ରିପୋର୍ଟ : ଅକ୍ଷୟ କୁମାର ପିଡିଶିକା //
କଲ୍ୟାଣସିଂହପୁର, ତା-(୨୨/୧୨) : ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ ର ବୁଡ଼ାଗୁଡା ପଞ୍ଚାୟତ ର ଢେପାଗୁଡ଼ା ଗାଁ ନିକଟରେ ମିନିପୋଲ ନିର୍ମାଣ ନିମନ୍ତେ ଆଜି ଶୁଭ ଉଦଘାଟନ ହୋଇଛି । ଏଥିରେ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା ବର୍ଡର ଉପଦେଷ୍ଟା ସୁଧୀର କୁମାର ଦାସ ମୁଖ୍ୟ ଅତିଥି ଭାବେ ଯୋଗଦେଇ ମିନି ପୋଲ ନିର୍ମାଣ ପାଇଁ ଶୁଭ ପକାଇଥିଲେ ।
ଏହି ଢେପାଗୁଡ଼ା ପୋଲ ନିର୍ମାଣ ପାଇଁ ବିଧାୟକ ପାଣ୍ଠି ଓ ଜିଲା ଖଣିଜ ପାଣ୍ଠିରୁ ୧୪ ଲକ୍ଷ ଟଙ୍କା ବ୍ୟୟରେ କରାଯିବ । ଏହି ଯଦି ପୋଲ ନିର୍ମାଣ ରେ ଆହୁରି ଅର୍ଥ ଆବଶ୍ୟକ ପଡେ ତାହା ହେଲେ ଯୋଗାଇ ଦିଆଯିବ ବୋଲି କହିଛନ୍ତି । ସେହିପରି ଧାମୁଣିପଙ୍ଗା ପଞ୍ଚାୟତର ଗୁଗୁରୁମାଣ୍ଡି ଗାଁ ରେ ଆଡ଼ିବନ୍ଧ ପାଇଁ ଶୁଭ ପକାଇଥିଲେ । ଏହା ୧୦ ଲକ୍ଷ୍ୟ ଟଙ୍କା ବ୍ୟୟ ରେ ନିର୍ମାଣ କରାଯିବ ବୋଲି କହିଛନ୍ତି ।
ଏହି ଦୁଇ ଗ୍ରାମବାସୀ ବହୁ ଦିନଧରି ଦାବି କରି ଆସୁଥିଲେ । ବର୍ତ୍ତମାନ ତାହା ଶୁଭ ପକାଯାଇଥିବାରୁ ଗ୍ରାମବାସୀ ଖୁସି ପ୍ରକାଶ କରି ଥିଲେ । ଢେପାଗୁଡ଼ା ମିନି ପୋଲ ପାଇଁ ସାଂସଦ ସପ୍ତଗିରି ଶଙ୍କର ଉଲାକା ପାଣ୍ଠିରୁ ୫ ଲକ୍ଷ ଟଙ୍କା ଦେଇଥିବା ଜଣାପଡିଛି । ଏଥିରେ ବିଜେଡି ଦଳର ବ୍ଲକ ସଭାପତି ସୁନ୍ଦରରାଓ ବାଗ, ସାଂସଦ ପ୍ରତିନିଧି ଗେଦାଲି ଶ୍ରୀନୁ, ବିଧାୟକ ପ୍ରତିନିଧି ବୃନ୍ଦାବନ ପାଢ଼ୀ, ରମାକାନ୍ତ ପରିଛା, ଏମ ଧର୍ମେନ୍ଦ୍ର ସମେତ ଦଳୀୟ କର୍ମୀ ଓ ନେତା ଉପସ୍ଥିତ ଥିଲେ ।