ରିପୋର୍ଟ : ସନ୍ତୋଷ କୁମାର ନାୟକ
ସୁବର୍ଣ୍ଣପୁର, (୨୦/୦୪) : ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ୍ ଘଣ୍ଟାପଡ଼ା ଥାନା ଅଧିକାରୀ ଗଣନାଥ ଥନାପତିଙ୍କ ନିର୍ଦ୍ଦେଶରେ ମନମୁଣ୍ଡା – ସିନ୍ଧିଗୋରା ୪୧ନଂ.ରାଜ୍ୟ ରାଜପଥର ଘଣ୍ଟାପଡ଼ାର ମଙ୍ଗଳା ଛକରେ ଚାଲିଥିବା ମଟର ଗାଡି ଯାଞ୍ଚ ବେଳେ ଏକ ଧଳା ରଙ୍ଗର କାରକୁ ଜବତ କରିଛି ଘଣ୍ଟାପଡ଼ା ପୋଲିସ ।
ଖୁଣ୍ଟିଗୋରା ପଟରୁ କଣ୍ଟାମାଳ ଆଡକୁ ଦୃତଗତିରେ ଆସୁଥିବା ଏହି କାରକୁ ଅଟକାଇ ମାତ୍ରେ ଜଣେ ବ୍ୟକ୍ତି ଘଟଣା ସ୍ଥଳରୁ ଫେରାର ମାରିଥିଲା । ସନ୍ଦେହ ହେବାରୁ ଗାଡ଼ିଟିର ନମ୍ବର OD05BJ6873ଟି ଫେକନମ୍ୱର ଥିଲା । ଯାଞ୍ଚ କରିବାରୁ ଡିକି ଭିତରୁ HR26AL8031 ନମ୍ବର ୨ଟି ପ୍ଳେଟ ଦେଖି ସଂଗେ ସଂଗେ ଜଣେ ବ୍ୟକ୍ତିଙ୍କ ସହିତ କାରଟିକୁ ଆଣି ତଦନ୍ତ ଆରମ୍ଭ କରିଥିଲା । ତଦନ୍ତ ସମୟରେ ବ୍ୟକ୍ତି ଜଣଙ୍କ ନାମ ତସଲିସ ଜିଲାନୀ, ବୟସ ୨୨ ମଧ୍ୟପ୍ରଦେଶ ରାଜ୍ୟର, ସାହରନ ଜିଲ୍ଲା ଦେଓମାରୀ ଥାନା ଅଧିନ ଖାମଦାମ ଗ୍ରାମର । ସେ ଗଞ୍ଜେଇ ଚୋରା ଚାଲାଣ କରିବାକୁ ଆସିଥିଲା । ଭଲ ଗଞ୍ଜେଇ ନପାଇବାରୁ ଫେରୁଥିଲେ । ତାପରେ ଅଧିକ ତଦନ୍ତ ପରେ ୨ ଶହଟଙ୍କିଆ ୧୯ଟି, ଶହେଟଙ୍କି ୩୪୪ଟି, ୫୦ଟଙ୍କି ୧୯୮ଟି ଓ ୨୦ ଟଙ୍କି ୨୦୦ଟି ମୋଟ ଛପନ ହଜାର ଶହେ ଟଙ୍କା ଜବତ କରିଥିଲେ । ଘଣ୍ଟାପଡ଼ା ପୋଲିସ କେସ ନଂ ୩୩/୨୩ରେ ଏକ ମାମଲା ରୁଜ୍ଜୁ କରି Us-୪୨୦/୪୬୮/୪୭୧ରେ ଜିଲାନୀଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି । ତଦନ୍ତ ବେଳେ ଫେରାର ବ୍ୟକ୍ତିଙ୍କ ନାମ ବାବୁଲବାରିକ ପି.ରଘୁନାଥ ବାରିକ ମନମୁଣ୍ଡା ଥାନା ଅଧିନ ପଦମପୁର ବୋଲି ତଦନ୍ତ ଅଧିକାରୀ ଏଏସଆଇ ପ୍ରଦୀପ କୁମାର ବେହେରା ପ୍ରକାଶ କରିଛନ୍ତି । ଯାଞ୍ଚ ସମୟରେ ଏସଆଇ ବିଶ୍ଵମିତ୍ର ଲୋଇ, ଏଏସଆଇ ପ୍ରଦୀପ ବେହେରା, କନେଷ୍ଟବଲ ପ୍ରଶାନ୍ତ ସାହୁ, ହୋମଗାର୍ଡ ଗିରିଶ କଅଁର ଓ ବିଶ୍ଵଜିତ ପୂଟା ସାମିଲ ଥିଲେ ।