ରିପୋର୍ଟ : ଧ୍ରୁବରାଜ ମିଶ୍ର
ସୁବର୍ଣ୍ଣପୁର, (୦୮/୦୫) : ସୁବର୍ଣ୍ଣପୁର ଜିଲ୍ଲା ବିନିକା ମହିଳା ଡିଗ୍ରୀ ମହାବିଦ୍ୟାଳୟ ବିନିକା ରେ ବିଶ୍ୱୟୁଥ୍ ରେଡ୍ କ୍ରସ୍ ଦିବସ ପାଳିତ ହୋଇଥିଲା ।
ଉକ୍ତ ସଭାରେ ବିନିକା ମହିଳା ଡିଗ୍ରୀ ମହାବିଦ୍ୟାଳୟ ସଭାପତି ହିମାଂଶୁ ଶେଖର ତ୍ରିପାଠୀ, ସମ୍ପାଦକ ବିକାଶ ମହାନ୍ତି, ଟ୍ରଷ୍ଟି ସୂର୍ଯ୍ୟ ନାରାୟଣ ପାଢ଼ୀ ଓ ଅଧ୍ୟକ୍ଷ ମୀନକେତନ ପଧାନ ଯୋଗଦେଇଥିଲେ । ଏହି ସଭାରେ ଯୁବ ରେଡ୍ କ୍ରସ୍ ର କାଉନସିଲର ମନୀଷା ଭୋଇ ରେଡ୍ କ୍ରସ ର ଇତିହାସ ବିଷୟରେ ବାର୍ତ୍ତା ପ୍ରଦାନ କରିଥିଲେ ଏବଂ ମହାବିଦ୍ୟାଳୟ ର ଅଧ୍ୟକ୍ଷ ମୀନକେତନ ପଧାନ ରେଡ୍ କ୍ରସ୍ ର ଲକ୍ଷ୍ୟ ଏବଂ ଉଦ୍ଦେଶ୍ୟ ବିଷୟରେ ଭାଷଣ ପ୍ରଦାନ କରିଥିଲେ । ମହାବିଦ୍ୟାଳୟ ର ଓଡ଼ିଆ ବିଭାଗ ର ଅଧ୍ୟାପିକା ଭୂମିସୂତା ପ୍ରଧାନ ସଭା ପରିଚାଳନା କରିଥିଲେ ଏବଂ ରାଜନୀତି ବିଜ୍ଞାନ ର ଅଧ୍ୟାପିକା ଅର୍ପିତା ପଧାନ ଧନ୍ୟବାଦ ଅର୍ପଣ କରିଥିଲେ । ଏହି ସଭାରେ ମହାବିଦ୍ୟାଳୟ ର ଇଂରାଜୀ ବିଭାଗ ର ଅଧ୍ୟାପକ ପଦ୍ମଲୋଚନ ସା, ଡି ଇ ଓ ବ୍ରଜରାଜ ଥନାପତି, ବାର୍ତ୍ତାବାହୀ କବିତା ଖେତି ତଥା ମହାବିଦ୍ୟାଲୟ ର ଛାତ୍ରୀମାନେ ଉପସ୍ଥିତ ରହିଥିଲେ ।