ରିପୋର୍ଟ : ଏନ. ସନ୍ତୋଷ କୁମାର
ବୈପାରୀଗୁଡା,(୨୦/୧୧) : ବୈପାରୀଗୁଡା ଥାନା ଅନ୍ତର୍ଗତ ଓଡିଶା-ଛତିଶଗଡ ସୀମା ଗୁପ୍ତେଶ୍ୱର ଜଙ୍ଗଲରେ ବମ ନିଷ୍କ୍ରିୟ କଲେ ସୁରକ୍ଷା କର୍ମୀ । ସୁରକ୍ଷା କର୍ମୀଙ୍କୁ ଟାର୍ଗେଟ କରି ଖଞ୍ଜା ଯାଇଥିବା ଟିଫିନ ବୋମାକୁ ବିଏସଏଫ ଯବାନ ଉଦ୍ଧାର କରିବା ସହ ନିଷ୍କ୍ରିୟ କରିଛନ୍ତି l
ବୈପାରୀଗୁଡା ଥାନା ଅନ୍ତର୍ଗତ ରାମଗିରି ପଞ୍ଚାୟତ ର ଗୁପ୍ତେଶ୍ୱର ଜଙ୍ଗଲରେ ବିଏସଏଫ ପକ୍ଷରୁ ସର୍ଚ୍ଚ ଅପରେସନ ଜାରି ରହିଥିବା ବେଳେ ସନ୍ଧାନୀ କୁକୁର ସାହାଯ୍ୟରେ ପୂଜାରୀଗୁଡା ଛକ ଯାତ୍ରା ନିବାସ ନିକଟ ରାସ୍ତା କଢ଼ରେ ଏକ ଟିଫିନ ବୋମାକୁ ଖଞ୍ଜା ଯାଇଥିବା ଜାଣିବାକୁ ପାଇଥିଲେ ସୁରକ୍ଷା କର୍ମୀ l ବୈପାରୀଗୁଡା ସ୍ଥିତ ୧୫୧ ଵିଏନ ବିଏସଏଫ କୋମାଣ୍ଡେଣ୍ଡ ଅଜୟ କୁମାରଙ୍କ ତତ୍ୱାବଧାନରେ ଏହି କଣ୍ଟେନେର ବୋମାକୁ ଉଦ୍ଧାର କରିବା ସହ ନିଷ୍କ୍ରିୟ କରିଛନ୍ତି ସ୍ପ୍ଲେସଲ ଅପରେସନ୍ ପାର୍ଟି l ମାଓବାଦୀଙ୍କ ଏକ ବଡ ଚକ୍ରାନ୍ତ କୁ ସୁରକ୍ଷା କର୍ମୀଙ୍କ ସ୍ପ୍ଲେସଲ ଅପରେସନ୍ ପାର୍ଟିର ଦ୍ୱାରା ବିଫଳ କରାଯାଇଥିବା ଜଣା ପଡିଛି l