ରିପୋର୍ଟ : ବିଭୁତି ଲହରିଆ //
ବାଲିଗୁଡା, (୨୧/୧୨) : ଆଜି ଓଡ଼ିଶାର କାଶ୍ମୀର ଦାରିଙ୍ଗବାଡିରେ ଚଳିତ ବର୍ଷର ଦ୍ୱିତୀୟ ଦିନରେ ତୁଷାର ପାତ ଜାରି ରହିଛି । ୩.୫ ଡିଗ୍ରୀ ତଳକୁ ଖସିଛି ପାରଦ । ସୋମବାର ଦାରିଙ୍ଗବାଡିରେ ସର୍ବନିମ୍ନ ତାପମାତ୍ରା ୪ ଥିବାବେଳେ ମଙ୍ଗଳବାର ୩.୫ ଡିଗ୍ରୀରେ ପହଞ୍ଚିଛି ।
ଦାରିଙ୍ଗବାଡିରେ ଚଳିତ ବର୍ଷର ଦ୍ୱିତୀୟ ଦିନରେ ତୁଷାର ପାତ ଜାରି ରହିଛି ଯାହାକି ଚଳିତ ଋତୁର ସର୍ବନିମ୍ନ ତାପମାତ୍ରା ଭାବେ ରେକର୍ଡ କରାଯାଇଛି । ଦାରିଙ୍ଗବାଡ଼ି ସମେତ ଦାରିଙ୍ଗବାଡ଼ି ତିନିଛକ, ସିକପାଟା, ଗ୍ରୀନବାଡ଼ି, ସାରିଙ୍ଗିଇର୍ପି, କିଲାବାଡ଼ି, ଦାରିଙ୍ଗବାଡ଼ି ର ଆଭ୍ୟନ୍ତରୀଣ ଅଞ୍ଚଳରେ ତୁଷାରପାତ ହୋଇଥିବା ଦେଖିବାକୁ ମିଳିଛି । ତୁଷାରପାତ ଦେଖୁବାକୁ ବିଭିନ୍ନ ସ୍ଥାନରେ ପର୍ଯ୍ୟଟକଙ୍କ ଭିଡ଼ ଜମିଛି । ପର୍ଯ୍ୟଟକଙ୍କ ମନରେ ମନରେ ଖୁସି ଆଣିଦେଇଛି ତୁଷାରପାତ । ଏପଟେ ଗରିବ ବୁଡ଼ା ବୁଢ଼ୀ ମାନେ ଅସହ୍ୟ ଜାଡ଼ରେ ଅସ୍ତବ୍ୟସ୍ତ ହେଉଥିବା ବେଳେ ଶୀତ ଦାଉରୁ ରକ୍ଷା ପାଇବା ପାଇଁ ସେମାନେଙ୍କ କମଳ ଯୋଗାଇ ଦେବାକୁ ଅଞ୍ଚଳବାସୀ ଦାବି କରିଛନ୍ତି ।
ଶୀତ ବୃଦ୍ଧି ପାଇବା ଯୋଗୁଁ ଲୋକେ କାମଧନ୍ଦାକୁ ମଧ୍ୟ ଯାଇ ପାରୁନାହାନ୍ତି । ରାତି ହେଲେ ପାରଦ ତଳ ମୁହାଁ ହେଉଛି,ସକାଳୁ ସକାଳୁ ଲୋକମାନେ ଦେହକୁ ଫୁର୍ତି ରଖିବା ପାଇଁ ମର୍ନିଂ ୱାକ୍ ସହ ବେଡ଼ମିଟନ ଖେଳୁଛନ୍ତି । ଘର ଭିତରେ ଅସମ୍ଭାଳ ଶୀତ ହେଉଛି । ପାର୍କ ଗୁଡିକରେ ଭିଡ଼ ଜମୁଛି । ଗରିବ ଓ ଶ୍ରମଜୀବି କର୍ମକ୍ଷେତ୍ରକୁ ଯାଇ ପାରୁ ନାହାନ୍ତି । ସେପଟେ ଶୀତର ମଜା ଉଠାଇବା ପାଇଁ ଦାରିଙ୍ଗିବାଡ଼ି ର ବିଭିନ୍ନ ପର୍ଯ୍ୟଟନ ସ୍ଥଳ ଗୁଡ଼ିକରେ ପର୍ଯ୍ୟଟକ ସୁଅ ଛୁଟିବାରେ ଲାଗିଛି ।