ରିପୋର୍ଟ : ଧ୍ରୁବରାଜ ମିଶ୍ର
ସୁବର୍ଣ୍ଣପୁର, (୦୭/୦୪) : ଦିନ ଦ୍ୱିପହରରେ ସୋନପୁର ସହର ର ନିଛାଟିଆ ଜାଗାରେ ଲୋକ ଙ୍କ ପାଖରୁ ଲୁଟ ତରାଜ କରୁଥିବା ତିନି ଜଣ ଲୁଟେରା ଙ୍କୁ ଆଜି ଗିରଫ କରି କୋର୍ଟ ଚାଲାଣ କରିଛି ସୋନପୁର ପୁଲିସ ।
ଘଟଣା ରୁ ପ୍ରକାଶ ଯେ ଅଭିଯୋଗ କାରୀ ସୁବଳୟା ଅଞ୍ଚଳ ର ମହେନ୍ଦ୍ର କର୍ଣ୍ଣ ଓ ବାଲାଙ୍ଗୀର ଅଞ୍ଚଳ ର ବିକାଶ ମଟାରୀ ଉଭୟ ଙ୍କ ଠାରୁ ୫ ତାରିଖ ଦିନ ଦ୍ୱିପହର ରେ ସର୍କିଟ ହାଉସ ରାସ୍ତାରେ ଲୁହା ରଡ଼ରେ ଭୟଭିତ କରାଇ ୨୭୦୦ ଟଙ୍କା, ଗୋଟାଏ ମୋବାଇଲ ଫୋନ ଓ ଫୋନ ପେ ମାଧ୍ୟମ ରେ ୫୩୧୦ ଟଙ୍କା ଜବରଦସ୍ତ କରି ନେଇ ଯାଇଥିଲେ । ଏହା ବ୍ୟତୀତ ୨୦ ଗୋଟି ଚୋରୀ ଲୁହା ରଡ଼ ମଧ୍ୟ ଜବତ ହୋଇଛି । ସୋନପୁର ପୁଲିସ ଘଟଣା ର ତଦନ୍ତ କରି ସ୍ଥାନୀୟ ଭଗବତୀ ପ୍ଲଟ ଅଞ୍ଚଳ ର ସୁମିତ କଂସାରୀ, ବିଶାଳ ଡୁଙ୍ଗୁରିଆ, ଆଶିଷ ବେହେରା ନାମକ ତିନି ଜଣ ଯୁବକ ଙ୍କୁ ଗିରଫ କରି ତାଙ୍କ ପାଖରୁ ୨୨୦୦ ନଗଦ ଟଙ୍କା, ମୋବାଇଲ ଫୋନ ଓ ଫୋନ ପେ ମଧ୍ୟମ ରେ ନେଇଥିବା ଟଙ୍କା ସବୁ ସହିତ ଲୁହା ରଡ଼ କୁ ମଧ୍ୟ ପୁଲିସ ଜବତ କରିଛି ।
ଏବଂ ଆଜି ତାଙ୍କୁ କୋର୍ଟ ଚାଲାଣ କରିଥିବା ବିଷୟ ଏକ ପ୍ରେସମିଟ ରେ ସୋନପୁର ଏସ୍ଡ଼ିପିଓ ପୁଷ୍ପାଞ୍ଜଳୀ ନିଙ୍ଗୀ ଓ ଆଇ ଆଇ ସି କୃଷ୍ଣଚନ୍ଦ୍ର ମେହେର ପ୍ରକାଶ କରିଛନ୍ତି । ଦୀର୍ଘ ଦିନ ରୁ ସହର ରେ ଏଭଳି ନିଶା ଖୋର ଯୁବକ ମାନେ ସ୍କୁଲ କଲେଜ ଛାତ୍ର ଛାତ୍ରୀ ତଥା ବାହାର ଲୋକ ଙ୍କୁ ଟାର୍ଗେଟ କରି ନିଛାଟିଆ ଜାଗା ମାନଙ୍କ ରେ ଲୁଟ ତରାଜ କରୁଥିବାରୁ ସହର ର ବୁଦ୍ଧିଜୀବୀ ତଥା ଅଭିଭାବକ ମାନେ ଚିନ୍ତିତ ଥିବା ଦେଖିବାକୁ ମିଳିଛି । ତେଣୁ ପୁଲିସ ପେଟ୍ରୋଲିଙ୍ଗ କୁ ଆହୁରି କଡା କଡ଼ି କରି ନିଶାଖୋର ଅସାମାଜିକ ଯୁବକ ଙ୍କ ଉପରେ ତୀକ୍ଷ୍ଣ ନଜର ରଖିବାକୁ ସାମ୍ବାଦିକ ମାନେ ପ୍ରେସମିଟ ରେ ଏ ବିଷୟରେ ଉପସ୍ଥାପନା କରିଥିଲେ ।