ରିପୋର୍ଟ : ସନ୍ତୋଷ କୁମାର ନାୟକ
ବଲାଙ୍ଗୀର/ଟିଟିଲାଗଡ, (୦୮/୦୭) : ବଲାଙ୍ଗୀର ଜିଲ୍ଲା ଟିଟିଲାଗଡ ନିକଟସ୍ଥ ସିକେର ଗ୍ରାମର ଜଣେ ମହିଳା ୯୦ ହଜାର ଟଙ୍କାରେ ନିଜ ଜନ୍ମିତ ଝିଅ କୁ ବିକ୍ରୀ କରି ପ୍ରେମିକ ସହ ଫେରାର ହୋଇ ଯାଇଥିବା ଭଳି ଗୁରୁତର ଅଭିଯୋଗ ହୋଇଛି ।
ଜନ୍ମିତ ଝିଅ ବିକ୍ରୀ – ସୂଚନାନୁଜାୟୀ ଟିଟିଲାଗଡ ଥାନା ଅନ୍ତର୍ଗତ ସିକେର ଗ୍ରାମର ସେବତୀ ସାହୁ (୪୦) ଙ୍କୁ ଟିଟିଲାଗଡ ୱାର୍ଡ ନଂ-୩ ନିବାସୀ ସୁଦାମ ସାହୁ ବିବାହ କରିଥିଲେ । ଗତ ପ୍ରାୟ ଛଅ ମାସ ତଳେ ବାହ୍ୟ ରାଜ୍ୟ ରୁ ଜଣେ ଯୁବକ ଯିଏ କି ଦାଦନ ଶ୍ରମିକ ନେବାକୁ ଆସେ ତା ସହ ସୁଦାମ ଙ୍କ ସ୍ତ୍ରୀ ସେବତୀ ର ପ୍ରେମ ସମ୍ପର୍କ ଗଢ଼ି ଉଠିଥିଲା ।
ଏ ନେଇ ସୁଦାମ ବିରୋଧ କରିବା ଯୋଗୁଁ ସେ ତାଙ୍କ ମାଆ ଘର ସିକେର କୁ ନିଜ ଝିଅ ସୁମିତ୍ରା ଛଦ୍ମନାମ ସହ (ବ-୨୧) ଚାଲିଯାଇ ଥିଲେ । ପରେ ସୁଦାମ ଉକ୍ତ ସିକେର ଯାଇ ନିଜ ଝିଅକୁ ଦେଖା କରିଆସୁଥିଲେ । ସେହି ସମୟ ସୀମା ମଧ୍ୟରେ ଉକ୍ତ ଦଲାଲ ଓ ସୁଦାମ ଙ୍କ ସ୍ତ୍ରୀ ତଥା ପ୍ରତିମା ସାହୁ ନାମ୍ନୀ ଜଣେ ମହିଳା ସୁଦାମଙ୍କ ଝିଅ ସହ ମିଶି ବମ୍ୱେକୁ ଚାଲି ଯାଇଥିଲେ । ଏ ନେଇ ସୁଦାମ ତାଙ୍କ ସ୍ତ୍ରୀ ଓ ତାଙ୍କ ଝିଅ ଫେରାର ହୋଇ ଯାଇଥିବା ଓ ତାଙ୍କ କିଛି ସୂଚନା ନ ମିଳିବା ନେଇ ଟିଟିଲାଗଡ ଥାନା ରେ ଲିଖିତ ଅଭିଯୋଗ କରିଥିଲେ ।
ପ୍ରାୟ ୧୫ ଦିନ ପରେ ସୁଦାମ ଙ୍କ ସ୍ତ୍ରୀ ଓ ତାଙ୍କ ଝିଅ ପୁନଃ ସିକେର ଚାଲିଆସିଥିଲେ। ହେଲେ ଗତ ପାଞ୍ଚ ତାରିଖ ଦିନ ସୁଦାମଙ୍କ ସ୍ତ୍ରୀ ଓ ଝିଅ କେଉଁ ଆଡ଼େ ନିଖୋଜ ହୋଇଯାଇଥିବା ବେଳେ ଉକ୍ତ ଅନୈତିକ ପ୍ରେମ ସମ୍ପର୍କ ଥିବା ଯୁବକ ସୁଦାମକୁ ୩୦ ହଜାର ଟଙ୍କା ଦେବା ଓ ତାଙ୍କ ଝିଅକୁ ବିବାହ କରି ଭଲ ଭାବେ ରଖିବା ସହ ଥାନାରେ ଏତଲା ନ ଦେବାକୁ କହିଥିଲା ।
ହେଲେ ସୁଦାମ ମନା କରି ତାଙ୍କ ଝିଅ କୋଉଠି ଅଛି ତାହା ଜଣେଇବା କୁ କହିଥିଲେ । ହେଲେ ଓଲଟା ସେ ଧମକ, ଚମକ ଦେଇ ତୋ ସ୍ତ୍ରୀ କୁ ମୁଁ ବାହା ହେଇଛି ତତେ ଯୌତୁକ ନିର୍ଯାତନା ଅଭିଯୋଗ ରେ ଜେଲ ପଠେଇ ଦେବୀ ବୋଲି କହି ଥିବା ସୁଦାମ ପ୍ରକାଶ କରିଛନ୍ତି । ବର୍ତ୍ତମାନ୍ ସୁଦାମ ଙ୍କ ସ୍ତ୍ରୀ ଓ ଉକ୍ତ ଦଲାଲ ମିଶି ତାଙ୍କ ଜନ୍ମିତ ଝିଅ କୁ ୯୦ ହଜାର ଟଙ୍କା ରେ ବିବାହ କରେଇ ଥିବା ଓ ଦୁଇ ଲକ୍ଷ ଦେଲେ ତୋ ଝିଅ କୁ ପାଇବୁ ବୋଲି ଫୋନ୍ ଯୋଗେ କହିବା ସେ ପ୍ରକାଶ କରିଛନ୍ତି ।
ଏହି ଭଳି ଟିଟିଲାଗଡ ଥାନା ଅଞ୍ଚଳ ରେ ବିବାହ ପ୍ରଲୋଭନ ଦେଖାଇ ନାମକୁ ମାତ୍ର କିଛି ଟଙ୍କା ଦେଇ କିଛି ଦଲାଲ ଙ୍କ ଜରିଆରେ ଅନୈତିକ କାର୍ଯ୍ୟକଳାପ ରେ ଲିପ୍ତ କରୁଥିବା ଜଣାଯାଇଛି । ସେହିପରି ବଲାଙ୍ଗୀର ଜିଲ୍ଲାର ପନଡ୍ରିପାଣି, ଅର୍ଶ।ତୁଲା, କୁର୍ସୁଡ, ଟିକ୍ରାପଡ଼ା, ଗୁଡିଘାଟ ଅଞ୍ଚଳ ରୁ ଏହି ଭଳି ଅନେକ ଘଟଣା ନଜର କୁ ଆସୁଛି । ଟିଟିଲାଗଡ ଥାନା ରେ ସୁଦାମ ଙ୍କ ଏତଲା ପୂର୍ବରୁ ଦେବା ସତ୍ତ୍ବେ କୌଣସି ମାମଲା ରୁଜ୍ଜୁ ନ କରିଥିବା ଅଭିଯୋଗ କରି ଟିଟିଲାଗଡ ଉପଖଣ୍ଡ ଆରକ୍ଷୀ ଅଧିକାରୀ ଶ୍ରୀମତି ଅଙ୍କିତା କୁମ୍ଭାର ଙ୍କ ନିକଟରେ ଅଭିଯୋଗ କରିଥିଲେ । ଉକ୍ତ ଅଭିଯୋଗ ନେଇ ତୁରନ୍ତ ସବିଶେଷ ତଦନ୍ତ ସହ ଦୃଷ୍ଟାନ୍ତ ମୂଳକ ପଦକ୍ଷେପ ନେବା ପାଇଁ ଥାନା ଅଧିକାରୀ ଙ୍କୁ ନିର୍ଦ୍ଦେଶ ଦେଇଥିବା ଜଣା ଯାଇଛି ।