ରିପୋର୍ଟ : ଗୋପୀନାଥ ଗୌଡ଼
ରାୟଗଡ଼ା, (୨୮/୦୪) : ଆଜି ସମଗ୍ର ଭାରତରେ ଜି-୨୦ ଆଧାରିତ ଏଲ୍-୨୦ ଗୋଟିଏ ବିଭାଗ ପର୍ଯ୍ୟାବରଣ ର ସଚେତନ ପାଇଁ କେନ୍ଦ୍ର ନିଷ୍ପତ୍ତି କ୍ରମେ ସମଗ୍ର ସମାଜକୁ ଜାଗ୍ରତ କରିବା ପାଇଁ ବିଭିନ୍ନ ଯୋଜନା ମାଧ୍ୟମରେ କାର୍ଯ୍ୟକ୍ରମ କରାଯାଇଛି ।
ଏହି ଅବସରରେ ପର୍ଯ୍ୟାବରଣ ମଞ୍ଚ ଓଡିଶା ପ୍ରାନ୍ତର ରାୟଗଡ଼ା ଜିଲ୍ଲା ସାଖା ପକ୍ଷରୁ ପ୍ଲାଷ୍ଟିକ୍ର ବ୍ୟବହାର ଉପରେ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଶ୍ରମିକ ନେତା ତଥା ଭାରତୀୟ ମଜଦୁର ସଂଘ ର ରାଜ୍ୟ ସମ୍ପାଦକ ଶ୍ରୀ ଯୋଗେଶ୍ଵର ଦାସଙ୍କ ନେତୃତ୍ୱରେ ରାୟଗଡ଼ା ସ୍ଥିତ ଉପଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଥିବା ପରିବା ଏବଂ ମାଛ ବଜାର ଏବଂ ସହରର ସମସ୍ତ ବଜାରରେ ରାୟଗଡ଼ା ଜିଲ୍ଲା ପର୍ଯ୍ୟାବରଣ ମଞ୍ଚ ର ସଂଯୋଜକ ଶ୍ରୀ ଗଣେଶ କୁମାର ସାହୁଙ୍କ ସହଯୋଗ ରେ ସମସ୍ତ ଦୋକାନ ମାନଙ୍କ ନିକଟରେ ପହଞ୍ଚି ପ୍ଲାଷ୍ଟିକ ବ୍ୟବହାର ନ କରିବା ପାଇଁ ଅନୁରୋଧ କରିବା ସହ କପଡା ବ୍ୟାଗ ବଣ୍ଟନ କରି ସମସ୍ତେ ସର୍ବନିମ୍ନ ଗୋଟିଏ ଗଛ ଲଗାଇ ତାର ଯନ୍ତ୍ର ନେବା ପାଇଁ ଅନୁରୋଧ କରିଥିଲେ ।
ବଜାରକୁ ଯିବା ସମୟରେ କପଡା ବ୍ୟାଗ ବ୍ୟାଗ୍ ଧରି ମାର୍କେଟିଙ୍ଗ୍ କରିବାକୁ ଯିବା ପାଇଁ ସଚେତନ କରିଥିଲେ । ଉକ୍ତ କାର୍ଯ୍ୟକ୍ରମରେ ସକ୍ଷମ ଅନୁଷ୍ଠାନ ର ରାଜ୍ୟ ସଂରକ୍ଷକ ଶ୍ରୀ ବାଦଲ କୁମାର ତା, ବିଶ୍ୱ ହିନ୍ଦୁ ପରିଷଦ ର ଶ୍ରୀ ଗୈାର ଚନ୍ଦ୍ର ନାୟକ, ଗାୟତ୍ରୀ ପରିବାର ରୁ ଶ୍ରୀ ପ୍ରଳୟ କୁମାର ସାହୁ ଯୋଗ ଦେଇ ଜନସାଧାରଣ ସଚେତନ ହେବା ସହ ସର୍ବନିମ୍ନ ଗୋଟିଏ ଉଚ୍ଚ ଲଗାଇବା ପାଇଁ ଆହ୍ୱାନ ଦେଇଥିଲେ। ଉକ୍ତ କାର୍ଯ୍ୟକ୍ରମକୁ ଭାରତୀୟ ମଜଦୁର ସଂଘ ର ମହନ ରାଓ ମାଝୀ, ଧର୍ମ ସିଂ ନାଗ, ଦୂର୍ଗା ମାଧବ ଘୋଷ, ରଞ୍ଜନ କୁମାର ସାହୁ, କୁମାରୀ ବାଡତ୍ୟା, ବିଶ୍ଵକର୍ମା ମଜଦୁର ସଂଘ ର କେ କେ ଜେନା, ସୁଦର୍ଶନ ନାୟକ, ଗୋବିନ୍ଦ ପ୍ରସାଦ କାନୁ, ପରିଚାଳନା କରିଥିଲେ ।