ରିପୋର୍ଟ : ବିରଞ୍ଚି ପ୍ରସାଦ ଶତପଥୀ
ଗୁଣପୁର, (୧୦/୪) : ସିପିଆଇ (ଏମ୍ଏଲ) ଲିବରେସନ ତରଫରୁ ଗୁଣପୁର ବିଧାନସଭା ନିର୍ବାଚନ ମଣ୍ଡଳୀ ଲଢୁଆ ଆଦିବାସୀ ଯୁବକ ଅନାସିମ ଶବର ପ୍ରତିଦ୍ବନ୍ଦିତା କରିବା ପାଇଁ ନିଷ୍ପତ୍ତି ଗ୍ରହଣ କରାଯାଇଛି ।
ଏହି ପରିପ୍ରେକ୍ଷୀରେ ଆଜି ଗୁଣପୁର ସହରରେ ଦୋକାନ ବଜାର ବୁଲି ବୁଲି ନିର୍ବାଚନ ପାଣ୍ଠି ସଂଗ୍ରହ କରାଯାଇଛି । ସମ୍ବିଧାନ ଓ ଗଣତନ୍ତ୍ରକୁ ପରିବର୍ତ୍ତନ କରିବା ପାଇଁ ମୋଦି ସରକାର ୪୦୦ ପାର କରିବା କଥା ସଂପୂର୍ଣ୍ଣ ମିଥ୍ଯା ଅଟେ । ମୋଦୀ ଇଲୋକଟ୍ରାଲ ବଣ୍ଡ ଜରିଆରେ କୋଟି କୋଟି ଟଙ୍କା ଆଦାୟ କରିବା ଜନସାଧାରଣ ଜାଣି ସାରିଛନ୍ତି । ଗଣତନ୍ତ୍ର ଓ ସମ୍ବିଧାନ ବିପଦ ରେ ପଡିଛି , କେନ୍ଦ୍ର ଶାସନରେ ବିଜେପି ଆଜି ଦେଶକୁ ଖଣ୍ଡ ଖଣ୍ଡ କରି ଦେବାକୁ ଷଡଯନ୍ତ୍ର କରିଛି ଏବଂ ଦେଶର ସମ୍ପଦ କୁ ବଡ ବଡ ପୁଞ୍ଜିପତି ମାନଙ୍କୁ ଟେକି ଦେଉଛି ।
ଦରବୃଦ୍ଧି ସାଙ୍ଗକୁ ବେକାରୀ ବଢୁଛି । ଚାଷି ଆଜି ଆତ୍ମହତ୍ୟା କରୁଛି । ଲୁଟ ବଢୁଛି ଏଥିପାଇଁ ବିଜେପି ଦାୟୀ । ଓଡିଶାର ନବୀନ ବାବୁଙ୍କ ବିଜେଡି ସରକାର ଲଗାତାର ୨୪ ବର୍ଷ ଶାସନ କରିଛନ୍ତି ହେଲେ ଦରବୃଦ୍ଧି କମୁନି କାହିଁକି । ଜଙ୍ଗଲ ଜମି ଅଧିକାର ଆଦିବାସୀଙ୍କୁ ମିଳିଲା ନାହିଁ । ମଜୁରିଆ କୁ ଉଚିତ୍ ମଜୁରୀ ସବୁ ଦିନ ମିଳୁନାହିଁ । ସବୁ କଥା ରେ ନବୀନ ବାବୁ ମୋଦୀଙ୍କୁ ସମର୍ଥନ କରି ଓଡିଶା ଲୋକଙ୍କ ପ୍ରତି ବିଶ୍ବାସ ଘାତକତା କରିଛନ୍ତି ।
ତେଣୁ ୨୦୨୪ ସାଧାରଣ ନିର୍ବାଚନରେ ଦଳ ଡିଆଁ ରାଜନୀତିର ମୁଖା ଖୋଲିବା, ବିଜେପି ଓ ବିଜେଡି ଗୁପ୍ତ ମେଣ୍ଟ କୁ କ୍ଷମତାରୁ ହଟାଇବା ପାଇଁ ଶପଥ ନିଆଯାଇଛି । ଆଜିର ଏହି କାର୍ଯ୍ୟକ୍ରମକୁ ତ୍ରିପତି ଗମାଙ୍ଗ ପରିଚାଳନା କରିଥିବାବେଳେ, ସଞ୍ଜିବ ଶବର, କରୁଣା କର ଲିମା, ବୃନ୍ଦାବନ ବିଡିକା, ମିନ ଶବର, ଓସମା ବିନ ଶବର ସହଯୋଗ କରିଥିଲେ ।