ରିପୋର୍ଟ : ଧୃବରାଜ ମିଶ୍ର
ସୁବର୍ଣ୍ଣପୁର, (୨୮/୦୪) : ସୋନପୁର – ସମ୍ବଲପୁର ରୋଡ଼ ର ସିଂଢ଼ୋଲ୍ ଠାରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣାରେ ଦୀର୍ଘ ଛଅ ଘଣ୍ଟା ପରେ ଉଦ୍ଧାର ହେଲେ ଟ୍ରଲର ଗାଡ଼ି ର ଡ୍ରାଇଭର l
ଘଟଣା ରୁ ପ୍ରକାଶ ଯେ, ସମ୍ବଲପୁର ରୁ କେସିଙ୍ଗା ଯାଉଥିବା ଏକ ଟ୍ରଲର ଗାଡ଼ି ସମାନ ଦିଗ ରୁ ଆସୁଥିବା ରୋଲର ବୋଝେଇ ୪୦୭ ଗାଡ଼ି ପଛ ପଟେ ଧକ୍କା ହେବାରୁ ଉଭୟ ଗାଡ଼ି ଚୂର୍ ମାର ହୋଇଥିବା ଜଣା ପଡିଛି l ୪୦୭ ପିକଅପ ଭ୍ୟାନ ହଠାତ୍ ବ୍ରେକ୍ ଦେବାରୁ ପଛ ପଟେ ଆସି ଟ୍ରଲର ଗାଡ଼ି ଟି ପିଟି ହୋଇଥବା ଜଣାପଡିଛି l ସୋନପୁର ଅଗ୍ନିଶମ ବାହିନୀର କର୍ମଚାରୀ ଘଟଣା ସ୍ଥଳ ରେ ପହଞ୍ଚି ଦୀର୍ଘ ଛଅ ଘଣ୍ଟା ଅକ୍ଳାନ୍ତ ପରିଶ୍ରମ କରି ରକ୍ତାକ୍ତ ହୋଇ ବିପଦଜନକ ଅବସ୍ଥା ରେ ଫସି ରହି ଥିବା ଟ୍ରଲର ଗାଡ଼ି ର ଡ୍ରାଇଭର କୁ ଉଦ୍ଧାର କରିଥିଲେ ଏବଂ ଡ୍ରାଇଭର ର ଜୀବନ ବଞ୍ଚାଇ ଥିଲେ ଅଗ୍ନିଶମ ବାହିନୀର ଏସ ଓ କବି ସେଠୀ ଓ ଉଜ୍ଜ୍ୱଳ ବେହେରା ଙ୍କ ନେତୃତ୍ଵ ରେ ଯାଇଥିବା ଉଦ୍ଧାରକାରୀ ଦଳ l