ରିପୋର୍ଟ : ଧୃବରାଜ ମିଶ୍ର
ସୁବର୍ଣ୍ଣପୁର, (୨୫/୧୨) : ସୁବର୍ଣ୍ଣପୁର ଜିଲ୍ଲା ବିନିକା ବ୍ଲକ ଅରିଗାଁ ସରକାରୀ ପ୍ରାଥମିକ ଓ ଉଚ୍ଚ ପ୍ରାଥମିକ ବିଦ୍ୟାଳୟ ର ହୀରକ ଓ ସୁବର୍ଣ୍ଣ ଜୟନ୍ତୀ ଉତ୍ସବ ଉଦଯାପିତ ହୋଇଯାଇଛି l
ପୁରାତନ ଛାତ୍ରଛାତ୍ରୀ ତଥା ଆଲୁମୀନି କମିଟୀ ସଭାପତି ଲକ୍ଷ୍ୟପତି ବେହେରାଙ୍କ ଅଧକ୍ଷତାରେ ଅନୁଷ୍ଠିତ ହୋଇଥିବା ଏହି କାର୍ଯ୍ୟକ୍ରମର ମୁଖ୍ୟ ଅତିଥି ଭାବେ ବୀରମହାରାଜପୁର ତଥା ସ୍ଥାନୀୟ ବିଧାୟକ ପଦ୍ମନାଭ ବେହେରା, ମୁଖ୍ୟ ବକ୍ତା ଅବସରପ୍ରାପ୍ତ ପ୍ରଧ୍ୟାପକ ନୀଳାମ୍ବର ଶତପଥୀ ଓ ରାଜ୍ୟ ପୁରସ୍କାର ପ୍ରାପ୍ତ ପ୍ରଧାନ ଶିକ୍ଷକ ରାମକୃଷ୍ଣ ରଥ ସାମ୍ବାନୀତ ଅତିଥିଭାବେ ଯୋଗଦେଇଥିଲେ l ଉକ୍ତ ସ୍କୁଲ ଦ୍ବୟର ଅବସର ପ୍ରାପ୍ତ ପ୍ରଧାନ ଶିକ୍ଷକ ସ୍ବର୍ଗତ ନାରାୟଣ ଦାସ ଏବଂ ସ୍ୱର୍ଗତ ଖୁଞ୍ଚୁ ମହାକୁରଙ୍କ ଅତୁଳନୀୟ ସେବା ପାଇଁ ଜୟନ୍ତୀ କମିଟି ତରଫରୁ ତାଙ୍କର ସହଧର୍ମିଣୀ ଦ୍ବୟ ଙ୍କୁ ଏହି ଅବସରରେ ସମ୍ବର୍ଦ୍ଧିତ କରା ଯାଇ ଥିଲା l ଏତ୍ୟବସରେ ତ୍ରିଲୋଚନ ନେତ୍ରାଳୟ ପକ୍ଷରୁ ମାଗଣା ଚକ୍ଷୁ ପରୀକ୍ଷା ଶିବିର ଅନୁଷ୍ଠିତ ହୋଇଥିଲା l
ଅରିଗାଁ ପ୍ରାଥମିକ ବିଦ୍ୟାଳୟ ୧୯୪୮ ମସିହା ବ୍ୟାଚ ଠୁ ଆରମ୍ଭ କରି ୨୦୨୩ ମସିହା ବ୍ୟାଚ ପର୍ଯ୍ୟନ୍ତ ଅଧ୍ୟୟନ କରିଥିବା ଛାତ୍ର ଛତ୍ରୀ ମାନଙ୍କ ମଧ୍ୟରେ ବନ୍ଧୁ ମିଳନ ଓ ଭାବ ବିନିମୟ ହୋଇଥିଲା l ଏହି କାର୍ଯ୍ୟକ୍ରମକୁ ସଂଯୋଜନା କରିଥିଲେ ପ୍ରହଲ୍ଲାଦ ମିଶ୍ର ଏବଂ ରେଖା ଆଚାଯ୍ୟ l ଶେଷରେ କମିଟିର ସମ୍ପାଦକ କିଶୋର ମିଶ୍ର ଧନ୍ୟବାଦ ଅର୍ପଣ କରିଥିଲେ l ସନ୍ଧ୍ୟାର ସାଂସ୍କୃତିକ କାର୍ଯ୍ୟକ୍ରମରେ ବଜା ଗଜା ସମ୍ବଲପୁରୀ ନାଚ ଗୀତ ରେ ମଞ୍ଚ ଦୁଲକି ଉଠିଥିଲା l ଦର୍ଶକ ତାର ମନଭରି ମଜା ନେଇଥିଲେ l