ରିପୋର୍ଟ : ଗୋପୀନାଥ ଗୌଡ଼
ରାୟଗଡା, (୧୪/୦୮) : ରାୟଗଡା ଅଖିଳ ବିଶ୍ଵ ଗାୟତ୍ରୀ ପରିବାର ତରଫରୁ ଗତ ୧୨ ଓ ୧୩ ରିଖ ଧରି ଦୁଇ ଦିନିଆ ରାଜ୍ୟସ୍ତରୀୟ ଯୁବ ଶିବିର ସ୍ଥାନୀୟ ଗାୟତ୍ରୀ ନଗର ସ୍ଥିତ ଗାୟତ୍ରୀ ଶକ୍ତିପୀଠ ଠାରେ ପ୍ରାନ୍ତୀୟ ଯୁବ ପ୍ରତିନିଧି ସନ୍ତୋଷ କୁମାର ଜେନାଙ୍କ ସଭାପତିତ୍ବରେ ଅନୁଷ୍ଠିତ ହୋଇଯାଇଛି ।
ଏଥିରେ ସେଞ୍ଚୁରିଆନ ବିଶ୍ଵବିଦ୍ୟାଳୟ ରାୟଗଡା ଶାଖାର ନିର୍ଦ୍ଦେଶକ ରାଜେଶ କୁମାର ପାଢ଼ୀ ଏବଂ ଅବସର ପ୍ରାପ୍ତ ଆୟକର ଅଧିକାରୀ ଚିତ୍ତ ରଞ୍ଜନ ପାତ୍ରଙ୍କ ଦ୍ଵାରା ଦୀପ ପ୍ରଜ୍ଜଳନ କରି କାର୍ଯ୍ୟକ୍ରମର ଶୁଭାରମ୍ଭ ହୋଇଥିଲା । କାର୍ଯ୍ୟକ୍ରମରେ ଗାୟତ୍ରୀ ପରିବାର ଜୋନାଲ ସଂଯୋଜକ ନାଗେଶ୍ଵର ପ୍ରସାଦ ସିଂହ, ଜିଲ୍ଲା ସଂଯୋଜକ ସୁଧିର କୁମାର ମିଶ୍ର, କୋରାପୁଟ ଜିଲ୍ଲା ଉପ ଜୋନ ସଂଯୋଜକ ବାଲ୍ମୀକି ପ୍ରଧାନ ଓ ରଜତ କୁମାର ଷଡ଼ଙ୍ଗୀ ମଞ୍ଚ ପରିଚାଳନା କରିଥିଲେ। ଉକ୍ତ ଶିବିରରେ ପ୍ରତ୍ୟେକ ଜିଲ୍ଲାର ଗାୟତ୍ରୀ ପରିବାରର ସକ୍ରିୟ କାର୍ଯ୍ୟକର୍ତ୍ତା ଭାଗ ନେଇଥିଲେ । ଏହି ଦୁଇ ଦିନ ଶିବିରରେ ଆଜିର ଯୁବ ପିଢ଼ିକୁ ମାର୍ଗଦର୍ଶନ ସହ ସେମାନଙ୍କୁ କିଭଳି ବ୍ୟକ୍ତି ନିର୍ମାଣ ଓ ରାଷ୍ଟ୍ର ନିର୍ମାଣରେ ଭାଗିଦାରୀ ହେବେ ସେ ସମ୍ପର୍କରେ ଯୋଜନା ପ୍ରସ୍ତୁତ କରାଯାଇଥିଲା ।
ଆସନ୍ତା ୨୯ ରିଖରେ ହେବାକୁ ଥିବା ତିନି ଦିବସୀୟ ପ୍ରାନ୍ତୀୟ ୟୁବ ସମ୍ମିଳନୀ ଉପରେ ବିସ୍ତୃତ ଭାବେ ବିଚାରବିମର୍ଶ କରା ଯାଇଥିଲା । ଏଥିରେ ଯୁବମାନଙ୍କ ମାଧ୍ୟମରେ ପ୍ରତ୍ୟେକ ଜିଲ୍ଲା, ବ୍ଲକ ଓ ପଞ୍ଚାୟତ ସ୍ଥରରେ ସପ୍ତ ସୁତ୍ରିକ ଆନ୍ଦୋଳନ ଯଥା ନିସ ନିବାରଣ, ବୃକ୍ଷ ରୋପଣ,ସ୍ବଚ୍ଛତା ଅଭିଯାନ, ବ୍ୟସନ୍ ମୁକ୍ତି ଆନ୍ଦୋଳନ, ଶିକ୍ଷା ଆନ୍ଦୋଳନ, ନାରୀ ଜାଗରଣ ଓ ସ୍ଵାସ୍ଥ୍ୟ ସଚେତନତା ମାଧ୍ୟମରେ ପ୍ରତ୍ୟେକ ଜନ ସାଧାରଣଙ୍କୁ ସଚେତନତାର ସହ କାର୍ଯ୍ୟକାରୀ କରିବା ପାଇଁ ଆଲୋଚନା ହୋଇଥିଲା । ଶେଷରେ ଉପସ୍ଥିତ ସମସ୍ତ ଜିଲ୍ଲା ଗାୟତ୍ରୀ ପରିଜନଙ୍କୁ ଜିଲ୍ଲା ସଂଯୋଜକ ଶ୍ରୀ ମିଶ୍ର ଧନ୍ୟବାଦ୍ ପ୍ରଦାନ ଅର୍ପଣ କରିଥିଲେ।