ରିପୋର୍ଟ : ଲୋକନାଥ ସାହୁ
ଗୁଡ଼ାରୀ, (୧୦/୦୨) : ରାୟଗଡା ଜିଲ୍ଲା ଗୁଡ଼ାରୀ ବ୍ଲକ ପୋଲିସ ପକ୍ଷରୁ ଗତ କାଲି ପ୍ରାୟ ୧୧ ଘଟିକା ସମୟରେ ପଦ୍ମପୁର ବ୍ଲକ ଅନ୍ତର୍ଗତ ଜୟପାଙ୍ଗା ଛକ ନିକଟରୁ ୬୩ କେଜି ୩୦୦ ଗ୍ରାମ ଗଞ୍ଜେଇ ଜବତ ହୋଇଛି ।
ରାୟଗଡ଼ା ଏସ.ପି ଶ୍ରୀ ବିବେକାନନ୍ଦ ଶର୍ମାଙ୍କ ନିର୍ଦ୍ଦେଶ କ୍ରମେ ଗୁଡାରୀ ଥାନା ଅଧିକାରୀ ଶ୍ରୀ ଦୀନବନ୍ଧୁ ଶବର ଙ୍କ ନେତୃତ୍ୱରେ ଗୁମୁଡା ପାଣ୍ତି ଅଧିକାରୀ ଓ ପୋଲିସ ଙ୍କ ସହାୟତାରେ ଜୟପାଙ୍ଗା ଛକ ନିକଟରୁ ୬୩ କେଜି ୩୦୦ ଗ୍ରାମ ଗଞ୍ଜେଇ ଜବତ ହୋଇଛି । ଏହି ନାଇଟ ପାଟ୍ରୋଲିଂ ସମୟରେ ଛଅ ଜଣ ଙ୍କ ମଧ୍ୟରୁ ତିନି ଜଣ ଖସିଯାଇ ଥିବା ଥାନା ଅଧିକାରୀ ପ୍ରକାଶ କରିଛନ୍ତି । ତିନି ଜଣ ଗିରଫ ଥିବା ସହ ଚାରିଗୋଟି ବାଇକ୍ ଜବତ ହୋଇଛି । ଏହି ଜବତ ଗଞ୍ଜେଇ ର ଆନୁମାନିକ ମୂଲ୍ୟ ଛଅ ଲକ୍ଷ ତିରିଶି ହଜାର ଟଙ୍କା ବୋଲି ସୂଚନା ମିଳିଛି । ଗୁଡ଼ାରୀ ଥାନା ଅଧିକାରୀ କହିବା ଅନୁଯାୟୀ ଗିରଫ ତିନି ଜଣ ଙ୍କୁ କୋର୍ଟ ଚାଲାଣ କରାଯାଇଛି ।