ରିପୋର୍ଟ : ସୁଶାନ୍ତ ବେହେରା
ବୌଦ୍ଧ, (୧୪/୧) : ନିର୍ବାଚନ କଟକଣା ପରେ ବୌଦ୍ଧ ସହର ର ରାସ୍ତାରୁ ହଟିଛି ଦଳୀୟ ବେନର, ପୋଷ୍ଟର ଓ ପତାକା । ରାଜ୍ୟ ନିର୍ବାଚନ କମିଶନ ଆସନ୍ତା ପଞ୍ଚାୟତ ନିର୍ବାଚନ ତାରିଖ ଘୋଷଣା କରିବା ପରେ ସାରା ରାଜ୍ୟରେ ଆଦର୍ଶ ଆଚରଣ ବିଧି ଲାଗୁ କରାଯାଇଛି ।
ତେଣୁ ନିର୍ବାଚନ କଟକଣା ତଥା ଆଦର୍ଶ ଆଚରଣ ବିଧି ଲାଗୁ ହେବା ପରେ ପରେ ଜିଲ୍ଲା ନିର୍ବାଚନ ଅଧିକାରୀ ଙ୍କ ନିର୍ଦ୍ଦେଶ କ୍ରମେ ବୌଦ୍ଧ ସହର ର NAC ଛକ, ଗାନ୍ଧୀ ଛକ, ବ୍ରିଜ଼ ଛକ, ବସ ଷ୍ଟାଣ୍ଡ ଓ ବିଭିନ୍ନ ସ୍ଥାନରେ ଲାଗିଥିବା ଦଳୀୟ ବେନର, ପତାକା ଓ ପୋଷ୍ଟର ସବୁ ହଟେଇ ଦିଆଯାଇଛି । ଏହି କାର୍ଯ୍ୟକ୍ରମ ଟି ବୌଦ୍ଧ ତହସିଲଦାର ଅବିନାଶ ପାଣ୍ଡିଆ ଓ ଏନଏନ ସି ନିର୍ବାହୀ ଅଧିକାରୀ ଇଂ. ମନୋରଞ୍ଜନ ପଣ୍ଡା ଙ୍କ ନେତୃତ୍ୱରେ କରାଯାଇ ଥିବାର ସୂଚନା ମିଳିଛି ।