲେ ଏ ସାମ୍ବାଦିକ ମାନେ l
ଜିଲ୍ଲା ର କିଛି ବଛା ବଛା ରାଇସ ମିଲ ଉପରେ ଜିଲ୍ଲା ପ୍ରଶାସନ ର ଏତେ ଅନୁକମ୍ପା କାହିଁକି ବୋଲି ଚାଷୀ ନେତା ମାନେ ଗ୍ରାସ ରୁଟ ରେ ପ୍ରଶ୍ନ କରିଛନ୍ତି l ତେଣେ ଆଜି କିଛି ଚାଷୀ ମାନଙ୍କ ସହ ଚାଷୀ ନେତା ବୈକୁଣ୍ଠ ଶତପଥୀ ଓ ପ୍ରଦୀପ ପୁରୋହିତ ପ୍ରମୁଖ ଆସି ଜିଲ୍ଲା ଯୋଗାଣ ଅଧିକାରୀ ସୁରେଶ ପାଣିଗ୍ରାହୀ ଙ୍କ ଠାରେ ଉପରୋକ୍ତ ଅଭିଯୋଗ କରିବାରେ ସେ ଏହି ଅଭିଯୋଗ ସବୁକୁ ଅତି ଖାମଖିଆଲି ଭାବରେ ନେଇଥିଲେ । ଏଣୁ ଏ ସବୁକଥାକୁ ବ୍ୟକ୍ତିଗତ ସ୍ତରରେ ଜିଲ୍ଲାପାଳ ହସ୍ତକ୍ଷେପ କରି ଏପରି ଅଚଳାବସ୍ଥା ଦୁର କରିବାକୁ ଜିଲ୍ଲା ର ସଚେତନ ବର୍ଗ ଦାବିକରିଛନ୍ତି ।