ରିପୋର୍ଟ: ସନ୍ତୋଷ ନାୟକ //
ବଲାଙ୍ଗୀର (୧୦/୦୭): 5T ସଚିବଙ୍କୁ ନେଇ ବିଜେପି ନେତା ପ୍ରଦୀପ ପୁରୋହିତ ବଡ଼ ମନ୍ତବ୍ୟ ଦେଇଛନ୍ତି। ସେ କହିଛନ୍ତି, ‘ବିଜେଡି ଆଉ ବିଜେଡି ହାତରେ ନାହିଁ । ସଚିବଙ୍କ ହାତକୁ ବିଜେଡି ଚାଲିଗଲାଣି ବୋଲି ମୋର ସନ୍ଦେହ ହେଉଛି।
ପ୍ରଦୀପ ପୁରୋହିତ ଆହୁରି କହିଛନ୍ତି ଯେ, ‘ବିଜେଡିର ବଡ଼ ବଡ଼ ନେତା 5T ସଚିବଙ୍କୁ ନେଇ ଅସନ୍ତୁଷ୍ଟ ଅଛନ୍ତି। ଅସନ୍ତୁଷ୍ଟ ଥିଲେ ବି ଟିକେଟ୍ କଟିଯିବା ଭୟରେ ସେମାନେ ବାହାରେ କିଛି ପ୍ରକାଶ କରିପାରୁ ନାହାନ୍ତି। ସବୁ ବିଧାନସଭା ଓ ଲୋକସଭା ସାଧା ଟିକେଟ୍ ପାଣ୍ଡିଆନଙ୍କ ହାତରେ ଅଛି।’
‘ସାଧା ଟିକେଟ୍ରେ ମୁଖ୍ୟମନ୍ତ୍ରୀ ଦସ୍ତଖତ କରିସାରିଛନ୍ତି। ଟିକେଟ୍ ପାଣ୍ଡିଆନଙ୍କ ପାଖରେ ରହିଛି, ସେ ହିଁ ଟିକେଟ୍ ବାଣ୍ଟିବେ। ଟିକେଟ୍ ପାଣ୍ଡିଆନ ବାଣ୍ଟିବାର ଥିବାରୁ ସେଥିପାଇଁ ସମସ୍ତେ ଚୁପ୍’ ବୋଲି ପ୍ରଦୀପ ପୁରୋହିତ କହିଛନ୍ତି। ପ୍ରଦୀପ ପୁରୋହିତ କହିଛନ୍ତି ଯେ, ‘ଯଦି ବିଜେଡି ଜିତେ, ତା’ହେଲେ ମୁଖ୍ୟମନ୍ତ୍ରୀ ଆସନରେ ଅନ୍ୟ ଜଣେ ବସିଥିବେ। ମୁଖ୍ୟମନ୍ତ୍ରୀ ପ୍ରେସର୍ରେ ଅଛନ୍ତି, ସେ କିଛି ଜାଣୁ ନାହାନ୍ତି। ଚକ୍ରବ୍ୟୁହ କରାଯାଇଛି, 5T ଯାହା ଚାହୁଁଛନ୍ତି, ସିଏମ୍ ତାହା କରୁଛନ୍ତି।’