ରିପୋର୍ଟ : ଓଡିଶା ନ୍ୟୁଜ ୨୪ ବ୍ୟୁରୋ //
ବାଲେଶ୍ୱର, (୨୯/୧୧) : ଘର ଉପରେ ମାଡିଗଲା ଡମ୍ଫର । ଏପରି ଘଟଣା ଘଟିଛି ବାଲେଶ୍ୱର ଜିଲ୍ଲା ସିମୁଳିଆ ଥାନା ଅଧିନ ଜାମୁଝାଡ଼ି-ଧାମରା ରାସ୍ତାରେ ଏକ ୧୬ ଚକିଆ ଡମ୍ଫର ନିଜର ଭାରସାମ୍ୟ ହରାଇ ମାଡି ଯାଇଥିବା ବେଳେ ଏକ ଘର ସମ୍ପୁର୍ଣ୍ଣ ଭାଙ୍ଗିଯାଇଛି ।
ଏଥିସହ ୭ଟି ଗଛ ଉପୁଡିଯାଇଛି । ଘଟଣାରେ ଡ୍ରାଇଭର ଗାଡ଼ି ଭିତରେ ଚାପି ହୋଇ ଗୁରୁତର ହୋଇଥିବାବେଳେ ସୂଚନା ମିଳିଛି । ସୂଚନା ମୁତାବକ ପରିବାର ଲୋକଙ୍କର କୌଣସି କ୍ଷତି ହୋଇନାହିଁ । ଆଜି ଭୋର ସମୟରେ ଧାମରାରୁ ଏକ ୧୬ ଚକିଆ ଡମ୍ପର ଆଇରନ ଅନଲୋଡ଼ କରି ଫେରିବା ସମୟରେ ଜାମୁଝାଡ଼ି ବାଟି ଛକ ନିକଟରେ ଥିବା ସଞ୍ଜୁଲତା ଦାସଙ୍କ ଘର ଉପରେ ମାଡିଯାଇଥିଲା ।ଫଳରେ ଘର ଭାଙ୍ଗିବା ସହିତ ଘର ଆଗରେ ଥିବା ନଡ଼ିଆ, ଆମ୍ବ, ଅର୍ଜୁନ ୭ଟି ଗଛ ଉପୁଡି ଯାଇଥିଲା।ଡ୍ରାଇଭର ଗାଡି ଭିତରେ ଚାପି ହୋଇ ରହିଯାଇଥିଲେ । ଘଟଣା ସ୍ଥଳରେ ସିମୁଳିଆ ପୋଲିସ ଏବଂ ଅଗ୍ନିଶମ ବିଭାଗ ପହଞ୍ଚି ଦୀର୍ଘ ୫ଘଣ୍ଟା ପରେ ଡ୍ରାଇଭରଙ୍କୁ ଉଦ୍ଧାର କରିବାରେ ସଫଳ ହୋଇଥିଲେ । ଉକ୍ତ ଡ୍ରାଇଭରଙ୍କୁ ଚିକିତ୍ସା ପାଇଁ କଟକ ମେଡିକାଲକୁ ପଠାଯାଇଛି ।
[…] : ଓଡିଶା ନମ୍ୱଳ ୨୪ ବ୍ୟୁରୋ // ବାଲେଶ୍ୱର, (୩୦/୧୧) : ବାଲେଶ୍ୱର ଜିଲ୍ଲା ବାହାନଗା ବଜାର […]
[…] : ଓଡିଶା ନ୍ୟୁଜ ୨୪ ବ୍ୟୁରୋ // ବାଲେଶ୍ୱର, (୦୬/୧୨) : ଘରେ ପଶି ମହିଳାଙ୍କୁ ଅଖିବୁଜା […]
Comments are closed.