ରିପୋର୍ଟ : ଧ୍ରୁବରାଜ ମିଶ୍ର
ସୁବର୍ଣ୍ଣପୁର, (୦୨/୦୫) : ସୁବର୍ଣ୍ଣପୁର ଜିଲ୍ଲା ବିନିକା ବ୍ଳକ ବଲାରଙ୍ଗା ହାଇସ୍କୁଲ୍ ଛକ ଠାରେ ଟାଟାପାୱାର ଲେଖା ଥିବା ଏକ ତାର ବୋଝେଇ ପିକଅପ କୁ ଅଞ୍ଚଲବାସି ଡ୍ରାଇବର ଓ ଗାଡ଼ିକୁ ଅଟକ ରଖିଛନ୍ତି l
ବଲାରଙ୍ଗା ଗ୍ରାମର ଆଖ ପାଖ ଅଞ୍ଚଳରେ ପୂର୍ବରୁ ବହୁ ଥର ଖୁଣ୍ଟ ଭାଙ୍ଗି ୧୧ କେଭି ବିଦ୍ୟୁତ୍ ତାର ଚୋରୀ ମଧ୍ୟ ହୋଇସାରିଥିବ ବିନିକା ଥାନାରେ ଅଭିଯୋଗ ହୋଇସାରିଛି l ତେଣୁ ଆଜି ଟାଟା ପାୱାର ଲେଖା ଥିବା ଏକ ବୋଲେରୋ ପିକଅପ ଗାଡି ସେହି ଅଞ୍ଚଳରେ ବୁଲୁଥିବାର ଅଞ୍ଚଳବାସି ଦେଖିବା ପରେ ଅଟକାଇଥିଲେ l ସେମାନଙ୍କ ପାଖରୁ କୌଣସି ଉତ୍ତର ଠିକ ଭାବରେ ମିଳିପାରୁନଥିବାରୁ ଚୋରି କରୁଥିବା ସନ୍ଧେହ କରିଥିଲେ l ଘଟଣା ସ୍ଥଳରେ ପ୍ରବଳ ଉତ୍ତେଜନା ଦେଖାଦେଇଥିଲା l ବାରମ୍ବାର ଚୋରି ହେଉଥିବା ଏବଂ ପୁଲିସ କାହାକୁ ଧରି ପାରୁ ନ ଥିବା ଯୋଗୁ ଗ୍ରାମବାସୀ ଏହି କାର୍ଯ୍ୟ ରେ ନିଜେ ଟାଟା ପାୱାର ର କର୍ମଚାରୀ ସଂଶ୍ଲିଷ୍ଟ ଥାଇ ଏହି ସବୁ କରୁଛନ୍ତି ବୋଲି ଦର୍ଶାଇ ଗାଡି କୁ ଜୋର ଜବରଦସ୍ତ ଅଟକ ରଖିଥିଲେ l
ଏହି ଘଟଣାକୁ କିଛି ସମୟ ଧରି ଉତେଜନା ପ୍ରକାଶ ପାଇଥିଲା । ପରେ ପୁଲିସ ଘଟଣା ସ୍ଥଳରେ ପହଞ୍ଚି ଲୋକଙ୍କୁ ବୁଝା ସୁଝା କରିଥିଲେ । ପୁଲିସ ଆସିବା ପରେ ପୁଲିସ ର ନିର୍ଦେଶରେ ଚୋରି ହୋଇଥିବା ଜିନିଷ କୁ ଗାଡ଼ିରେ ଥାନାକୁ ନେଇଥିଲେ । ଏ ଅଞ୍ଚଳରେ ବାରମ୍ବାର ବିଦ୍ୟୁତ ୧୧କେଭି ତାର ଚୋରି ହେଉଥିଲେ ମଧ୍ୟ ବିଦ୍ୟୁତ ବିଭାଗ ଓ ପୁଲିସ ପ୍ରଶାସନ ଚୋରି ଘଟଣାରେ ସଂପୃକ୍ତ ଥିବା ଅପରାଧୀ ମାନଙ୍କୁ ଧରିବାରେ ସଫଳ ହୋଇ ପାରୁନାହିଁ । ଯାହାକୁ ନେଇ ଅସନ୍ତୋଷ ପ୍ରକାଶ ପାଉଛି । ଚୋର ଚୋରୀ କରି ଖସି ପଳାଇଥିବାରେ ସଫଳ ହୋଇଛି ।