ରିପୋର୍ଟ : ଧୃବରାଜ ମିଶ୍ର
ସୁବର୍ଣ୍ଣପୁର, (୨୦/୧୧) : ସୁବର୍ଣ୍ଣପୁର ଜିଲ୍ଲା ବିନିକା ପୁଲିସ ବିଶାଲପାଲି – ଗୋଡ଼ଭାଗା ରାସ୍ତାର କଦଳୀପାଳି ନିକଟରୁ ୧୮ ବଂଡଲ ବିଦ୍ୟୁତ ତାର ଜବତ ସହ ୬ ଜଣ ଅଭିଯୁକ୍ତକୁ ବିନିକା ପୁଲିସ ଗିରଫ କରିଥିବା ନେଇ ଆଜି ସାମ୍ବାଦିକ ସମ୍ମିଳନୀରେ ସୁବର୍ଣ୍ଣପୁର ଏସପି ଅମରେଶ ପଣ୍ଡା ସୂଚନା ଦେଇଛନ୍ତି l
ଗିରଫ ଅଭିଯୁକ୍ତ ମାନେ ହେଲେ ମୁଖ୍ୟ ଅଭିଯୁକ୍ତ ବାବୁ କଂଗ ଓରାଫ(alias) ସରଫରାଜ ଖାନ , ରାଧାକାନ୍ତ ପାଇକା, ମାନସ ବେସନ, କବିର ମୁଣ୍ଡା, ହେମନ୍ତ ସୁନା ଏବଂ ଜଗଦୀଶ ରୋହିଦାସ ବୋଲି ଜଣାପଡିଛି l ଏହି ଅଭିଯୁକ୍ତ ମାନେ ହେଲେ ସମ୍ବଲପୁର ଜିଲ୍ଲାର ଅଟନ୍ତି l ଏସପିଙ୍କ ସୂଚନା ଅନୁସାରେ ବିନିକା ପୁଲିସ ଵିଶାଲପାଲି – ଗୋଡ଼ଭାଗା ରାସ୍ତାରେ ପେଟ୍ରୋଲିଂ କରୁଥିଲା l ସେହି ସମୟରେ କଦଳୀପାଲି ନିକଟରେ ବିଦ୍ୟୁତ ତାର କାଟି ଚୋରି କରାଯାଉଥିବା ଖବର ପାଇଥିଲା l ବିନିକା ଥାନା ଆଇଆଇସି ସାରଙ୍ଗ ପାଣିଗ୍ରାହୀଙ୍କ ନେତୃତ୍ୱରେ ଷ୍ଟାଫ ଉକ୍ତ ସ୍ଥାନରେ ଚଢ଼ାଉକରିଥିଲେ l ଚଢ଼ାଉ ସମୟରେ ସେଠାରୁ ୧୮ବଣ୍ଡଳ ବିଦ୍ୟୁତ ତାର ସହ ଗୋଟିଏ ପିକଅପ No OD 15V O207, ଏବଂ ଗୋଟିଏ ବୋଲେରୋ No OD 15 B 5356 ଜବତ କରିବା ସହ ୬ଜଣ ଅଭିଯୁକ୍ତକୁ ଗିରଫ କରିଥିଲେ l
ତେବେ ଘଟଣା ସ୍ଥଳରୁ ଅନ୍ୟ ୫ଜଣ ଅଭିଯୁକ୍ତ ଫେରାର ମାରିଥିଲେ l ତେବେ ଅଭିଯୁକ୍ତ ମାନଙ୍କ ଠାରୁ ଗୋଟିଏ ପିସ୍ତଲ , ଦୁଇଟି ଜୀବନ୍ତ ଗୁଳି, ଦୁଇଟି କଟର, ୫ଟି ମୋବାଇଲ, ଦୁଇଟି ଛୁରୀ ସମେତ ଅନ୍ୟାନ୍ୟ ସାମଗ୍ରୀ ଜବତ କରିଥିବା ଏସପି ସୂଚନା ଦେଇଛନ୍ତି l ଏନେଇ ବିନିକା ଥାନାରେ Case No 259/ dt 20/11/23 ଅନୁସାରେ ମକଦ୍ଦମା ରୁଜ୍ଜୁ କରିବା ସହ ଅଭିଯୁକ୍ତ ମାନଙ୍କୁ କୋର୍ଟ ଚାଲାଣ କରାଯାଇଛି l ତେବେ ଫେରାର ଅଭିଯୁକ୍ତ ମାନଙ୍କୁ ମଧ୍ୟ ଚି଼ହ୍ନଟ କରାଯାଇଥିବା ବେଳେ ଯଥା ଶୀଘ୍ର ଗିରଫ କରାଯିବ ବୋଲି ଏସପି ସୂଚନା ଦେଇଛନ୍ତି l ସୂଚନା ଯୋଗ୍ୟ ଯେ, ମୁଖ୍ୟ ଅଭିଯୁକ୍ତ ବାବୁ କଂଗ ଓରାଫ ସରଫରାଜ ଖାନ ନାମରେ ବିଭିନ୍ନ ଥାନାରେ ୪୭ଟି ଅପରାଧିକ ମାମଲା ରହିଥିବା ଏସପି ସୂଚନା ଦେଇଛନ୍ତି l