ରିପୋର୍ଟ : ବିରଞ୍ଚି ପ୍ରସାଦ ଶତପଥୀ
ଗୁଣୁପୁର, (୩୧/୦୩) : ଆଜି ସ୍ଥାନୀୟ ଜି ଆଇ ଇ ଟି ବିଶ୍ୱବିଦ୍ୟାଳୟରେ ସ୍କୁଲ ଅଫ ଇଞ୍ଜିନିୟରିଂ ଆଣ୍ଡ ଟେକ୍ନୋଲୋଜି, କମ୍ପୁଟର ସାଇନ୍ସ ଆଣ୍ଡ ଇଞ୍ଜିନିୟରିଂ ବିଭାଗ ସହଯୋଗରେ ବିଶ୍ୱବିଦ୍ୟାଳୟ ର କେନ୍ଦ୍ରୀୟ କକ୍ଷରେ ଦୁଇଦିନିଆ ୪ର୍ଥ ଆନ୍ତର୍ଜାତିକ ସମ୍ମିଳନୀ “ମେସିନ ଲେର୍ନିଙ୍ଗ, ଆଇଓଟି ଏବଂ ବିଗ ଡାଟା” ସମ୍ପର୍କିତ ସମ୍ମିଳନୀ ଉଦ୍ଘାଟିତ ହୋଇଯାଇଛି ।
ଏହି ଉଦ୍ଘାଟନୀ ସମ୍ମିଳନୀରେ ମୁଖ୍ୟ ଅତିଥି ଭାବେ ଆଇ ଆଇ ଟି ଭୁବେନଶ୍ୱରର ନିର୍ଦ୍ଦେଶକ ପ୍ରଫେସର ଶ୍ରୀପଦ କର୍ମଲକର ଯୋଗ ଦେଇ ସମ୍ମିଳନୀର ଶୁଭ ଉଦ୍ଘାଟନ କରି ବର୍ତମାନ ଯୁଗରେ ଏହାର ଆଵଶ୍ୟକତା ବିଷୟରେ କହିଥିଲେ । ସମ୍ମାନୀୟ ଅତିଥି ଭାବେ ୟୁନିଭେର୍ସିଟି ଅଫ ହାଇଦ୍ରାବାଦର ପ୍ରଫେସର ଶିବା କେ ଉଦଘାତା ଯୋଗଦେଇଥିଲେ । ଅନ୍ୟତମ ସମ୍ମାନୀତ ଅତିଥି ଭାବେ ବିଶ୍ୱବିଦ୍ୟାଳୟର ସମ କୁଳାଧିପତି ଏବଂ ସମ୍ମିଳନୀର ସଭାପତି ପ୍ରଫେସର ଡ଼ ଲଳିତ ମୋହନ ପଟ୍ଟନାୟକ ଯୋଗ ଦେଇଥିଲେ । କୁଳପତି ଡ଼ଃ ଏ ଭି ଏନ ଏଲ ଶର୍ମା ଯୋଗ ଦେଇ ସ୍ୱାଗତ ଭାଷଣ ଦେଇଥିବା ବେଳେ ବିଭାଗର ଡେପୁଟି ଡିନ ଡ଼ଃ କେ ମୁରଲୀ ଗୋପାଳ ଧନ୍ୟବାଦ ଅର୍ପଣ କରିଥିଲେ । ଏହି ସମ୍ମିଳନୀ ରେ ବିଭିନ୍ନ ଗବେଷକଙ୍କ ଦ୍ୱାରା ନିଜର ଗବେଷଣା ଏଥିରେ ଉପସ୍ଥାପନ କରାଯାଇଥିଲା ।
ଏହି ସମ୍ମିଳନୀ ଉପଲକ୍ଷେ ଗତ ଦୁଇଦିନ ଧରି ଅନୁଷ୍ଠିତ ହୋଇଥିବା ବିଭାଗୀୟ ହାକଥାନର କୃତି ଛାତ୍ରଛାତ୍ରୀ ମାନଙ୍କୁ ପୁରସ୍କାର ପ୍ରଦାନ କରାଯାଇଥିଲା । ବିଶ୍ୱବିଦ୍ୟାଳୟର ରେଜିଷ୍ଟ୍ରାର ଡ଼ଃ ଏନ.ଭି .ଜଗନ୍ନାଧା ରାଓ, ସ୍କୁଲ ଅଫ ଇଞ୍ଜିନିୟରିଂ ର ଡିନ ଡ଼ଃ ଏ ବି ଶ୍ରୀନିବାସ ରାଓ, ପରୀକ୍ଷା ନିୟନ୍ତ୍ରକ ଡ଼ଃ ପି ବିଜୟ କୁମାର, ଅଧ୍ୟାପକ ଏସ ଏନ ଦାସ, ରାଘବେନ୍ଦ୍ର କୁମାର, ବିଭାଗର ପ୍ରଫେସର, ଆନ୍ତଜାତିକ ବୈଜ୍ଞାନିକ ପ୍ରକାଶନ ଅନୁଷ୍ଠାନ ସ୍ପିଞ୍ଜର ସାମନମୟ ରେ ଆୟୋଜକ ଆଇଜି ଆଇଟି ସାରଙ୍ଗର ଅଧ୍ୟାପକ ଶ୍ରୀନିବାସ ସେଠି , ଅଧ୍ୟାପକ, ଅଧ୍ୟାପିକା, ଛାତ୍ରଛାତ୍ରୀ ଉପସ୍ଥିତ ଥିଲେ । ଏହି ଅବସରରେ ଏକ ସମ୍ମିଳନୀ ପୁସ୍ତିକା ଅତିଥିଙ୍କ ଦ୍ୱାରା ଉନ୍ମୋଚନ କରାଯାଇଥିଲା ।