ରିପୋର୍ଟ : ଗୋପୀନାଥ ଗୌଡ଼
ରାୟଗଡ଼ା, (୨୮/୪) : ରାୟଗଡା ଜିଲ୍ଲାରେ ଆସନ୍ତା ମେ ୧୩ ତାରିଖ ଦିନ ଏକକାଳୀନ ମତଦାନ ଅନୁଷ୍ଠିତ ହେବ ।
ଜାଗ ଭୋଟର ଜାଗ । ଏଥି ନିମନ୍ତେ ବିଭିନ୍ନ ଦିଗରୁ ଜିଲ୍ଲା ନିର୍ବାଚନ କାର୍ଯ୍ୟାଳୟର ପ୍ରସ୍ତୁତି ଶେଷ ପର୍ଯ୍ୟାୟରେ ପହଞ୍ଚିଛି । ଅପରପକ୍ଷେ ବ୍ୟାପକ ସଚେତନତା ସୃଷ୍ଟି ନିମନ୍ତେ ଜିଲ୍ଲା ନିର୍ବାଚନ ଅଧିକାରୀ ତଥା ଜିଲ୍ଲାପାଳ ରାୟଗଡା ମନୋଜ ସତ୍ୟବାନ୍ ମହାଜନ ଚେଷ୍ଟା ଜାରି ରଖିଛନ୍ତି । ରାୟଗଡା ନିର୍ବାଚନ ମଣ୍ଡଳୀରେ ଉପଜିଲ୍ଲାପାଳ କଲ୍ଯାଣୀ ସଂଘମିତ୍ରା ଦେବୀଙ୍କ ନିର୍ଦ୍ଦେଶ କ୍ରମେ ରାୟଗଡା ବ୍ଳକ ର ଏକଶହ ଚଉଦ ଟି ଭୋଟ ଦାନ କ୍ଷେତ୍ର ଅଞ୍ଚଳରେ ଗତ ଏପ୍ରିଲ ଚାରି ତାରିଖ ଠାରୁ ଅଠେଇଶି ତାରିଖ ପର୍ଯ୍ୟନ୍ତ ଜାଗ ଭୋଟର ଜାଗ ଅଭିଯାନ ଅନୁଷ୍ଠିତ ହୋଇଯାଇଅଛି ।
ପ୍ରତି ଗ୍ରାମ ଓ ପଡା ରେ ବୁଥ ସ୍ତରୀୟ ଅଧିକାରୀ, ସୁପରଭାଇଜର, ସ୍ଥାନୀୟ ଅଙ୍ଗନବାଡି କର୍ମୀ ଓ ଯୁବ ଗୋଷ୍ଠୀ ସାହି ସାହି ବୁଲି ଆମେ ମିଶା ଭୋଟ ଦେବା ସ୍ଲୋଗାନ ବ୍ୟାନର ଓ ପୋଷ୍ଟର ମାଧ୍ୟମରେ ସଚେତନତା ସୃଷ୍ଟି କରୁଥିବା ଦେଖିବାକୁ ମିଳିଛି । ବିଡିଓ ଅମୂଲ୍ୟ କୁମାର ସାହୁ, ଏବିଡିଓ କାଳୁ ଚରଣ ନାୟକ ଗୋପାଳ ପଣ୍ଡା, ଉମା ଚରଣ ପଟ୍ଟନାୟକ ସମ୍ବଳ ଶିକ୍ଷକ ନୀଳାଞ୍ଚଳ ମିଶ୍ର ପ୍ରମୁଖ ଏହାର ତଦାରଖ କରୁଛନ୍ତି। ଗୋଷ୍ଠୀ ଶିକ୍ଷାଧିକାରୀ ସୁଦୀପ୍ତ କୁମାର ଦାଶ ଓ ସିଡିପିଓ ମୀନାକ୍ଷୀ ଦାଶଙ୍କ ସହଯୋଗରେ ବ୍ଳକ ର ସମସ୍ତ ଶିକ୍ଷକ, ଅଙ୍ଗନବାଡି କର୍ମୀ ଏହାର ସଫଳତା ନିମନ୍ତେ ଘର ଘର ବୁଲି ପ୍ରଚାର ଓ ପ୍ରସାର କରୁଥିବା ଦେଖିବାକୁ ମିଳିଛି ।
ଯୁବ ଭୋଟର ଙ୍କୁ ଉତ୍ସାହିତ କରିବା ପାଇଁ ସିଂଘାଣିଆ ଉଚ୍ଚ ମାଧ୍ୟମିକ ବିଦ୍ୟାଳୟ, ଜେକେପୁର, ମଡେଲ ଡିଗ୍ରୀ କଲେଜ ଅମଲାଭଟା ଆଦିରେ ଯୁବ ଭୋଟରଙ୍କ ନିମନ୍ତେ ପ୍ରତିଯୋଗୀତା, ରାଲି ଆଦି ବିଭିନ୍ନ ସଚେତନତା କାର୍ଯ୍ୟକ୍ରମମାନ ଅନୁଷ୍ଠିତ ହୋଇଥିଲା । ଆଗାମୀ ସାଧାରଣ ନିର୍ବାଚନର ମତଦାନ ରେ ଏହାର ସୁପ୍ରଭାବ ପରିଲକ୍ଷିତ ହେବ ବୋଲି ବିଡିଓ ଅମୂଲ୍ୟ କୁମାର ସାହୁ ପ୍ରକାଶ କରିଛନ୍ତି ।