ରିପୋର୍ଟ : ଅକ୍ଷୟ କୁମାର ପିଡ଼ିସିକା
କଲ୍ୟାଣସିଂହପୁର, (୨୧/୧୧) : ଯୁବକଙ୍କ ବାଇକ ଧକ୍କାରେ ମହିଳାଙ୍କ ମୃତ୍ୟୁ ।
ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ କୋରପା ପଞ୍ଚାୟତର ସିଙ୍ଗାପଠା ଗ୍ରାମର ମହିଳା ସିନାମୀ କାଡ୍ରାକା (୫୦) ସ୍ୱାମୀ ଶିରି କାଡ୍ରାକା ସୂଚନା ଅନୁଯାୟୀ ଆଜି ସକାଳେ ମହିଳା ଜଣକ ଦାନ୍ତ ଓ କାନ ବଥା ହେବାରୁ ସୁଲିପଦର ଏକ ବୋଇଦ ନିକଟକୁ ଚେର ମୂଲି ଔଷଧ ପାଇଁ ଆସିଥିଲା, ଚେର ମୂଲି ଔଷଧ ନେଇ ଫେରୁଥିବା ସମୟରେ ଅଜୟଗଡ ରାଣୀ ପଦର ମଧ୍ୟରେ ଧକ୍କା ଦେଇଥିଲେ । ରାଣୀ ପଦରରୁ ଦୁଇ ଜଣ ଯୁବକ କାମେଶ୍ୱର କାଡ୍ରକା ଓ ଦନ ନାଛିକା, ବାଇକ ଯୋଗେ ଦ୍ରୁତ ଗତିରେ ଆସି ମହିଳାଙ୍କୁ ଧକ୍କା ଦେଇଥିଲେ । ଯାହାଫଳରେ ମହିଳା ଅଚେତ ହୋଇ ଯିବାରୁ ପାଖ ଲଟା ଭିତରେ ଫିଙ୍ଗି ଦେଇ ଚାଲି ଯାଇଥିଲେ । ଏହି ଦୁଇ ଜଣ ଯୁବକ କମେଶ୍ୱର କାଡ୍ରକା ଙ୍କ ଘର ସୁନଖଣ୍ଡି ପଞ୍ଚାୟତ ର ନନ୍ଦେନି ଗାଁ ହୋଇଥିବା ବେଳେ ଶଶୁର ଘର ରାଣିପାଦର ।
ସେହି ଗାଁ’ର ଦନ ନାଛିକାଙ୍କ ସହ ମିଶି କରପା ଆସୁଥିବା ସମୟରେ ଉକ୍ତ ଘଟଣା ଟି ଘଟି ଥିବା ଜଣା ପଡ଼ିଛି । ଆଜି ମଙ୍ଗଳବାର ସାପ୍ତାହିକ ହାଟ ହୋଇଥିବାରୁ ବଜାର ଯାଇ ଫେରିବା ବେଳେ କିଛି ଲୋକ ମର ଶରୀରକୁ ଲଟା ଭିତରେ ପଡି ଥିବାର ଦେଖି ଚର୍ଚ୍ଚା ହେବାରୁ ଅଖା ପାଖ ଗାଁ ଲୋକେ ରୁଣ୍ଡ ହୋଇ ଥାନାକୁ ଖବର ଦେଇଥିଲେ । ଖବର ପାଇ ଘଟଣା ସ୍ଥଳରେ ଏସ ଆଇ ସଞ୍ଜୟ ମୂର୍ମୁ ତାଙ୍କ ଦଳ ସହ ପହଞ୍ଚି ତଦନ୍ତ କରୁଥିବା ବେଳେ ବାଇକ ଚାଳକ ମାନେ ପୋଲିସ ପାଖରେ ସାଲେଣ୍ଡର ହୋଇଥିବା ଏସ ଆଇ ମୂର୍ମୁ ସୂଚନା ଦେଇଛନ୍ତି । ଉକ୍ତ ମୃତ୍ୟୁ ମହିଳାଙ୍କୁ ଆସନ୍ତା କାଲି ଶବ ବ୍ୟବଚ୍ଛେଦ ପରେ ପରିବାର ଲୋକ ଙ୍କୁ ହସ୍ତାନ୍ତର କରାଯିବ ବୋଲି ପୋଲିସ କହିଛନ୍ତି ।