ରିପୋର୍ଟ : ଗୋପୀନାଥ ଗୌଡ଼ //
ରାୟଗଡ, ତା.(୨୪/୦୨) : ରାୟଗଡ ପୌର ପରିଷଦର ଚୁଡାନ୍ତ ଭୋଟର ତାଲିକା ପ୍ରକାଶ କଲେ ଉପ-ଜିଲ୍ଲାପାଳ ତଥା ନିର୍ବାଚନ ଅଧିକାରୀ, ଶ୍ରୀ ପ୍ରତାପ ଚନ୍ଦ୍ର ପ୍ରଧାନ ସ୍ଥାନୀୟ ପୌର କାର୍ଯ୍ୟାଳୟ ଠାରେ ଆଜି ପ୍ରକାଶିତ ଭୋଟର ତାଲିକା ପ୍ରକାଶିନ କରିଛନ୍ତି ।
ବିଭିନ୍ନ ରାଜନୈତିକ ଦଳ ର କର୍ମକର୍ତ୍ତାଙ୍କ ଉପସ୍ଥିତିରେ ଆଜି ଏହି ଚୁଡାନ୍ତ ଭୋଟର ତାଲିକା ପ୍ରକାଶ କରାଯାଇଛି । ରାୟଗଡ ପୌର ପରିଷଦର ମୋଟ ୫୬,୫୯୭ ଜଣଙ୍କର ଭୋଟର ତାଲିକା ୱାର୍ଡ ୱାଇଜ୍ ପ୍ରକାଶ କରାଯାଇଛି । ଆଗାମୀ ପୌର ନିର୍ବାଚନରେ ୨୪ ଟି ୱାର୍ଡ ରୁ ୬୯ ଟି ମତଦାନ କେନ୍ଦ୍ରରେ ମତଦାନ କରିବେ । ରାୟଗଡ ପୌରପାଳିକାରେ ୫୬,୫୯୭ ଜଣ ଭୋଟର ମଧ୍ୟରୁ ପୁରୁଷ ଭୋଟର ସଂଖ୍ୟା ୨୭,୪୭୨ ଜଣ ଥିବା ବେଳେ ମହିଳା ଭୋଟର ସଂଖ୍ୟା ୨୯,୦୭୨ ଜଣ ଏବଂ ଟ୍ରାନ୍ସଜେଣ୍ଡର ୫୩ ଜଣ ଅଛନ୍ତି ।
ଚୁଡାନ୍ତ ଭୋଟର ତାଲିକା ପ୍ରକାଶିତ ହେଲାବେଳେ ଭାରତୀୟ ଜାତୀୟ କଗ୍ରେଂସ ରୁ ଶ୍ରୀ ଶଙ୍କରଶଣ ମଙ୍ଗରାଜ, ଭାରତୀୟ ଜାତୀୟ ଜନତା ପାର୍ଟିରୁ ଶ୍ରୀ ଶିବ ପଟ୍ଟନାୟକ, ବିଜୁ ଜନତା ଦଳରୁ ଶ୍ରୀ ବିନାୟକ କର, ସି.ପି.ଆଇ.ଏମ.ଏଲ୍ ରୁ ଶ୍ରୀ ଦୋରା କଣ୍ଡାଗୋରୀ ଓ ଅନ୍ୟାନ୍ୟ କର୍ମକର୍ତ୍ତା ଉପସ୍ଥିତ ରହି ଚୁଡାନ୍ତ ଭୋଟର ତାଲିକା ନିର୍ବାଚନ ଅଧିକାରୀଙ୍କ ଠାରୁ ଗ୍ରହଣ କରିଥିଲେ ।