ରିପୋର୍ଟ : ଭଗବାନ ମହାନ୍ତି
ମୁରିବାହାଲ, (୨୦/୦୪) : ବ୍ଲକ ଅଞ୍ଚଳର କେତେକସ୍ଥାନରେ କାଳବୈଶାଖୀ ପ୍ରଭାବରେ ବର୍ଷା ଓ ପବନ ଯୋଗୁଁ ବ୍ୟାପକ କ୍ଷୟକ୍ଷତି ହୋଇଥିବା ଜଣାପଡିଛି ।
ବ୍ଲକ ଅନ୍ତର୍ଗତ ଗରଗଡବାହାଲ ପଞ୍ଚାୟତ ସଦର ମହକୁମା ସମେତ ବହୁ ଗ୍ରାମରେ ରାସ୍ତା ଉପରେ ଗଛ ପଡ଼ି ରାସ୍ତା ଅବରୋଧ ହେବା, ଘର ଛାତ ଉଡିଯିବା ସହ ବିଦ୍ୟୁତ୍ ଖମ୍ବଗୁଡ଼ିକ ଭାଙ୍ଗିଯିବାରୁ ଅଞ୍ଚଳରେ ବର୍ତ୍ତମାନ ସୁଦ୍ଧା ବିଦ୍ୟୁତ୍ ସରବରାହ ବ୍ୟାହତ ହୋଇରହିଛି । ପ୍ରବଳ ବର୍ଷା ଓ ପବନରେ ଶତାଧିକ ଗଛ ଭାଙ୍ଗିଯିବା ସହ ବିଦ୍ୟୁତ ଖୁଣ୍ଟ ଭାଙ୍ଗିଯାଇଥିବା ଜଣାପଡିଛି । ସେହିପରି ପତ୍ରାପାଲି(କ)ପଞ୍ଚାୟତ ଲାରିପଡା ଛକ ଅଞ୍ଚଳରେ ରାସ୍ତା ଉପରେ ଗଛ ପଡ଼ିଥିବା ବେଳେ ବାଇକ୍ ଆରୋହୀ ଅସୁରମୁଣ୍ଡା ଗ୍ରାମର ଧର୍ମୁ ସେଲମା ଓ ଅନ୍ୟ ଜଣେ ଦୁର୍ଘଟଣାଗ୍ରସ୍ତ ହୋଇଥିଲେ । ଦମକଳ ବାହିନୀ ପହଞ୍ଚି ଗଛକାଟି ରାସ୍ତା ସଫା କରିଥିଲେ ।ବର୍ଷା ପରେ ସାମାନ୍ୟ ତାପମାତ୍ରା ହ୍ରାସ ହୋଇଛି । ଲୋକେ ତାତିରୁ ସାମାନ୍ୟ ତ୍ରାହି ପାଇଛନ୍ତି ।