ରିପୋର୍ଟ : ସୁନୀଲ ଭୂମିଆ //
ଖଇରପୁଟ, ମାଲକାନଗିରି,(୧୫/୦୮) : କିରିମପାଲି ନଦୀ ରେ ବାଜି ଲାଗୁଛି ଜୀବନ । ଚାରୋଟି ଗ୍ରାମକୁ ଯୋଗାଯୋଗ ବିଚ୍ଛିନ୍ନ । ସ୍ୱାଧୀନତାର ୭୫ବର୍ଷ ପରେ ମଧ୍ୟ ଏମିତି ଗ୍ରାମ ରହିଛି ଯେଉଁଠି ରାସ୍ତା ଉପରେ ପଡୁଥିବା ନଦୀରେ ପୋଲ ନ ଥିବାରୁ ଲୋକ ନାହିଁନଥିବା ଅସୁବିଧାର ସମ୍ମୁଖୀନ ହେଉଛନ୍ତି । ପୋଲବିନା ନଦୀରେ ପଶି ଯାତ୍ରା କରିବାରୁ ଅନେକ ସମୟରେ ଧନ ଜୀବନ ହାନି ଘଟୁଛି ।
ପ୍ରତି ପାଞ୍ଚ ବର୍ଷରେ ନେତା ଭୋଟ ପାଇଁ ଆସି ନାନା ପ୍ରତିଶୃତି ଦେଇ ଚାଲି ଯାଉଥିବା ବେଳେ ଭୋଟ ପାଇବା ପରେ ଭୁଲି ଯାଉଛନ୍ତି । ଏଭଳି ଦୃଶ୍ୟ ଦେଖିବାକୁ ମିଳିଛି ମାଲକାନଗିରି ଜିଲ୍ଲା,ଖଇରପୁଟ ବ୍ଲକ ସଦର ମହକୁମାର ର କାଦଗୁଡା ଗ୍ରାମରେ ଯୋଗାଯୋଗ ବିଚ୍ଛିନ୍ନ ହୋଇଯାଇଛି । ଖଇରପୁଟ ଏବଂ କାଦଗୁଡା ମଝିରେ କିରିମପାଲି ନଦୀ ରେ ପ୍ରବାହିତ ହେଉଛି । ଖରା ଦିନରେ ଲୋକେ କଷ୍ଟେମଷ୍ଟେ ଯିବାଆସିବା କରିଥାନ୍ତି । କିନ୍ତୁ ବର୍ଷା ଦିନ ଆସିଲେ ଖଇରପୁଟକୁ ଆସିବା ବାଟ ବନ୍ଦ ହୋଇଯାଏ । ଖଇରପୁଟ ବ୍ଲକରୁ ମାତ୍ର ଏକ କିଲୋମିଟର ବାଟ କାଦଗୁଡା ।
ଏହି କିରିମପାଲି ନଦୀ ଦେଇ ନୀତି ଦିନ କାଦଗୁଡା, କନ୍ଧଗୁଡ଼ା, ନନ୍ଦପୁରିଆଗୁଡା ଓ ସରଗିଗୁଡା ଲୋକେ ଖଇରପୁଟ ବ୍ଲକ ଉପରେ ନିର୍ଭର କରିଥାନ୍ତି । ବ୍ଲକ ଅଫିସ ,ତହସିଲ, ପଂଚାୟତ ଅଫିସ , ଗୋଷ୍ଟି ସ୍ୱାସ୍ଥ୍ୟ କେନ୍ଦ୍ର , ବ୍ୟାଙ୍କ,ସ୍କୁଲ କଲେଜ ଓ ହାଟ ବଜାର ଯିବା ଆସିବାରେ ଅସୁବିଧାର ସମ୍ମୁଖୀନ ହେବାକୁ ପଡୁଛି ଏହି ଗ୍ରାମ ବାସୀଙ୍କୁ ସ୍ଥାୟୀ ପୋଲ ଟିଏ ନ ଥିବା ଯୋଗୁଁ । ଭୋଟ ସମୟରେ ମାଳ ମାଳ ନେତା ମନ୍ତ୍ରୀମାନେ ଗାଁକୁ ଆସିନାହିଁ ନ ଥିବା ପ୍ରତିଶୃତି ଦେବା ସହ ବ୍ରିଜ ଓ ରାସ୍ତାଘାଟ ତିଆରି କରିଦେବା ବୋଲି କହନ୍ତି ଓ ପ୍ରତିଶୃତି ଦିଅନ୍ତି ।
କିନ୍ତୁ ଭୋଟ ସରିଗଲେ ଆଉ ସେମାନେ ଦେଖା ଦିଅନ୍ତି ନାହିଁ । ନିଜର ଭାଗ୍ୟକୁ ଆଦରି ପଡି ରହିଛନ୍ତି ଅଞ୍ଚଳବାସୀ। ଜରୁରୀ କାଳୀନ ପରିସ୍ଥିତିରେ ନିଜ ଜୀବନକୁ ବାଜି ଲଗାଇ ନଦୀ ପାର ହେବାକୁ ପଡିଥାଏ । ପ୍ରଶାସନକୁ ଓ ରାଜନେତାଙ୍କୁ ବାରମ୍ବାର ଗୁହାରି କରି ଥକି ଯାଇଛନ୍ତି ଅଞ୍ଚଳ ବାସୀ । ତାଙ୍କ ଗୁହାରି,ନା ଶୁଣୁଛି ପ୍ରଶାସନ ନା ଶୁଣୁଛି ରାଜନେତା । ଗୁହାରି ଗୁହାରିରେ ହିଁ ରହିଯାଉଛି ।
ନଦୀ ପାର ହେବାକୁ ହେଲେ ଗାଁ ଲୋକେ ମିଶି ହାତ ଧରା ଧରି ହୋଇ ନଦୀ ପାର ହୁଅନ୍ତି । ଜଣେ ବା ଦୁଇ ଜଣ ନଦୀ ପାର ହେବ ସମ୍ଭବପର ନୁହେଁ । କାରଣ ଜୀବନ ଚାଲିଯିବାର ସମ୍ଭବନା ଥାଏ । ନଦୀ ପାର ହେଉଥିବା ସମୟରେ ଲୋକଙ୍କ ଜୀବନ ଚାଲିଯାଏ ତାହା ହେଲେ ପ୍ରଶାସନ ଦାୟୀ ରହିବେ ବୋଲି ଅଭିଯୋଗ କରିଛନ୍ତି ଅଞ୍ଚଳ ବାସି ।