ରିପୋର୍ଟ : ଓଡିଶା ନ୍ୟୁଜ ୨୪ ବ୍ୟୁରୋ //
ସୁନ୍ଦରଗଡ, (୨୬/୦୪) : ଜଙ୍ଗଲରେ ଚାଲିଥିଲା ଦେଶୀ ମଦ ପ୍ରସ୍ତୁତି । ଅବକାରୀ ବିଭାଗ ଚଢ଼ାଉ କରି ଜବତ କଲା କୁଇଣ୍ଟାଲ କୁଇଣ୍ଟାଲ ପୋଚ ସହ ଦୁଇଶହ ଲିଟର ଦେଶୀ ମଦ ।
ଘଟଣା ଘଟିଛି ସୁନ୍ଦରଗଡ ଜିଲ୍ଲା ଗଣୁଆ ଫରେଷ୍ଟ ଓ ପାଟମୁଣ୍ଡା ଜଙ୍ଗଲରେ । ଗଣୁଆ ଫରେଷ୍ଟ ଓ ପାଟମୁଣ୍ଡା ଜଙ୍ଗଲରେ ଦେଶୀ ମଦ ପ୍ରସ୍ତୁତି ଚାଲିଥିବା ଅବକାରୀ ବିଭାଗ କୌଣସି ସୂତ୍ରରେ ଖବର ପାଇଥିଲା। ଗତକାଲି କୋଇଡା ଅବକାରୀ ବିଭାଗ ଲହୁଣୀପଡା ଅବକାରୀ ବିଭାଗ ଓ କେନ୍ଦୁଝର ଜିଲ୍ଲାର ବଡ଼ବିଲ ଓ ଚମ୍ପୁଆ ଅବକାରୀ ବିଭାଗ ମିଳିତ ଭାବରେ ଚଢ଼ାଉ କରିଥିଲା । ଅବକାରୀ କର୍ମଚାରୀଙ୍କୁ ଦେଖି ଛତ୍ର ଭଙ୍ଗ ଦେଇଥିଲେ ମଦ ମାଫିଆ । ପରେ ଅବକାରୀ ବିଭାଗ ଚଢ଼ାଉ କରି କୁଇଣ୍ଟାଲ କୁଇଣ୍ଟାଲ ପୋଚ ସହ ୨୦୦ଲିଟର ଦେଶୀ ମଦ ଜବତ କରିଥିଲା । ଏହାସହ ମଦ ପୋଚ ନଷ୍ଟ କରିଥିଲା।ଜଙ୍ଗଲରେ ମଦ ପ୍ରସ୍ତୁତ ପଛରେ ଏକ ବଡ଼ ରାକେଟ କାମ କରୁଥିବା ଅନୁମାନ କରାଯାଉଛି । ଏହାର ଚେର ବାହାର ରାଜ୍ୟ ପର୍ଯ୍ୟନ୍ତ ଲମ୍ବିଛି କି ନାହିଁ ତାହା ତଦନ୍ତ କରୁଛି ଅବକାରୀ ବିଭାଗ ।