ରିପୋର୍ଟ : ଭଗବାନ ମହାନ୍ତି
ମୁରିବାହାଲ, (୨୭/୧୧) : ମୁରିବାହାଲ ବ୍ଲକ ସ୍ତରୀୟ ସମ୍ବିଧାନ ଦିବସ ଘଣ୍ଟାବାହାଲ ଖେଳ ପଡିଆରେ ପାଳିତ ହୋଇଯାଇଛି ।
ଭୀମ ଆର୍ମି ବ୍ଲକ ସଭାପତି ସୁରେନ୍ଦ୍ର ଛୁରାଙ୍କ ସଭାପତିତ୍ୱରେ ଅନୁଷ୍ଠିତ କାର୍ଯ୍ୟକ୍ରମ ରେ ମୁଖ୍ୟ ଅତିଥି ମୋହନ ସୁନ୍ଦର ସିଂ ଭୋଇ ଯୋଗଦେଇ ଥିଲେ । ବୁଦ୍ଧ ଦେବ ଓ ବାବା ସାହେବ ଆମ୍ବେଦକର ଙ୍କୁ ପୁଷ୍ପମାଲ୍ୟ ଅର୍ପଣ କରି କାର୍ଯ୍ୟକ୍ରମ କୁ ଉଦଘାଟନ କରି ସମ୍ବିଧାନ ଦିବସ ପାଳନ ମହତ୍ୱ ବିଷୟରେ କହିଥିଲେ । ସମ୍ମାନିତ ଅତିଥିଭାବେ ଅଧ୍ୟାପକ ସୁରେଶ ବାଗ, ଶିକ୍ଷକ ମୁଖାରମ ବାଗ, ଜିତେନ୍ଦ୍ରିୟ ହଂସ, ଲକ୍ଷେ ଘରିଆ ଗଣ୍ଡା ସମାଜ କାର୍ଯ୍ୟକାରୀ ସଭାପତି ମଦନ ମୋହନ କୁମ୍ଭାର, ଉପସଭାପତି ବିଭୀଷଣ ମହାନନ୍ଦ, ଅନନ୍ତ ଛୁରା, ପ୍ରମୁଖ ମଞ୍ଚାସିନ ଥିଲେ ।
ଶିକ୍ଷା ପ୍ରତି ଗୁରୁତ୍ୱ ଦେବା, ନାରୀମାନଙ୍କୁ ମୁଖ୍ୟସ୍ରୋତରେ ଅଧିକ ମାତ୍ରାରେ ସାମିଲ କରିବା ସହ ସମ୍ବିଧାନ ବିଧିବ୍ୟବସ୍ଥାକୁ ସୁଦୃଢ କରିବା ଉପରେ ଅତିଥି ବୃନ୍ଦ ମତବ୍ୟକ୍ତ କରିଥିଲେ । ମୁଖ୍ୟବକ୍ତା ପ୍ରତିରକ୍ଷା ବିଭାଗର ଅବସର ଅଧିକାରୀ ପ୍ରଦୀପ ତାଣ୍ଡି ସଭାରେ ଯୋଗଦେଇ ଦଳିତ, ଆଦିବାସୀ ଓ ପଛୁଆବର୍ଗଙ୍କ ସୁରକ୍ଷା ସୁନିଶ୍ଚିତ କରିବା ଉପରେ ଗୁରୁତ୍ୱାରୋପ କରିଥିଲେ । ପ୍ରାରମ୍ଭରେ ଭୀମ ଆର୍ମି ଉପଦେଷ୍ଟା ଯଶୋବନ୍ତ ମହାନନ୍ଦ ସ୍ୱାଗତ ଭାଷଣ ଦେଇଥିବାବେଳେ ସାଧାରଣ ସମ୍ପାଦକ ରାଧାକାନ୍ତ ବାଗ ଧନ୍ୟବାଦ ଅର୍ପଣ କରିଥିଲେ ।