ରିପୋର୍ଟ : ଗୋପୀନାଥ ଗୌଡ଼
ରାୟଗଡା, (୦୨/୧୨) : ଚଳିତ ମାସ ୧ ତାରିଖରୁ ୩ ତାରିଖ ପର୍ୟ୍ୟନ୍ତ ଚାଲୁଥିବା ସ୍ବତନ୍ତ୍ର ଉନ୍ନୟନ ପରିଷଦ ପକ୍ଷରୁ ଜିଲ୍ଲା ସ୍ତରୀୟ କ୍ରୀଡ଼ା ପ୍ରତିଯୋଗିତାରେ ଆଜି ସାମ୍ବାଦିକ ବନାମ ରାମନାଗୁଡ଼ା ବ୍ଲକ ମଧ୍ୟରେ ସଂଘର୍ଷ ପୂର୍ଣ୍ଣ କ୍ରିକେଟ ମ୍ୟାଚ୍ ଅନୁଷ୍ଠିତ ହୋଇଥିଲା ।
ଉଭୟ ଦଳର ଖେଳାଳି ଭଲ ପ୍ରଦର୍ଶନ କରିଥିଲେ । ଅଥଚ ସାମ୍ବାଦିକ ଦଳର ମ୍ୟାଚ୍ ଅଭ୍ୟାସ କମ ଥିବା ଯୋଗୁଁ ରନ ରେଟ୍ କମି ଯାଇଥିଲା । ତଥାପି ଖେଳାଳୀ ମାନଙ୍କୁ ଉତ୍ସାହିତ କରିବା ଲକ୍ଷ୍ୟରେ ପଡିଆକୁ ଅହ୍ଲାଇଥିଲେ । ସେହିଭଳି ଭଲିବଲ୍ ଖେଳ ପାଇଁ ପୌରପରିଷଦ ଏବଂ ସାମ୍ବାଦିକ ଟିମ୍ ମଧ୍ୟରେ ଖେଳ ଦେଖିବାକୁ ମିଳିଥିଲା । ଉଭୟ ଦଳର ଖେଳ ପ୍ରଦର୍ଶନ ରମାଞ୍ଚକର ମ୍ୟାଚରେ ପୌର ପରିଷଦ ବିଜୟ ଲାଭ କରିଥିବା ବେଳେ ସାମ୍ବାଦିକ ଦଳ ପରାଜୟ ବରଣ କରିଛନ୍ତି । ତଥାପି ସାମ୍ବାଦିକ ମାନଙ୍କ ଖେଳ ପ୍ରତି ଥିବା ଆଗ୍ରହ ଏବଂ ଉତ୍ସାହ ଦେଖି ଦର୍ଶକ ଭୂରି ଭୂରି ପ୍ରଶଂସା କରିଛନ୍ତି । ଯେ ହେତୁ ଦୀର୍ଘ ବର୍ଷର ବ୍ୟବଧାନରେ ପଡିଆକୁ ଅହ୍ଲାଇ ଥିଲେ ସାମ୍ବାଦିକ ଦଳ । ଆଗକୁ ଭଲ ଅଭ୍ୟାସ କରି ଭଲ ଖେଳ ପ୍ରଦର୍ଶନ କରିବେ ବୋଲି ଖେଳ ସଂଘଠକ ଶ୍ରୀ ବସନ୍ତ ପ୍ରଧାନ ନିଜ ପ୍ରତିକ୍ରିୟା ରଖିଛନ୍ତି ।