ରିପୋର୍ଟ : ଗୋପୀନାଥ ଗୌଡ଼
ରାୟଗଡ଼ା, ତା.(୧୫/୦୭) : ରାୟଗଡ଼ା ସରକାରୀ ଶିଳ୍ପ ତାଲିମ ପ୍ରତିଷ୍ଠାନ ଠାରେ ବିଶ୍ୱ ଯୁବା ଦକ୍ଷତା ଦିବସ-୨୨ ପାଳିତ ହୋଇଯାଇଛି l
ବିଶ୍ୱ ଯୁବା ଦକ୍ଷତା ଦିବସ ପାଳନ ଅବସରରେ ଅତିରିକ୍ତ ଜିଲ୍ଲାପାଳ ଧର୍ମାନନ୍ଦ ବେହେରା ମୁଖ୍ୟ ଅତିଥି ଭାବରେ ଯୋଗଦାନ କରି କାର୍ଯ୍ୟକ୍ରମକୁ ଉଦଘାଟନ କରିବା ସହିତ ସମବେତ ଛାତ୍ରଛାତ୍ରୀ/ଯୁବକଯୁବତୀ ମାନଙ୍କୁ ଉଦ୍ବୋଧନ ଦେଇ କହିଲେ ଯେ ସକାରାତ୍ମକ ମନୋଭାବ ଓ ଦୃଢ ଇଚ୍ଛା ଶକ୍ତି ବଳରେ ଆଗକୁ ବଢ଼ିଲେ ନିଶ୍ଚିତ ଜୀବନରେ ସଫଳତା ହାସଲ କରିବ l
ଗ୍ରାମାଞ୍ଚଳରେ ଅଧାରୁ ପାଠ ଛାଡି ରହିଥିବା ବେକାରୀ ଯୁବକଯୁବତୀ ମାନଙ୍କୁ ଦିନଦୟାଲ ଉପାଧ୍ୟାୟ ଗ୍ରାମୀଣ କୌଶଳ ଯୋଜନାରେ ତାଲିମ ପ୍ରଦାନ କଲେ ବେକାର ସମସ୍ୟା ଦୂର ହୋଇଯିବ ବୋଲି କହିଥିଲେ l ସେହିପରି ଏମସେମି ବିଭାଗ ର ଉପା ନିର୍ଦ୍ଦେଶକ ଏନ. କଟିରତ୍ନମ ମୁଖ୍ୟ ଵକ୍ତା ଭାବରେ ଯୋଗଦାନ କରି ଯୁବକ ଯୁବତୀ ମାନଙ୍କ ମଧ୍ୟରେ ଦକ୍ଷତାକୁ କାମରେ ଲଗାଇବାକୁ ପରାମର୍ଶ ଦେଇଥିଲେ l
ଅନୁଷ୍ଠାନ ର ଅଧ୍ୟକ୍ଷ ଅତୁଲ କୁମ ପଣ୍ଡା ପ୍ରାରମ୍ଭିକ ଭାଷଣ ପ୍ରଦାନ କରି ବିଶ୍ୱ ଯୁବା ଦକ୍ଷତା ଦିବସ ର ମହତ ଉଦେଶ୍ୟ, ଜିଲ୍ଲାରେ ତାଲିମ ନେବା ପାଇଁ ଟ୍ରେଡ଼ ଓ ଦକ୍ଷତା ଭିତ୍ତିକ ବିକାଶ କ୍ଷେତ୍ରରେ ଅଗ୍ରଗତି ସମ୍ପର୍କରେ ଉପସ୍ଥାପନ କରିଥିଲେ l ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ଜିଲ୍ଲା ନିଯୁକ୍ତି ଅଧିକାରୀ ରାଜେନ୍ଦ୍ର ପ୍ରସାଦ ଟେଟେ, ଓରମାସ ଡିପିଏମ ମନୋଜ କୁମାର ପାତ୍ର, ଏଡିବି ଶାଖା ପ୍ରବନ୍ଧକ, ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀ ବସନ୍ତ କୁମାର ପ୍ରଧାନ, ଆଇଟିଆଇ ର ଶିକ୍ଷକ ଶିକ୍ଷୟିତ୍ରୀ ଓ କର୍ମଚାରୀ ମାନେ ଉପସ୍ଥିତ ଥିଲେ l
ଏହାପରେ ନେତୃତ୍ୱ ପରିବର୍ତ୍ତନ ଶିକ୍ଷା ନିମନ୍ତେ ତାଲିମ ଶିକ୍ଷକ ଏସ.କେ. ସାହୁ ଏବଂ ଜି. ରବିଙ୍କୁ ସମ୍ମାନିତ କରାଯାଇଥିଲା l ସେହିପରି ପୂର୍ବତନ ଛାତ୍ର ରମାକାନ୍ତ ସାହୁ, ଜୟପ୍ରକାଶ ଜାଡେ ଏବଂ ମାଝି ଶ୍ରବଣକୁ ମୁଖ୍ୟ ଅତିଥି ସମ୍ମାନିତ କରିଥିଲେ l ଅନୁଷ୍ଠାନ ର ଛାତ୍ର ଛାତ୍ରୀ ମାନଙ୍କ ମଧ୍ୟରେ ପ୍ରବନ୍ଧ, ବକୃତା, କ୍ୱିଜ ଏବଂ କ୍ରୀଡ଼ା ପ୍ରତିଯୋଗିତାରେ କୃତି ପ୍ରତିଯୋଗୀଙ୍କୁ ମୁଖ୍ୟ ଅତିଥି ପୁରସ୍କୃତ କରିଥିଲେ l
ପ୍ରାରମ୍ଭରେ ଵୃକ୍ଷ ରୋପଣ କରାଯାଇଥିଲା l ଏଥିରେ ୨୦ ବୃକ୍ଷ ର ରୋପଣ କରାଯାଇଥିଲା l ଏଥିରେ ଆନ୍ତ ଦକ୍ଷତା ପ୍ରଦର୍ଶନୀ ଆୟୋଜନ କରାଯାଇଥିଲା l ସହର ର ୧୨ ଟି ଉଚ୍ଚ ବିଦ୍ୟାଳୟରୁ ପ୍ରାୟ ୬୧୫ ଜଣ ନବମ ଓ ଦଶମ ଶ୍ରେଣୀରେ ପଢ଼ୁଥିବା ଛାତ୍ର ଛାତ୍ରୀ ଉପସ୍ଥିତ ଥିଲେ l