ରିପୋର୍ଟ : ଅକ୍ଷୟ କୁମାର ପିଡ଼ିସିକା
କଲ୍ୟାଣସିଂହପୁର, (୧୯/୫) : ରାୟଗଡ଼ା ଜିଲ୍ଲା କଲ୍ୟାଣସିଂହପୁର ବ୍ଳକ ଅନ୍ତର୍ଗତ ସେରିଗୁମା ର ଦୁର୍ଗମ ପାହାଡିଆ ପିଡ଼ିସିକା କଲାଙ୍ଗ ଗ୍ରାମରେ ୭୫ବର୍ଷ ପରେ ବ୍ଳକ ପ୍ରଶାସନର ପାଦ ପଡିବାରୁ ଗ୍ରାମବାସୀଙ୍କୁ ଆନନ୍ଦର ଲହରୀ ଖେଳିଯାଇଛି ।
ସ୍ଵାଧୀନତାର ୭୫ବର୍ଷ ପରେ ଏହି ଗ୍ରାମର ବିକାଶ ବହୁ ଦୂରରେ ରହିଥିବା ଖବର ଶୁଣି ବିଡ଼ିଓ ପାଦ ପକାଇଥିବା ଜଣାପଡ଼ିଛି । ଗ୍ରାମରେ ୨୭ ଟି ପରିବାର ରହିଥିବା ବେଳେ ବିଭିନ୍ନ ମୌଳିକ ଅଧିକାର ରୁ ବଞ୍ଚିତ ରହିଥିବା ରୁ ସରକାରଙ୍କ ସମସ୍ତ ଯୋଜନାରେ କିପରି ଅନ୍ତର୍ଭୁକ୍ତ କରାଯାଇ ପାରିବ ସେଥିନେଇ ବିଡ଼ିଓ ସୁନିଲ କୁମାର ଖରା ଓ ସହକାରୀ ଯନ୍ତ୍ରୀ ସବ୍ୟସାଚୀ ନାୟକ ଗ୍ରାମକୁ ଯାଇ ଲୋକଙ୍କ ସହ ସମସ୍ତ ସମସ୍ୟା ସମ୍ପର୍କରେ ଆଲୋଚନା କରିଥିଲେ ।
ଉକ୍ତ ଗ୍ରାମକୁ ରାସ୍ତା ନାହିଁ, ପିଇବା ପାଣି ନାହିଁ, ଭତ୍ତା ପିଡ଼ିଏସ ଚାଉଳ, ସ୍ୱାସ୍ଥ୍ୟ, କୃଷି ବିକାଶ ଯୋଜନା, ଶିକ୍ଷା, ମହିଳା ସଶକ୍ତିକରଣ ଆବାସ ଯୋଜନା ଉପରେ ଆଲୋଚନା କରିଥିଲେ । ସମସ୍ତ ସରକାରୀ ଯୋଜନା କିପରି ଗ୍ରାମବାସୀ ପାଇ ପାରିବେ ଓ ସରକାରୀ ଯୋଜନା ପାଇ ଉପକୃତ ହେବେ ସେଥିନେଇ ପଞ୍ଚାୟତ ଓ ବ୍ଳକର ସମସ୍ତ ଅଧିକାରୀ ମାନଙ୍କ ସହ ଆଲୋଚନା କରି କାର୍ଯ୍ୟ ଆରମ୍ଭ କରାଯିବ ତାହା କୁ ଗୁରୁତ ନେଇଥିଲେ ବିଡ଼ିଓ ଶ୍ରୀ ଖରା । ପ୍ରଥମ ଥର ବିଡ଼ିଓ ଗ୍ରାମରେ ପାଦ ଦେଇଥିବାରୁ ଗ୍ରାମବାସୀ ଆନନ୍ଦରେ ଖୁସି ର ଲହରୀ ଖେଳିଯାଇଥିବା ଗ୍ରାମବାସୀ ପିଡ଼ିସିକା ନୀଳ କହିଛନ୍ତି ।