ରିପୋର୍ଟ : ପ୍ରଣତି ସାବତ //
କାଶୀନଗର, (୨୨/୧୨) : ଗଜପତି ଜିଲ୍ଲା କାଶୀନଗର ବ୍ଲକର ଆଜି ଶେଷ ସମିତି ବୈଠକ ଅନୁଷ୍ଠିତ ହୋଇଯାଇଅଛି । ବ୍ଲକ ଅଧ୍ୟକ୍ଷ ଏସ. ସୀମାଦ୍ରି ଏହି ବୈଠକରେ ଅଧ୍ୟକ୍ଷତା କରିଥିବା ବେଳେ, ବିଡ଼ିଓ ଶ୍ରୀ ଡ଼ା. ଲକ୍ଷ୍ମୀ ପ୍ରସାଦ ସାହୁ ସଭାପତି ଭାବେ ଯୋଗ ଦେଇଥିଲେ ।
କାଶୀନଗର ବ୍ଲକର ଶେଷ ସମିତି ବୈଠକ ରେ ବିଭିନ୍ନ ଗ୍ରାମ ପଞ୍ଚାୟତ ର ସମିତି ସଭ୍ୟ, ସରପଞ୍ଚ ଙ୍କ ସହ ବିଭିନ୍ନ ଲାଇନ୍ ବିଭାଗ ର କର୍ମଚାରୀ ମଧ୍ୟ ଯୋଗ ଦେଇଥିଲେ । ସହକାରୀ ଯନ୍ତ୍ରୀ ଓ କନିଷ୍ଠ ଯନ୍ତ୍ରୀ ମାନେ ମଧ୍ୟ ଯୋଗ ଦେଇଥିଲେ । ସମିତି ଅଧ୍ୟକ୍ଷ ସିମାଦ୍ରି ଆମେ ସମସ୍ତେ ଏକ ପରିବାର ଭାବେ ଦୀର୍ଘ ୫ ବର୍ଷ ଗୋଟିଏ ପାଖରେ ରହିଲେ, ବିରୋଧୀ ଓ ଶାସକ ଦଳ ବିଭିନ୍ନ ଉନ୍ନୟନ ମୂଳକ କାର୍ଯ୍ୟରେ ସହଯୋଗ କରିଥିବାରୁ ସମସ୍ତଙ୍କୁ ଧନ୍ୟବାଦ୍ ଦେଇଥିଲେ । ବିଭିନ୍ନ ପଞ୍ଚାୟତରେ ନିର୍ମିତ ମାର୍କେଟ କମ୍ପ୍ଲେକ୍ସ ଗୁଡ଼ିକ ଠିକ୍ ଭାବେ ଚାଲୁ ନ ଥିବା ଅଭିଯୋଗ ହୋଇଥିଲା । ସୀତାପୁର ସମିତି ସଭ୍ୟ ଆଲୋଚନାରେ ଭାଗ ନେଇଥିଲେ ।
ବିଡ଼ିଓ ଶ୍ରୀ ସାହୁ ପର୍ତାଡା ପଞ୍ଚାୟତର ଆଦିବାସୀ ମାନେ କରନା ଟୀକା ନେଇ ନ ଥିବାରୁ ସମସ୍ତ ଲୋକ ପ୍ରତିନିଧି ଓ ଗଣମାଧ୍ୟମର ସାହାଯ୍ୟ ବିନା ଏହି କାର୍ଯ୍ୟ ହୋଇପାରିବ ନାହିଁ ବୋଲି କହି ସମସ୍ତଙ୍କୁ ସାହାଯ୍ୟ ମାଗିଥିଲେ । ଆଜିର ଏହି ଶେଷ ବୈଠକରେ ସମସ୍ତେ ଯୋଗ ଦେଇ ଶାନ୍ତି ଶୃଙ୍ଖଳାରେ ବୈଠକ ଶେଷ ହୋଇଥିବାରୁ ଧନ୍ୟବାଦ୍ ଦେଇଥିଲେ । ଆଗାମୀ ଦିନରେ ମଧ୍ୟ ଆପଣ ମାନଙ୍କ ସାହାଯ୍ୟ ଦରକାର ବୋଲି କହିଥିଲେ । ନିର୍ବାଚନ ଆଚରଣ ବିଧି ଲାଗୁ ହେବା ପୂର୍ବରୁ ଯାହା କାମ ବାକି ଅଛି ତାହା ଶେଷ କରିବାକୁ ଏକ ପ୍ରସ୍ତାବ ଶ୍ରୀ ଚିଟି ବାବୁ ଦେଇଥିଲେ । ବିଡ଼ିଓ ସମସ୍ତଙ୍କୁ ଧନ୍ୟବାଦ୍ ଦେବା ପରେ ସଭା କାର୍ଯ୍ୟ ସରିଥିଲା ।