ରିପୋର୍ଟ : ସନ୍ତୋଷ କୁମାର ନାୟକ
ବଲାଙ୍ଗୀର/ଟିଟିଲାଗଡ, (୨୩/୧୧) : ମାସେ କି ଦୁଇ ମାସ ନୁହେଁ ଦୀର୍ଘ ଆଠ ମାସ ହେବ ଜଣେ ୭୦ ବର୍ଷୀୟ ବୃଦ୍ଧ ତାଙ୍କ ଘର ଜମି ସୀମା ନିର୍ଦ୍ଧାରଣ ଆବେଦନ କରିଛନ୍ତି । ହେଲେ ଦାବି ମୁତାବକ ସେ ଲାଞ୍ଚ ଟଙ୍କା ଦେଇ ନ ପାରିବାରୁ ଆଜି ସୁଦ୍ଧା ଦିନ ଗଡ଼େଇ ହଇରାଣ ହରକତ ହେଉଛନ୍ତି ।
ପ୍ରକାଶ ଯେ, ଟିଟିଲାଗଡ ଥାନା ଅନ୍ତର୍ଗତ ଦେଭୂଇଁ ଗ୍ରାମର ରାମଚନ୍ଦ୍ର ନାଗ (୭୦) ନାମକ ଜଣେ ବୃଦ୍ଧ ତାଙ୍କ ଘର ମୁଖ୍ୟ ରାସ୍ତା ଅବରୋଧ ନେଇ ଗଣ୍ଡଗୋଳ ହୋଇ କଥା ଟିଟିଲାଗଡ ଥାନା ରେ ପହଞ୍ଚି ଥିଲା । ସୀମା ନିର୍ଦ୍ଧାରଣ ପାଇଁ ଟିଟିଲାଗଡ ଥାନା ଅଧିକାରୀ ନିର୍ଦ୍ଦେଶ ଦେଇଥିବା ଓ ଉଭୟ ପକ୍ଷ ସେଥିରେ ରାଜି ଥିଲେ । ଏ ନେଇ ରାମଚନ୍ଦ୍ର ମୁରିବାହାଲ ତହସିଲ ରେ ଆବେଦନ କରିଥିଲେ । ୧୫ ଦିନ ମଧ୍ୟରେ ତହସିଲଦାର ଓ ଆର ଆଇ ଏ ନେଇ ନୋଟିସ ଜାରି କରିବା ବଦଳ ରେ ଉକ୍ତ ତହସିଲ କର୍ମଚାରୀ ଓ ଆର ଆଇ ପାଞ୍ଚ ହଜାର ଟଙ୍କା ମାଗିଥିଲେ । ହେଲେ କମ ଟଙ୍କା ଦେବୀ କହି ଗୁହାରୀ କରି ନିରାଶ ହୋଇ ଟିଟିଲାଗଡ ଉପ ଜିଲ୍ଲାପାଳ ଦୟାମୟ ପାଢ଼ୀଙ୍କ ଦ୍ବାରସ୍ଥ ହୋଇ ନିଜ ଅଭିଯୋଗ କରିଥିଲେ । ଥରେ କି ଦୁଇ ଥର ନୁହେଁ ପ୍ରାୟ ଚାରି ଥର ଲିଖିତ ଅଭିଯୋଗ କରିବା ଓ ଉକ୍ତ ପତ୍ର ନେଇ ମୁରିବାହାଲ୍ ତହସିଲକୁ ଯାଇ ତହସିଲଦାରଙ୍କୁ ଦେବାକୁ ସେ କହିଥିଲେ ।
ବାରମ୍ବାର ମୁରିବାହାଲ ତଥା ଆର ଆଇ ଙ୍କ କାର୍ଯ୍ୟାଳୟ କୁ ଧାଇଁ ଓଲଟା ଅଭିଯୋଗ ନେଇ ଦୁର୍ବ୍ୟବହାର ର ଶିକାର ହେବା ସାର ହେଉଛି । ଏପରିକି ନାମକୁ ମାତ୍ର ନୋଟିସ ଜାରି କରି ଦେବା ଓ ଧାର୍ଯ୍ୟ ତାରିଖ ରେ କେହି ନ ଯିବା ଓ ଦିନ ଗଡ଼େଇ ହଇରାଣ କରି ଆସୁଥିବା ବେଳେ ଅପର ପକ୍ଷରୁ ମୋଟା ଅଙ୍କ ର ଅର୍ଥ ଆଦାୟ କରି ଏଭଳି ଅବସ୍ଥା ଭୋଗିବା ରାମଚନ୍ଦ୍ର ଦୁଃଖ ର ସହକାରେ ପ୍ରକାଶ କରିଛନ୍ତି । ଜଣେ ଉପ ଜିଲ୍ଲାପାଳ ତଥା ମାଜିଷ୍ଟ୍ରେଟ ଙ୍କୁ ନିଜ ଅଭିଯୋଗ କରିବା କଣ ଭୁଲ ହେଲା କି ?
ଏହି ତହସିଲରେ ଏଭଳି ଖୋଲମ୍,ଖୋଲା ଲାଞ୍ଚ କାରବାର ସହ ଲୋକଙ୍କୁ ହଇରାଣ, ହରକତ ସାଧାରଣ ରେ ତୀବ୍ର ଅସନ୍ତୋଷ ବୃଦ୍ଧି ପାଉଛି । କାର୍ଯ୍ୟାଳୟ କର୍ମଚାରୀ ଙ୍କ ମନୋମୁଖୀ କାର୍ଯ୍ୟ ସହ ଲୋକଙ୍କ ଗୁହାରୀ ନ ଶୁଣି ଛୋଟ ଛୁଆ ଖେଳାଇବା, ମୋବାଇଲ୍ ରେ ଗପିବା, ଦୁଃର୍ବ୍ୟବହାର କରିବା ସାର ହେଉଛି । ଏ ନେଇ ଟିଟିଲାଗଡ ଉପ ଜିଲ୍ଲାପାଳ ତୁରନ୍ତ ଦୃଷ୍ଟାନ୍ତ ମୂଳକ ପଦକ୍ଷେପ ଗ୍ରହଣ କରିବା ନିମନ୍ତେ ବିଭିନ୍ନ ମହଲ ରୁ ଦାବି ହେଉଛି ।