ରିପୋର୍ଟ : ନରୋତ୍ତମ ପାଢ଼ୀ
ବିଷମ କଟକ,(୧୮/୧୧) : ରାୟଗଡା ଜିଲ୍ଲା ଗୁଣୁପୁର ଅଧିଷ୍ଠିତ ଆଦିବାସୀ ଅଞ୍ଚଳ ରେ ବଣ ମଲ୍ଲୀ ବଣ ରେ ମଉଳି ଯାଇଛି । ଦକ୍ଷିଣ ଓଡ଼ିଶାରେ ଏକ ଆଦିବାସୀ ବହୁଳ ଅଞ୍ଚଳ ହେଇଥିବା ବେଳେ ବହୁ ପ୍ରତିଭାବାନ ଯୁବକ ଯୁବତୀ ଦିନକୁ ଦିନ ସେମାନଙ୍କ ପ୍ରତିଭା ସାରା ଓଡ଼ିଶାରେ ନିଜ ପରିଚୟ ଦେବା ପାଇଁ ଆତୁର ହୋଇଛନ୍ତି ।
ହେଲେ କପାଳ ଲିଖନ କେ କରିବ ଆନ ଭଳି ବଣ ମଲ୍ଲୀ ବଣରେ ହିଁ ମଉଳି ଯାଉଛି । କେତେବେଳେ ଅର୍ଥ ସାଜିଛି ବାଧକ ତ କେତେବେଳେ ନିଜ ପରିଚୟ କୁ ପଥଭ୍ରଷ୍ଟ ଶିକାର ହୋଇଛନ୍ତି ଅଞ୍ଚଳ ର ପ୍ରତିଭାବାନ ଯୁବକ ଯୁବତୀ । ଏଭଳି ଯୁବକ ଯୁବତୀ ମାନଙ୍କ ପାଇଁ ଜଣେ ସଧାରଣ ରୁ ଅସାଧାରଣ ଅନ୍ଧ ର ଲଉଡି ଭଳି ବିଦ୍ୟମାନ ହୋଇଛନ୍ତି ଗୁଣପୁର ର ଜଣେ ପ୍ରତିଭା ପ୍ରେମି, ନିଃସ୍ଵାର୍ଥପର, ସମାଜସେବା ରେ ନିଜକୁ ଉତ୍ସର୍ଗ କରିଥିବା ବ୍ୟକ୍ତି ଯାହାଙ୍କ ନାଁ ପଞ୍ଚାନନ ଚୌଧୁରୀ ।
ଗୁଣପୁର ରେ ଜନ୍ମଗ୍ରହଣ କରିଛନ୍ତି ଏହି ମହାନ ବ୍ୟକ୍ତି । ତାଙ୍କ ଧର୍ମପତ୍ନୀ ଅନିତା ସାହୁ ଜଣେ ବାଳିକା ମହା ବିଦ୍ୟାଳୟରେ ଲେଡି ମେଟ୍ରନ ଭାବେ କାର୍ଯ୍ୟ କରୁଥିବା ବେଳେ ମିଷ୍ଟର ଚୌଧୁରୀ ଜଣେ ଛୋଟ ଛୋଟ ଠିକା କାର୍ଯ୍ୟ କରୁଥିଲେ । ନିୟତି ର ନିର୍ଦ୍ଦେଶନା ବାଳିକା ବିଦ୍ୟାଳୟରେ ଜଣେ ଝିଅ ର ଅନନ୍ୟା ପ୍ରତିଭା ବିଳାସିନୀ ସବର ବୋଲି ଜଣେ ଆଦିବାସୀ ଝିଅ କୁ ଦେଖିଥିଲେ ଅନିତା ସାହୁ ଏବଂ ତାଙ୍କ ମନରେ ସେହି ପ୍ରତିଭା କୁ ପ୍ରଷ୍ପୁଟିତ କରିବାର ପାଇଁ ମନସ୍ଥ କରିଥିଲେ ଅନିତା |
ସ୍ୱାମୀ ସ୍ତ୍ରୀ ଏହି ପ୍ରତିଭାବାନ ଝିଅ ର ଆଶାଟିକୁ ଆଗକୁ ବଢ଼ିବାରେ ପାଇଁ ସବୁ ପ୍ରକାର ପଦକ୍ଷେପ ଗ୍ରହଣ କଲେ | ଶେଷରେ ଝିଅଟିକୁ ସାରା ଓଡ଼ିଶାରେ ଲୋକଲୋଚନ କୁ ଆଣିଥିଲେ । କଥାଟି ଏତିକିରେ ସମାପ୍ତ ହୋଇ ନ ଥିଲା | ଉଭୟ ସ୍ୱାମୀ ଓ ସ୍ତ୍ରୀ ମିଶି ଅଞ୍ଚଳ ର ଏଭଳି ପ୍ରତିଭା ମାନଙ୍କ ମନସ୍ଥ କଲେ ଗୋଟେ କଳା ଓ ସଂଗୀତ ମହାବିଦ୍ୟାଳୟ କରି ସେଥିରେ ଗରିବ ନିଃସହାୟ ପ୍ରତିଭା ମାନଙ୍କୁ କିଛି ସାହାଯ୍ୟ କଲେ ସେମାନଙ୍କ ଉଜ୍ଜ୍ୱଳ ଭବିଷ୍ୟତ ଗଢି ଉଠିବ । ବର୍ତ୍ତମାନ ମି ଚୌଧୁରୀ ଓ ତାଙ୍କ ସ୍ତ୍ରୀ ମିଳିତ ଉଦ୍ୟମରେ ଗୁଣପୁର ନିଳାଦ୍ରୀ ବିହାର ୩ ୟ ଗଳି ରେ ୩୦/୦୯/୨୦୨୦ ରେ ପ୍ରତିଷ୍ଠା କଲେ ସଂଗିତ ଓ କଳା ମହାବିଦ୍ୟାଳୟ, ବର୍ତ୍ତମାନ ସେଇଠି ୩୯ ଜଣ ଛାତ୍ର ଛାତ୍ରୀ ଅଧ୍ୟୟନ କରୁଛନ୍ତି ।
ମହାବିଦ୍ୟାଳୟ ରାଜ୍ୟ ସରକାରଙ୍କ ସ୍ଥିରୀକୃତ ହୋଇ ସାରିଥିବା ଵେଳେ ଦକ୍ଷିଣାଞ୍ଚଳ କଳା ଓ ସଂଗୀତ ପ୍ରତିଭା ଙ୍କ ପାଇଁ ଅନେକ ଉଚ୍ଚ ଆସା ରଖିଛନ୍ତି ମି ଚୌଧୁରୀ ଓ ତାଙ୍କ ସହଧର୍ମିଣୀ । ଚୌଧୁରୀ ପରିବାର ଏଭଳି ଜନ କଲ୍ୟାଣ କାର୍ଯ୍ୟ ପାଇଁ ଅଞ୍ଚଳ ବାସି ଭୁରିଭୂରି ପ୍ରଶଂସା କରିଛନ୍ତି ।