ରିପୋର୍ଟ : ସନ୍ତୋଷ କୁମାର ନାୟକ
ବଲାଙ୍ଗୀର/ଟିଟିଲାଗଡ, (୨୬/୦୪) : ବଲାଙ୍ଗୀର ଜିଲ୍ଲା ଟିଟିଲାଗଡ ଥାନା ଅନ୍ତର୍ଗତ ଡୁମେରବାହାଲ ଡେମ ନିକଟସ୍ତ କୁଟରାକେନ ଜଙ୍ଗଲ ରେ ଟିଟିଲାଗଡ ପୋଲିସ ଚଢ଼ାଉ କରି ପାଞ୍ଚ ଶହ ଲିଟର ଦେଶୀ ରନ୍ଧା ମଦ ଜବତ ସହ ୧୪ ସହ ଲିଟର ପରିମାଣ ର ମହୁଲ ପୋଚ ନଷ୍ଟ କରିଥିବା ଟିଟିଲାଗଡ ପୋଲିସ ପ୍ରଶାସନ ଏକ ପ୍ରେସ ବିଜ୍ଞପ୍ତିରେ ସୂଚନା ଦେଇଛି ।
ଏହି ଜଙ୍ଗଲ ମଝିରେ ବିପୁଳ ମହୁଲ ପୋଚ ସଂଗ୍ରହ କରି ବେଶୀ ନିଶା ସହ ଶୀଘ୍ର ମହୁଲପୋଚରୁ ରନ୍ଧା ମଦ ପ୍ରସ୍ତୁତ ପାଇଁ ୟୁରିଆ ସାର ମିଶେଇ ଦେଇ ଥାନ୍ତି,ଯାହା କି ଉକ୍ତ ରନ୍ଧା ମଦ ଯୋଗୁଁ କ୍ରମାଗତ ପିଇ ଲୋକେ ମୃତ୍ୟୁ ର ଶିକାର ହୋଇ ଥାଆନ୍ତି । ଟିଟିଲାଗଡ ଥାନା ଅଧିକାରୀ ଅବନୀ ସାହୁ ଗୋପନୀୟ ଭାବେ ଅନୁସନ୍ଧାନ କରି ଏକ ପୋଲିସ ଟିମ ସହ ଚଢ଼ାଉ କରି ବିପୁଳ ପରିମାଣ ର ରନ୍ଧା ମଦ ଓ ମଦ ପ୍ରସ୍ତୁତ ପାଇଁ ଥିବା ମହୁଲ ପୋଚ ନଷ୍ଟ କରିଥିବା ନେଇ ଟିଟିଲାଗଡ ଉପଖଣ୍ଡ ଆରକ୍ଷୀ ଅଧିକାରୀ ଅଙ୍କିତା କୁମ୍ଭାର ସୂଚନା ଦେଇଛନ୍ତି, ମଦ ପ୍ରସ୍ତୁତି ସାମଗ୍ରୀ ଗୁଡିକ ଜବତ ସହ ଅଭିଯୁକ୍ତ ଙ୍କୁ ଖୁବ୍ ଶୀଘ୍ର ଗିରଫ କରି କୋର୍ଟ ଚାଲାଣ କରାଯିବ ବୋଲି ସୂଚନା ଦେଇଛନ୍ତି ।