ରିପୋର୍ଟ : ଅକ୍ଷୟ କୁମାର ପିଡ଼ିସିକା
କଲ୍ୟାଣସିଂହପୁର, (୯/୧୧) : ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକରେ ଡେଙ୍ଗୁ ଆତଙ୍କ ଆକ୍ରନ୍ତରେ ଜଣେ ମୃତ୍ୟୁ କରିଥିବା ବେଳେ ବହୁ ଲୋକ ଆକ୍ରାନ୍ତ ହୋଇଥିବା ଜଣାପଡିଛି ।
ଉକ୍ତ ଅଞ୍ଚଳରେ ବହୁଦିନ ଧରି ଅପରିଷ୍କାର ପାନୀୟ ଜଳ ବ୍ୟବହାର ଓ ପରିବେଶ ପରିଚ୍ଛନ୍ନତା ରହି ନଥିବାରୁ କଲ୍ୟାଣସିଂହପୁର ସଦରରେ ବହୁ ଲୋକ ଡେଙ୍ଗୁ ରୋଗରେ ଆକ୍ରାନ୍ତ ହୋଇ ରାୟଗଡା, ବ୍ରହ୍ମପୁର, ଭୁବନେଶ୍ୱର ଓ ଆନ୍ଦ୍ରପ୍ରଦେଶର ବିଶାଖାପାଟଣା ମେଡିକାଲ କୁ ଯାଇ ଚିକିତ୍ସିତ ହୋଇ କେତେ ଲୋକ ଫେରିଥିବା ବେଳେ ଆଉ କେତେ ଲୋକ ଚିକିତ୍ସିତ ହେଉଥିବା ଜଣାପଡିଛି । ବର୍ତ୍ତମାନ ସ୍ଥାନୀୟ ଗୌଡ଼ ସମ୍ପ୍ରଦାୟର କୃଷ୍ଣ ଗୌଡ଼ଙ୍କ ସାନ ପୁଅ ପିଙ୍କୁ ଗୌଡ଼ (୨୭) ସାତଦିନ ଧରି ଜ୍ଵର ହୋଇଥିଲା । ସେ ରାୟଗଡା ଯାଇ ଚିକିତ୍ସିତ ହେବା ପରେ ତାଙ୍କୁ ଡେଙ୍ଗୁ ଆକ୍ରାନ୍ତ ହୋଇଥିବା ଜାଣିପାରି ସେ ସାଙ୍ଗେ ସାଙ୍ଗେ ବ୍ରହ୍ମପୁର ବଡ ମେଡିକାଲ ଯାଇ ଚିକିତ୍ସିତ ହେଉଥିଲେ । ସେ ଚିକିତ୍ସିତ ଅବସ୍ଥାରେ ଗତ କାଲି ରାତିରେ ମୃତ୍ୟୁ ହୋଇଥିଲା । ଯାହାଫଳରେ ଅଞ୍ଚଳରେ ଏକ ଶୋକର ଛାୟା ଖେଳିଯାଇଛି ।
ଏହାକୁ ନେଇ ଅଞ୍ଚଳବାସୀ ଭୟଭୀତ ହୋଇ ରହିଛନ୍ତି । କଲ୍ୟାଣସିଂହପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରର ଡାକ୍ତର ସମ୍ୟରଞ୍ଜନ ଜେନାଙ୍କୁ ପଚାରିବାରୁ ସେ କହିଛନ୍ତି ସ୍ୱାସ୍ଥ୍ୟ କେନ୍ଦ୍ରକୁ କୌଣସି ଡେଙ୍ଗୁ ଆକ୍ରାନ୍ତ ରୋଗୀ ଆସିନାହାଁନ୍ତି । ସେମାନେ ଜ୍ଵର ହେଲେ ଘୋରାଇ ଚିକିତ୍ସା କରି ବାହାରକୁ ଯାଇ ଚିକିତ୍ସିତ ହେଉଛନ୍ତି । ଏହି ଠାକୁ ରୋଗୀ ଆସିଲେ ସେମାନଙ୍କର ପିଭିସି ପରୀକ୍ଷା କରିବା ପରେ ଡେଙ୍ଗୁ ଚିହ୍ନଟ ହେବା ଜାଣି ରାୟଗଡା ଚିକିତ୍ସାଳୟକୁ ପଠାଇଦିଆଯାଉଛି ବୋଲି କହିଛନ୍ତି । ଉକ୍ତ ବ୍ଲକ ମ୍ୟାଲେରିଆ ଅଞ୍ଚଳ ହୋଇଥିଲେ ମଧ୍ୟ ଏଥିପ୍ରତି ଜିଲା ପ୍ରଶାସନର ଦୃଷ୍ଟି ପଡୁନଥିବା ଅଞ୍ଚଳବାସୀ ଅଭିଯୋଗ କରିଛନ୍ତି ।