ରିପୋର୍ଟ : ବିରଞ୍ଚି ପ୍ରସାଦ ଶତପଥୀ
ଗୁଣପୁର, (୨୪/୧୨) : ରାୟଗଡା ଜିଲ୍ଲାର ବିଭିନ୍ନ ବ୍ଲକରେ ଚଇତି ଅନୁଷ୍ଠିତ ହୋଇଯାଇଥିବା ବେଳେ ଗତକାଲି ଗୁଣପୁରରେ ଦୁଇ ଦିନ ଧରି ଚାଲିଥିବା ଉପଖଣ୍ଡ ସ୍ତରୀୟ ଚଇତି ଇଡିତାଲ ଉଦଯାପିତ ହୋଇଯାଇଛି ।
ଏହି ଚଇତି ଉତ୍ସବ ଆଦିବାସୀ ମାନଙ୍କ କଳା, ସଂସ୍କୃତିକୁ ଉଜ୍ଜୀବିତ କରିବା ସହ ନାଚଗୀତର ଆସର ଜମିଥିଲା । ଏହି ଉତ୍ସବ ପାଇଁ ଦୂର ଦୁରାନ୍ତରୁ ଆସିଥିବା ଥିବା କଳାକାର ଓ ପ୍ରତିଯୋଗୀଙ୍କ ପାଇଁ ଚଇତି କମିଟି ତରଫରୁ ପ୍ରତିବର୍ଷ ଖାଦ୍ୟପେୟ ର ବ୍ୟବସ୍ଥା କରାଯାଇଥାଏ । ଗତ କାଲି ମଧ୍ୟ ସେମାନଙ୍କ ପାଇଁ ଖାଇବାର ବ୍ୟବସ୍ଥା ଚଇତି ମଣ୍ଡପଠାରୁ ୧ କିଲୋମିଟର ଦୂରରେ ଥିବା ଆମ ବଜାର ପରିସର ମଧ୍ୟରେ ଆୟୋଜନ କରାଯାଇଥିଲା । କିନ୍ତୁ ଚଇତି ଇଡ଼ିତାଲ କମିଟିର ଅବ୍ୟବସ୍ଥା ହେଉ କି ବେପରୁଆ ମନୋଭାବ ଯୋଗୁଁ କଳାକାର ଓ ପ୍ରତିଯୋଗୀ ମନେ ନଖାଇ ଫେରିଯାଇ ଥିବା ଦେଖିବାକୁ ମିଳିଥିଲା ।
ପ୍ରତିଯୋଗି ଓ କଳାକାର ମାନଙ୍କୁ ଖାଦ୍ୟ ରନ୍ଧା ଯାଇଥିବା ସୂଚନା ନଥିଲା, ଯାହା ଫଳରେ ହଣ୍ଡା ହଣ୍ଡା ରନ୍ଧା ଖାଦ୍ୟ ଫିଙ୍ଗି ଦେଇଥିବା ଦେଖିବାକୁ ମିଳିଥିଲା । ଗରିବ କୁ ଦିନକୁ ଦିମୁଠା ଖାଇବାକୁ ମିଳୁ ନଥିବା ବେଳେ ଚଇତି କମିଟି ର ଏଭଳି ହଣ୍ଡାହଣ୍ଡା ଖାଦ୍ୟ ଫିଙ୍ଗିବା ଏକ ନିନ୍ଦନୀୟ ବିଷୟ । ଖାଦ୍ୟ କମିଟି ସଭ୍ୟ ମାନଙ୍କ ମଧ୍ୟରେ ସମନ୍ୱୟର ଅଭାବରୁ ଏପରି ହୋଇଥିବା କୁହାଯାଉଥିବା ବେଳେ,କାହା ଟଙ୍କାରେ ଏବଂ କିଭଳି ଭାବେ ଏତେ ଖର୍ଚ୍ଚରେ ରନ୍ଧା ଯାଇଥିବା ହଣ୍ଡା ହଣ୍ଡା ଖାଦ୍ୟକୁ ଫିଙ୍ଗାଗଲା ବୋଲି ସାଧାରଣ ରେ ପ୍ରଶ୍ନବାଚୀ ସୃଷ୍ଟି ହୋଇଛି । କାହାଭୁଲ ପାଇଁ ଫିଙ୍ଗିବାକୁ ପଡିଲା ଏତେ ପରିମାଣର ଖାଦ୍ୟ ? କଣ କରୁଥିଲେ ଚଇତି ଇଡ଼ିତାଲର ଆବାହକ ଓ ଅଧ୍ୟକ୍ଷ ? ଏତେ ପରିମାଣର ଖାଦ୍ୟନଷ୍ଟ ପାଇଁ ଦାୟୀ କିଏ ? ଖାଲି ସେତିକି ନୁହେଁ ପ୍ରତିଯୋଗି ଓ ନୃତ୍ୟଶିଳ୍ପୀ ମାନଙ୍କୁ ଵସିବା ପାଇଁ କୌଣସି ବ୍ୟବସ୍ଥା ନଥିଲା ।
ପ୍ରତିଯୋଗି ମାନେ କେତେବେଳେ ପ୍ରେସ ଗ୍ୟାଲେରୀରେ ତ କେତେବେଳେ ଅତିଥି ଗ୍ୟାଲେରୀରେ ବସି ତଡ଼ା ଖାଉଥିବା ଦେଖିବାକୁ ମିଳିଥିଲା । ପିଇବା ପାଣିର ସୁବିଧା ଥାଇ ମଧ୍ୟ ନଥିବା ପରି ମନେ ହେଉଥିଲା । ପାଣି ଟ୍ୟାଙ୍କର ଟିଏ ଥୋଇଦେଇ କମିଟି ତାର କର୍ତ୍ତବ୍ୟ ସାରିଦେଇଥିଲା । ପ୍ରତିଯୋଗି ମାନେ ପାଦୁକା ପିଇବା ପରି ପାଣି ପିଉଥିବା ଦେଖିବାକୁ ମିଳିଥିଲା । ତେବେ ଲକ୍ଷ ଲକ୍ଷ ଟଙ୍କା ବ୍ୟୟରେ ଏତେଵଡ ଆୟୋଜନ କରି ଏପରି ଅବ୍ୟବସ୍ଥାକୁ ବୁଦ୍ଧିଜୀବି ମହଲରେ ତୀବ୍ର ନିନ୍ଦା କରାଯାଇଛି ।
ଗୁଣପୁର ମାଟି ଗୋଟେ ସ୍ୱାଭିମାନର ମାଟି । ଏଭଳି ସ୍ୱାଭିମାନ ମାଟିରେ ଦୂର ଦୂରାନ୍ତ ରୁ ଆସିଥିବା ଓଡ଼ିଶାର ଆଦିବାସୀ ଅଧ୍ୟୁଷିତ ଅଞ୍ଚଳ ର ସୁନାମଧନ୍ୟ କଳାକାର ଯେଉଁ ମାନେ ନିଜ କଳା ପାଇଁ ରାଜ୍ୟ ସ୍ତରରେ ସମ୍ମାନୀତ ହୋଇଛନ୍ତି ସେମାନଙ୍କୁ ଏମିତି ଅପମାନ କରିବା କେତେ ଦୂର ଠିକ୍ ବୋଲି ଲୋକେ ଆଲୋଚନା କରୁଥିବା ଶୁଣିବାକୁ ମିଳିଛି । ବିଶେଷ କରି କଳାକାର ଓ ପ୍ରତିଯୋଗୀ ମାନେ ଖାଦ୍ୟ ନ ଖାଇ ଚାଲି ଯିବା ଓ ଏତେ ପରିମାଣର ଖାଦ୍ୟ ଫିଙ୍ଗାଯିବାକୁ ବୁଦ୍ଧିଜୀବୀ ମହଲରେ ଘୋର ନିନ୍ଦା କରାଯାଇଛି ।