ରିପୋର୍ଟ : ନରତ୍ତମ ପାଢୀ
ରାୟଗଡା, (୧୫/୦୪) : ରାୟଗଡା ଜିଲ୍ଲା ମୁନିଗୁଡା ବ୍ଲକ ଅନ୍ତର୍ଗତ ଆମ୍ବଦଳ ଅଞ୍ଚଳ ରେ ଦିନକୁ ଦିନ ସମାଜରେ ଅସାମାଜିକ କାର୍ଯ୍ୟକଳାପ ବଢି ଚାଲୁଥିବା ବେଳେ ପୋଲିସ ପ୍ରଶାସନ ର ଉପସ୍ଥିତିରେ ବି ଲୋକେ ତହସିଲ କର୍ମଚାରୀଙ୍କୁ ଆକ୍ରମଣ କରି ଅସାମାଜିକ ତତ୍ୱ ବଢ଼େଇ ଚାଲିଥିବାରୁ ପୋଲିସ କୁ ଆହୁରି ସଶକ୍ତ ହେବା ଜରୁରୀ ହେବାକୁ ବାଧ୍ୟ ବୋଲି ବୁଦ୍ଧିଜୀବୀ ମହଲରେ ଚର୍ଚ୍ଚା ଚାଲିଛି ।
ଗତ କିଛି ମାସ ତଳେ ମୁନିଗୁଡା ତହସିଲ ର ପାଇକ ମାଦକୁଲା ରେ ଥିବା ଖାତା ନମ୍ବର ୬୭/୧୫୬ ଓ ୨୩/୫୮ ଓ ୨୩/୨୩ ର ୧୫ ଏକର ୬୯ ଡେସିମିଲ କୁ ଜବରଦଖଲ ରେ ନେଇ ବିରଞ୍ଚି ନାରାୟଣ ଦେଓ ରାଜୁତି କରୁଥିଲେ କିନ୍ତୁ ଉକ୍ତ ଜମିଟି ହରିଚନ୍ଦ୍ର ଗୌଡ଼ ଙ୍କ ନାମରେ ପଟ୍ଟା ରହିଥିବା ବେଳେ ମୁନିଗୁଡା ତହସିଲଦାର ଙ୍କ ନିର୍ଦ୍ଦେଶରେ ତହସିଲ କର୍ମଚାରୀଙ୍କୁ ଓ ପୋଲିସ ଙ୍କ ଉପସ୍ଥିତି ରେ ଜମି ଚିହ୍ନଟ ପାଇଁ ଦିନ ଧାର୍ଯ୍ୟ କରାଯାଇ ଉକ୍ତ ସ୍ଥାନ ରେ ପହଞ୍ଚି ଉକ୍ତ ବିବାଦ ର ସ୍ଥାୟୀ ସମାଧାନ ପାଇଁ ଯାଇଥିଲେ ।
କିନ୍ତୁ ଜବରଦଖଲ ରେ ରହିଥିବା ବିରଞ୍ଚି ଦେଓ ଓ ତାଙ୍କ ସ୍ତ୍ରୀ ସଂଧ୍ୟାରାଣୀ ଦେଓ ସମେତ ତାଙ୍କ ପରିବାର ର କିଛି ମହିଳା ସ୍ଥାନୀୟ ଭୀମପୁର ଆର ଆଇ ରାମଦାସ ପେଦେଣ୍ଟି ଙ୍କୁ ସଂଘବଦ୍ଧ ଭାବେ ଆକ୍ରମଣ କରି ତାଙ୍କ ଠାରୁ ଜରୁରୀକାଳୀନ ଦସ୍ତାବୀଜ ସହିତ ବ୍ୟାଗ ଟାଣି ଘୋଷାରି ନେଇଯାଇଛନ୍ତି ।
ଏ ସଂକ୍ରାନ୍ତରେ ମୁନିଗୁଡା ତହସିଲଦାର ଶ୍ରୀ ଦେବାଶିଷ ଗୌଡ଼ ଙ୍କ ନିର୍ଦ୍ଦେଶ ରେ ମୁନିଗୁଡା ବ୍ଲକ ଅମ୍ବାଦଳା ଥାନା ରେ ଏକ ଲିଖିତ ଅଭିଯୋଗ କ୍ରମେ ଅମ୍ବାଦଳା ପୋଲିସ ଏକ ମାମଲା ରୁଜୁ କରି କେସ ନମ୍ୱର – ୫୭/ ୨୨ ରେ ips act ୧୪୩, ୧୪୭, ୨୯୪, ୩୨୩, ୩୪୧, ୩୩୨, ୩୭୯, ୫୦୯, ୧୪୯, ୩ (i) rs ରେ ଘଟଣା ର ତଦନ୍ତ କରୁଛି ।
ଉକ୍ତ ଘଟଣା ରେ ଭୀମପୁର R I ନିଜ ଜୀବନ ବିପଦ ଥିବା ଜଣେଇ ଏଭଳି ଅସାମାଜିକ ବ୍ୟକ୍ତି ଙ୍କ ବିରୁଦ୍ଧ ରେ କାର୍ଯ୍ୟାନୁଷ୍ଠାନ ନେବାକୁ ନିବେଦନ କରିଛନ୍ତି । ତେବେ ଆଇନ ଉପରେ ଆସ୍ଥା ରଖିଥିବା ବ୍ୟକ୍ତି ଙ୍କ ସପକ୍ଷ ରେ କିଭଳି କାର୍ଯ୍ୟପନ୍ଥା ଗ୍ରହଣ କରିବେ ତାହା ସମୟ କହିବ । ଏଇଠି ପ୍ରଶ୍ନ ଉଠୁଛି ପ୍ରଶାସନିକ ଅଧିକାରୀ ଙ୍କୁ ଯଦି ନିଜ ନିଜ କାର୍ଯ୍ୟ କରିବାରେ ବାଧା ସୃଷ୍ଟି କରାଯାଉଛି ତେବେ ସମାଧାନ ର ଦିଗ କିଭଳି ମିଳିବ ?