ରିପୋର୍ଟ : ବିରଞ୍ଚି ପ୍ରସାଦ ଶତପଥୀ
ଗୁଣୁପୁର, (୧୪/୦୪) : ୫୭ ତମ ସିଦ୍ଧି ଦିବସ ପାଳନ । ସଦ୍ ଗୁରୁ ଶ୍ରୀ ଶ୍ରୀ ଅର୍ଜୁନଙ୍କ ପ୍ରତିଷ୍ଠିତ ଦିବ୍ୟ ଦର୍ଶନ ସଂଘ ଗୁଣପୁର ଶାଖା ଆନୁକୁଲ୍ୟରେ ସ୍ଥାନୀୟ ମହିଳା ମହାବିଦ୍ୟାଳୟ ନିକଟରେ ଥିବା ଦିବ୍ୟ ଦର୍ଶନ ଆଶ୍ରମ ପରିସର ମଧ୍ୟରେ ସତ୍ ସଂଗର ବ୍ୟବସ୍ଥା କରାଯାଇଥିଲା ।
ମହିଳା ମହାବିଦ୍ୟାଳୟ ନିକଟରେ ଥିବା ଦିବ୍ୟ ଦର୍ଶନ ଆଶ୍ରମ ପରିସର ମଧ୍ୟରେ ୫୭ ତମ ସିଦ୍ଧି ଦିବସ ଅବସରରେ ସତ୍ ସଂଗର ବ୍ୟବସ୍ଥା କରାଯାଇଥିଲା । ଉକ୍ତ ସତ୍ ସଙ୍ଗରେ ଗୁରୁ ଭାଈ ସର୍ବଶ୍ରୀ ଧନଞ୍ଜୟ ବେହେରା, ପୂର୍ଣ୍ଣଚନ୍ଦ୍ର ପଣ୍ଡା, କାର୍ତ୍ତିକ ତାମାରାପୁ ଯୋଗଦାନ କରି ସଦ୍ ଗୁରୁ ଶ୍ରୀ ଶ୍ରୀ ଅର୍ଜୁନ କିପରି ପରମ ସିଦ୍ଧି ପ୍ରାପ୍ତ କରିଥିଲେ ତାହା ପ୍ରକାଶ କରିଥିଲେ । ୧୯୬୭ ମସିହା ଏପ୍ରିଲ ୧୪ ତାରିଖ ଦିନାନ୍ତ ସମୟରେ ସେ ସୁନାବେଡ଼ା ବନ୍ଧୁ ନୀଳକଣ୍ଠ ଦାସଙ୍କ ଘରେ ପରମ ସିଦ୍ଧି ଲାଭ କରିଥିଲେ । ଗୁରୁଦେବ ସଂଧ୍ୟା ସମୟରେ ପ୍ରାର୍ଥନା କରୁଥିବା ବେଳେ ପରମ ଜ୍ୟୋତିକୁ ପ୍ରାପ୍ତ କରିଥିଲେ । ପରମ ଜ୍ୟୋତି ଚତୁର୍ଦ୍ଦିଗରେ ବ୍ୟାପି ଗଲା, ମୁଁ ଯେଉଁ ଆଡ଼କୁ ଚାହିଁଲେ ଆଲୋକ ହିଁ ଆଲୋକ, ଆଲୋକ ଛଡ଼ା ଆଉକିଛି ନାହିଁ । ଚକ୍ଷୁ ବନ୍ଦ କଲି ଏବଂ ଦିବ୍ୟ ଦିବ୍ୟ ଜ୍ଞାନ ପ୍ରାପ୍ତ କଲି । ପରମ ବ୍ରହ୍ମଙ୍କୁ ସମ୍ପୂର୍ଣ୍ଣ ରୂପେ ଅନୁଭବ କରିଥିଲି ।
କେତେ ଜଣ ମହାପୁରୁଷଙ୍କ ବାକ୍ୟକୁ ଧାରଣ କରି, ପ୍ରକୃତିର ଗବେଷଣାର ଏବଂ ପରମ ବ୍ରହ୍ମଙ୍କୁ ନିଜର ଗୁରୁ ବୋଲି ମାନିଥିବାରୁ ତାଙ୍କର ସମସ୍ତ ଶକ୍ତି ସମସ୍ତ କ୍ଷମତା ନିଜ ଭିତରେ ପ୍ରକାଶ ପାଉଥିଲା । ସେ କେବଳ ଆତ୍ମ ଜ୍ଞାନ ପାଇଥିଲେ ତାହା ନୁହଁ ତା ସହିତ ଅନ୍ୟାନ୍ୟ ବିଦ୍ୟା ଏପରିକି ୧୬ ଟି ବିଦ୍ୟା ଆୟତ କରିଥିଲେ । ଉପନିଷଦର ବ୍ରହ୍ମ ଜ୍ଞାନ ବିଷୟରେ ବର୍ଣନା ହୋଇଛି ଯେ ଯାହାକୁ ଜାଣିଲେ ଆଉ କିଛି ଜାଣିବାକୁ ନାହି, ଯାହାକୁ ପାଇଲେ ଆଉ କିଛି ପାଇବାର ନାହିଁ ,ଏହା ହିଁ ଅନ୍ତିମ ବିଦ୍ୟା । ଏଣୁ ଗୁରୁଙ୍କ ଠାରେ ଦୀକ୍ଷା ଗ୍ରହଣ କରି ସମ୍ପୂର୍ଣ୍ଣ ଆତ୍ମ ସମର୍ପଣ କରି ଭକ୍ତି ସହକାରେ ଆତ୍ମ ଜ୍ଞାନ ଶିକ୍ଷା କରିବାକୁ ହେବ । ଜଣେ ପୂର୍ଣ୍ଣ ଜ୍ଞାନ ପ୍ରାପ୍ତ ନ କରିଲା ପର୍ଯ୍ୟନ୍ତ ମୁକ୍ତି ନାହିଁ । ତେଣୁ ସମସ୍ତେ ଆତ୍ମ ଜ୍ଞାନ ଶିକ୍ଷା କରି ସମସ୍ତ ଦୁଃଖରୁ ମୁକ୍ତି ପାଆନ୍ତୁ ଏହା ହିଁ ଗୁରୁଦେବଙ୍କ ନିର୍ଦ୍ଦେଶ ।