ରିପୋର୍ଟ : ଧ୍ରୁବରାଜ ମିଶ୍ର
ସୁବର୍ଣ୍ଣପୁର, (୦୮/୧୨) : ସୁବର୍ଣ୍ଣପୁର ଜିଲ୍ଲା ବିନିକା ବ୍ଲକ ଅରିଗାଁ ଆଞ୍ଚଳିକ ଧନୁଯାତ୍ରା ମହୋତ୍ସବ ର ଆଜି ଦ୍ୱିତୀୟ ସନ୍ଧ୍ୟାରେ ଅରିଗାଁ କ୍ରିକେଟ ଖେଳପଡିଆ (ମଥୁରା) ଠାରେ ଦେବକୀ ବାସୁଦେବ ବିବାହ, ବିବାହ ସମୟରେ ଦୈବବାଣୀ ଶୁଣି ଯୁବରାଜ କଂସ ବିଚଳିତ ହୋଇ ନିଜ ପିତା ମହାରାଜା ଉଗ୍ରସେନଙ୍କୁ ଗାଦିଚ୍ୟୁତ କରି ଯୁବରାଜ କଂସଙ୍କ ସିଂହାସନ ଆରୋହଣ ।
ମଥୁରାରେ ମହାରାଜା କଂସଙ୍କ ରାଜତ୍ଵ ଆରମ୍ଭ , ଦେବକୀ ଓ ବାସୁଦେବଙ୍କୁ କରାଗୃହକୁ ପ୍ରେରଣ ଇତ୍ୟାଦି ଦୃଶ୍ୟ ଅଭିନୀତ ହୋଇଥିଲା । ଏଥିରେ ମହାରାଜା କଂସ ଭୂମିକାରେ ବିଶିଷ୍ଠ କଳାକାର ଭୁବନେଶ୍ୱର ପଧାନ ଅଭିନୟ କରୁଛନ୍ତି । ଗତକାଲି ରାତିରେ ଏହି ଧନୁଯାତ୍ରାକୁ ମୁଖ୍ୟ ଅତିଥି ଭାବେ ବିନିକା ଥାନା ଅଧିକାରୀ ସାରଙ୍ଗ ଧର ପାଣିଗ୍ରାହୀ ଯୋଗଦେଇ ନଡ଼ିଆ ଭାଙ୍ଗି ଫିତା କାଟି ଉଦଘାଟନ କରଥିଲେ । ଏଥିରେ ଧନୁ ଯାତ୍ରା କମିଟିର ସଭାପତି ବିଶ୍ୱମ୍ଭର ମିଶ୍ର, ଗାଁ’ର ଗନ୍ତିଆ ସୁ୍ଘୋଷ ମିଶ୍ର, ପ୍ରତାପ ମିଶ୍ର, ଆକାଶ ନାଇକ, ସୁବଳ କଳିତା, ମୁକେଶ କର୍ମୀ, ବିକାଶ କର୍ମୀ ପ୍ରମୁଖ ଉପସ୍ଥିତ ଥିଲେ ।